كتب: خالد عاصم

شركة ابل معروفة بإنها بتقدم مجموعة من الساعات الذكية الممتازة وإنها دايمًا بتكون في القمة في الصناعة دي ومن الصعب جدًا منافستها، ويمكن يكون العنصر الوحيد اللي بيسمح بمنافستها هو سعرها العالي، ومن الساعات الذكية المتميزة من ابل اللي صدرت خلال السنين اللي فاتت، ساعة Apple Watch Series 7 اللي صدرت سنة ٢٠٢١ ولسا من الخيارات المتميزة المتاحة في السوق لحد دلوقتي.

وفي المقال ده هنتعرف مراجعتنا الكاملة لساعة ابل الذكية Apple Watch Series 7 عشان نحدد إذا كانت فعلًا من الخيارات الممتازة في السوق حاليًا ولا لا.

ولو الساعة عجبتك هتقدر تطلبها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

ساعة Apple Watch Series 7 الذكية

• أبعاد الساعة: ١٠٫٧ مم × ٣٨ مم × ٤٥ مم
• وزن الساعة: ٤٢٫٣ جرام
• البناء والصناعة: هيكل من الستانليس ستيل بضهر من السيراميك أو كريستال الياقوت وشاشة زجاجية محمية بطبقة من كريستال الياقوت
• حماية الساعة: حماية ضد الغطس في المياه حتى ٥٠ متر
• الشاشة: شاشة Retina LTPO OLED بقطر ١٫٩ بوصة بدقة ٣٩٦ × ٤٨٤ بيكسل بكثافة ٣٢٦ بيكسل لكل بوصة وبمعدل سطوع لحد ١٠٠٠ شمعة وبتدعم خاصية الشاشة دائمة التيقظ
• الأداء: بتعتمد الساعة على المعالج المركزي Apple S7 ثنائي النواة بمعالج رسوميات PowerVR والمدعوم برامات سعتها ١ جيجابايت رام وذاكرة داخلية سعتها ٣٢ جيجابايت
• نظام التشغيل: تقبل الترقية لحد نظام تشغيل watchOS 9.4
• التقنيات اللاسلكية: واي-فاي – بلوتوث ٥٫٠ – NFC – GPS
• المستشعرات: التسارع – الدوران – معدل نبضات القلب – مقياس الضغط الجوي – البوصلة – قياس الأكسجين في الدم – مستشعر قياس الارتفاع – مستشعر VO2max
• البطارية: سعة ٣٠٩ ميللي أمبير في الساعة بيتم شحنها لاسلكيًا

مراجعة الساعة الذكية Apple Watch Series 7

لما ظهرت ساعة Apple Watch Series 7 ماكنتش الساعة اللي تضمنت تحديثات ضخمة مقارنة بالساعة السابقة عليها Apple Watch Series 6، فالاختلافات كانت بسيطة وأبرزها كان الشاشة الأكبر بحوالي ٢٠ في الميه، بس من غير التحديثات الضخمة دي فضلت الساعة من أفضل الخيارات التي توفرت وقت طرحها وتحديدًا لحد ما ظهرت ساعة Apple Watch Series 8 اللي كانت بتمثل تحديث أفضل شوية، ومع الساعات الجديدة اللي ظهرت ممكن ماتكونش ساعة Series 7 من بين الأفضل على الإطلاق حاليًا بس هي بالتأكيد من الخيارات الجيدة.

فلو مس قادر تشتري ساعة Series 8 وبتفكر إن كانت ساعة Series 7 خيار كويس ولا لا فهي بالتأكيد خيار كويس جدًا، فالساعة مثالية لأي حد عايز يقلل من اعتماده على الموبايل في حاجات كتير وكمان عايز جهاز تتبع لياقة متميز مع دعم بقياسات صحية متعددة دقيقة جدًا ده غير توفر مجموعة ممتازة من التطبيقات وكل ده موجود داخل ساعة شيك جدًا وقوية جدًا ومتميزة فعلًا.

الساعة تصميمها هو تصميم ساعات ابل المعتاد وبتتوفر بخمس ألوان مختلفة ولكن مع الشاشة الأكبر فالرؤية لكل أشكال المحتوى بقت أفضل بشكل كبير مقارنة بالساعات اللي قبلها، ده غير إنها حافظت على خاصية الشاشة دائمة التيقظ العملية والمهمة جدًا لو انت من اللي بيزهقوا من فكرة إنهم لازم يضطروا لرف إيديهم عشان الساعة تنور وتظهر بياناتها زي الساعات اللي قبل Series 6.

وبفضل الشاشة الأكبر في الساعة دي قررت أبل إن ده الوقت المناسب لإضافة الكيبورد للساعات الذكية، وعلى الرغم من صعوبة تخيل استخدام الكيبورد في ساعة بشاشة مهما كانت كبيرة فهي لاتزال صغيرة إلا إن استخدام الكيبورد في ساعة ابل مش صعب إطلاقا وتقدر فعلًا ترد على الرسايل اللي بتجيلك من غير مشكلة وكمان خاصية توقع الكلمات في الساعة فعالة جدًا ودقيقة بشكل كبير خصوصًا في اللغة الإنجليزية.

على مستوى أداء المعالج فمنقدرش إن معالج Apple S7 المستخدم في الساعة بيقدم فرق كبير في الأداء مقارنة بساعة Series 6 وكل الفرق اللي ممكن يكون حصل فعلًا هو إن المعالج اتعدل عشان يقدر يدعم الشاشة الأكبر، بس ده مش معناه إن فيه أي مشكلة في الأداء، بالعكس كل حاجة بتقوم بيها الساعة بتحصل بسلاسة شديدة جدًا وسرعة واضحة سواء في تتبع اللياقة أو قراية الرسائل أو قياسات الصحة أو حتى الفرجة على الصور وغيرها.

وبالكلام عن تتبع اللياقة فالساعة بتدعم مجموعة كبيرة جدًا من التمارين الرياضية زي الجري والسباحة وكتير من التمارين التانية ومن بينها وضع رياضة الدراجات الهوائية المحسنة واللي بتقدر تتبع لوحدها في حالة ركوب المستخدم لدراجة هوائية، وإن كان عدد من المستخدمين سجلوا إن الساعة في بعض الأحيان مش بتلاحظ حالة التوقف ومش بتنهي التمرين من نفسها، بس إجمالًا الساعة ممتازة على مستوى اللياقة والتمارين خصوصًا لو ربطها بتطبيق Fitness Plus من ابل، والساعة كمان فيها مجموعة من الإضافات الممتعة زي تطبيق التأمل ونظام Apple Ring اللي بيقدر يديلك تقرير عن نشاطك العام خلال اليوم.

اما على مستوى التتبع الصحي فالساعة بتدعم كل القياسات الصحية اللي بتوفرها كل الساعات الذكية المتوفرة حاليًا زي قياس معدل نبضات القلب ومستوى الأكسجين في الدم وغيرها وهي بتتمتع بدقة كبيرة جدًا وإن كان مفيش كلام كتير ممكن يتقال عنها يفرقها عن أي ساعة رائدة تانية.

اتعرف على عروض أسعار ساعة Apple Watch Series 7 من هنا.

اتعرف على عروض أسعار مختلف ساعات ابل الذكية من هنا.

اتعرف على عروض أسعار مختلف الساعات الذكية المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.