مميزات وعيوب موبايل Xiaomi Redmi 4X
كتب: محمد عبد الرحمن
شاومي، واحدة من أنجح الشركات وأكترها انتشارًا في السوق المصري في سنة ٢٠١٧، وده بفضل تنوع وتعدد موديلات شاومي بالشكل اللي قدرت بيه إنها تفرض اسمها ووجودها وثقتها كمان في السوق المصري.
هنتكلم النهارده عن موبايل Xiaomi Redmi 4X واحد من أنجح موبايلات الشركة في سنة ٢٠١٧ وأكترها مبيعًا رغم صدوره من أكتر من ٧ شهور وده دليل على نجاح الموبايل ده.
في الريفيو ده هنتعرف أكتر على مواصفات ومميزات وعيوب الموبايل، ولو عجبك وعاوز تشتريه تقدر من خلال ياقوطة تعرف أحسن الأسعار ليه وتطلبه كمان من خلالنا وهيوصل لغاية عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
مواصفات موبايل Xiaomi Redmi 4X
| الشاشة | البروسيسور | الرام | الكاميرا | الميموري | البطارية | الأندرويد |
| ٥ | ثماني النواة | ٣ جيجا | ١٣ ميجا | ٣٢ جيجا | ٤١٠٠ مللي أمبير | مارشميلو |
وصف الموبايل
- الموبايل مصنوع من المعدن.
- الجهة اليمنى للموبايل هنلاقي أزرار التحكم بالصوت، وزر منفصل للبارو.
- الجهة اليسرى للموبايل هنلاقي منفذ لشريحتي الاتصال والميموري الخارجي.
- الجهة الأمامية فيه مع الشاشة لمبة إشعارات LED.
- الجهة العليا للموبايل هنلاقي مدخل السماعات الخارجية، ومستشعر للإنفرا، وميكرفون إضافي مانع للضجيج.
- الجهة السفلية للموبايل هنلاقي منفذ للشحن، وسماعات الموبايل الخارجية.
- الجهة الخلفية هنلاقي مستشعر البصمة.
الشاشة
المميزات
- شاشة الموبايل بحجم ٥ بوصة بدقة وضوح ١٢٨٠ × ٧٢٠ بكسل، وكثافة بكسلات ٢٩٤ بكسل.
- شاشة الموبايل مزودة بطبقة حماية ضد الكسر.
العيوب
- دقة وضوح الشاشة مش الأفضل وسط المنافسين، وكان الأفضل شاومي ترفع دقة وضوح وكثافة الشاشة أكتر من كده.
تجربة المستخدم
- حجم شاشة الموبايل مش مفضل عند كتير من المستخدمين واللي بيفضلوا حجم ٥٫٥ بوصة أكتر.
- رغم كثافة الشاشة، فالألوان وزوايا الرؤية والوضوح كويسين جدًا، وإن كان فيه بهتان بسيط في وضوح الألوان.
- شاشة الموبايل مزودة بلمبة إشعارات LED، واللي بتنور بلون واحد بس هو الأبيض، وموجودة أسفل شاشة الموبايل.
- زراير التنقل جوه الموبايل موجودة بره الشاشة، ودي ميزة كويسة لإنها بتسمح للمستخدم إنه يستمتع بحجم الشاشة كامل ومن غير أي إحساس بالصغر.
الأداء
المميزات
- الموبايل بييجي ببروسيسور ثماني النواة Qualcomm Snapdragon 435 بتردد 1.4 جيجاهرتز، مع رام داخلي بسعة ٣ جيجابايت، وميموري داخلي للموبايل بسعة ٣٢ جيجابايت، وممكن تضيف ميموري خارجية بسعة توصل لـ ١٢٨ جيجابايت.
- الموبايل بيدعم وجود مستشعر بصمة الإصبع، وراديو FM، وإنفرا، وتشغيل شبكات الجيل الرابع 4G، وكمان الجيروسكوب، والـ OTG، وعداد الخطوات.
العيوب
- رغم إن الموبايل بيدعم تشغيل شريحتين اتصال وميموري خارجي، فللأسف لازم تستغنى عن شريحة منهم علشان تضيف ميموري خارجي.
تجربة المستخدم
- أداء الموبايل مميز وقوي وسريع في فتح والتنقل بين أكتر من برنامج وتطبيق في نفس الوقت.
- الموبايل بيسمح بتشغيل شريحتين اتصال والشريحتين بيدعموا الاتصال بالإنترنت.
- الموبايل بيسمح للمستخجم بعمل نسختين من الموبايل كل نسخة منهم بالخلفية الخاصة بها وبرامجها وكمان نغمات التنبيه والرنين، وكمان تثبت وجود بصمة لكل موبايل منهم. لكن الميزة دي بتقلل من سرعة الموبايل شوية لإنها بتستهلك حوالي ٥٠٠ ميجابايت من الرام.
- واجهة شاومي بتدي للمستخدم ميزة نسخ أكتر من برنامج زي واتساب وفيسبوك وغيرهم من البرامج المختلفة.
- الموبايل مش بيدعم تقنية الضغط مرتين علشان تفتح الموبايل وتقفله.
- أداء بصمة الموبايل مميز وسريع، ومن خلالها تقدر تحمي برامحك وصورك المختلفة.
- الموبايل بييجي بنسخة تشغيل أندرويد مارشميلو، وقابلة للتحديث للنظام الأحدث نوجا.
الكاميرا
المميزات
- الموبايل بييجي بكاميرا خلفية بدقة ١٣ ميجابكسل، مع فلاش أحادي.
- الكاميرا بتصور فيديو بدقة ١٠٨٠ بكسل/ ٣٠ ثانية.
العيوب
- دقة تصوير الكاميرا السيلفي مش الأفضل وسط المنافسين واللي بتكون ٥ ميجابكسل، ومفيش معاها فلاش أمامي.
تجربة المستخدم
- كاميرا الموبايل بتقدم تجربة أداء مرضية في الإضاءة النهارية والخارجية، والصور دي جودتها بتقل في حالة التصوير الداخلي أو الإضاءة قلت شوية وبيظهر Noise واضح في الصور.
- الكاميرا السيلفي ضورها مرضية مقارنة بالسعر الخاص بالموبايل.
البطارية
المميزات
- بطارية قوية بسعة ٤١٠٠ مللي أمبير.
العيوب
- البطارية غير قابلة للإزالة.
- البطارية مش بتدعم تقنية الشحن السريع.
تجربة المستخدم
- بحجم شاشة ٥ بوصة، وبطارية ٤١٠٠ مللي أمبير، فالموبايل ده بيقدم أداء يوصل ليومين كاملين من الاستعمال الشاق.
- للأسف البطارية بتتشحن في ٣ ساعات تقريبًا.
تقدر تشوف موبايل Xiaomi Redmi 4X من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.