كتب: محمد عبد الرحمن

واحد من أهم المميزات اللي بتتفوق فيها هواوي عن كتير من منافسينها، إنها بتدرس السوق كويس جدًا وتعرف احتياجات مستخدميها وتلبي الاحتياجات دي، وبتقدر تحافظ على سعر كويس جدًا وبيكون كمان قريب قيو من كتير من منافسيها.

ولإن فئة الـ ٤٠٠٠ جنيه هواوي مش بتنافس فيها، قررت تدخل الفئة دي بتقلها وأصدرت موبايل Huawei Y9 Prime 2018، واللي يعتبر موبايل كويس مقارنة بمنافسيه.

من خلال ياقوطة هنتعرف في الريفيو ده على أهم مواصفات ومميزات وكمان عيوب الموبايل، ولو عجبك وعاوز تشتريه تقدر تعرف أحسن الأسعار ليه من خلالنا وتطلبه وهيوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

وصف الموبايل

• الجهة الأمامية هنلاقي مع شاشة الموبايل كاميرا سيلفي.
• الجهة الخلفية هنلاقي كاميرا خلفية مزدوجة مزودة بفلاش ومستشعر لبصمة الإصبع.
• الجهة اليمنى للموبايل هنلاقي زر منفصل للباور، مع وجود زراير التحكم في الصوت.
• الجهة اليسرى هنلاقي منفذ شريحتين الموبايل مع الميموري الخارجي.
• الجهة السفلية للموبايل هنلاقي منفذ شحن الموبايل ومكان سماعات الهاند فري، مع وجود سماعات الموبايل.
• الموبايل مصنوع من المعدن، لكن للأسف خامات المعدن المصنوع منه مش أفضل حاجة.

الشاشة

المميزات

• شاشة IPS LCD بحجم ٥٫٩٣ بوصة، ودقة وضوح ١٠٨٠ × ٢١٦٠ بكسل، وكثافة بكسلات ٤٠٧ بكسل.
• الشاشة بتيجي بالأبعاد الجديدة للعرض ١٨:٩.

العيوب

• شاشة الموبايل مش مزودة بأي طبقة حماية إضافية ضد الكسر.

تجربة المستخدم

• ألوان الموبايل وزويا الرؤية والوضوح عالية حتى في ظروف الإضاءة الخارجية وأشعة الشمس.
• ألوان الشاشة، والإضاءة تعتبر قريبة جدًا جدًا من موبايل Huawei Mate 10 Lite.
• حجم شاشة الموبايل مناسب لهواة القراءة، وممارسة الألعاب بشكل ممتع.
• للأسف الشاشة مش مزودة بأي طبقة حماية ضد الكسر أو الخدش.
• زراير التحكم في الموبايل موجودة في الشاشة وبحجم صغير، مش هيأثر كتير على تجربة المستخدم مع الشاشة، وإن كان الأفضل تكون بره الشاشة زي ما بعض المستخدمين بيفضلوا ده.

الأداء

المزايا

• الموبايل بييجي بأحدث نظام تشغيل أوريو، وبييجي ببروسيسور ثماني النواة HiSilicon Kirin 659 أربعة أنوية بتردد 2.36 جيجاهرتز، وأربعة أنوية بتردد 1.7 جيجاهرتز بتردد 1.4 جيجاهرتز، ومعالج رسومي Mali-T830 MP2 مع رام داخلي بسعة ٣ جيجابايت وميموري داخلي بسعة ٣٢ جيجا، وممكن تضيف ميموري خارجي بسعة توصل لغاية ٢٥٦ جيجابايت.
• الموبايل بيدعم تشغيل شريحتين اتصال وميموري خارجي، وكمان تقنية الجيل الرابع للاتصال.
• الموبايل بيدعم وجود مستشعر بصمة الإصبع وكمان تقنية الجيروسكوب، وتقنية الـ OTG، وكمان راديو FM، والبوصلة.

العيوب

• لا يوجد.

تجربة المستخدم

• أداء الموبايل ده قفوي ومميز جدًا، وبينافس كمان كتير من الموبايلات القريبة منه في السعر.
• أداء الموبايل مميز في التصفح والتنقل بين البرامج والتطبيقات المختلفة، وكمان ممارسة الألعاب.
• صوت سماعة الموبايل الخارجية موجود تحت ناحية اليمين، وده غير إنه مكان من الصعب كتمه فصوت الموبايل واحد من أحسن الموبايلات في فئته. بيقدم صوت قوي، نقي، وواضح.
• بيتبقى للمستخدم بعد فتح الموبايل حوالي ٢٤٫٥ جيجابايت يقدر يحمّل عليها برامجه وصوره وكمان كتبه الإلكترونية لو كان من محبي القراءة.
• الموبايل بيقدم ٨٦٤١٥ نقطة على معالج Antutu وده رقم أعلى من أقرب منافسيه وهو موبايل xiaomi mi a1.
• الموبايل واحد من الموبايلات القليلة جدًا اللي بتيجي بأحدث نظام تشغيل أورويو، بأداء مميز لواجهة هواوي، زي إنك تلغي شريط المهام وتبدله بدايرة صغيرة تقدر تتحكم من خلالها في الموبايل وتقدر كمان تتحكم في مكان وجودها على الشاشة.
• أداء بصمة الموبايل سريع وده اللي كتير من المستخدمين متعودين من هواوي عليه، وكمان تقدر تحمي بيها برامجك المختلفة، وتتنقل في الموبايل منها.
• تقدر تعمل نسختين من أكتر من برنامج، وكمان في الواجهة ميزة النقر مرتين علشان تعمل Screen Shot للشاشة.
• الجديد في الموبايل ده في سرعة استجالة مستشعر بصمة الوجه، واللي وبمجرد ما المستخدم بيمسك الموبايل ويرفع الشاشة بتنوّر وتفتح بسرعة.
• تقدر تشغل على الموبايل شريحتين اتصال وميموري خارجي في نفس الوقت.
• أداء بصمة هواوي سريعة ومميزة، لكنها مش أسرع من Huawei Mate 10 Lite.

الكاميرا

المزايا

• الموبايل بييجي بكاميرا خلفية مزدوجة بدقة ١٣ + ٢ ميجابكسل، مع فلاش أحادي.
• الموبايل بييجي بكاميرا سيلفي مزدوجة بدقة ٨ + ٢ ميجابكسل.
• الكاميرا الخلفية بتصور فيديو بدقة ١٠٨٠ بكسل.

العيوب

• مفيش فلاش للكاميرا السيلفي.

تجربة المستخدم

• أداء كاميرا الموبايل قوي ومميز في الإضاءة العالية، والكاميرا التانية بتقوم بالعزل بشكل كويس جدًا.
• الكاميرا السيلفي مميزة جدًا وصورها منورة، وأداء الكاميرات عمومًا قريب جدًا من موبايل Huawei Mate 10 Lite.

البطارية

المزايا

• الموبايل بييجي ببطارية بسعة ٤٠٠٠ مللي أمبير.

العيوب

• البطارية مش بتدعم تقنية الشحن السريع.

تجربة المستخدم

• البطارية بتقدم أداء كويس جدًا لغاية يومين أو يوم ونص، والشاشة بتكمل معاك في وضع Screen On لغاية ٨ ساعات وجه وقت كبير.

شوف موبايل Huawei Y9 Prime 2018 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.