كتبت: أمنية عزمي

في بعض تقارير المبيعات بتقول إن مبيعات شاومي تجاوزت ال 100000000 موبايل، وده يدل على النجاح والانتشار العظيم اللي حققته شاومي على مستوى العالم مش بس في مصر، ومن أهم العوامل اللي بتنافس عليها شركة شاومي في الفترة الأخيرة في هواتفها الذكية هي السعر الاقتصادي ودقة الكاميرا وقوة المعالج ودي أكتر 3 عوامل بتهم مستخدمي الهواتف الذكية غير مواصفات تانية كتير بتوفرها زي قوة البطارية اللي بتدعم الشحن السريع ومعظمها بييجي بشاحن Type-C، مميزات كتير في كل إصدار بتطرحه شركة شاومي وبتنافس به بقوة وسط الشركات وبتهتم برضى المستخدم وتوفير احتياجاته بسعر رائع.

هنتكلم مع ياقوطة في المراجعة دي عن موبايل Xiaomi Redmi Note 8 وهنتعرف على أهم مواصفاته ومميزاته وكمان عيوبه ورأي المستخدم فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الشاشة: 6.3 بوصة IPS LCD
• المعالج: كوالكم سناب دراجون 665 ثماني النواة.
• سعة التخزين: 32 و 64 و 128 جيجابايت.
• الكاميرا الأمامية: 13 ميجابكسل.
• الكاميرا الخلفية: رباعية 48+8+2+2 ميجابكسل.
• حجم ذاكرة الرام: 3 و 4  جيجابايت.
• قدرة البطارية: 4000 ملي أمبير.

أداء الموبايل

 المعالج الرئيسي Qualcomm Snapdragon 655 ثماني النواة، والمعالج مدمج بمعالج رسومي من نوع Adreno 610 اللي بيعتبر مناسب جدا لهواة الألعاب اللي بتحتوي على جرافيكس عالية زي لعبة Pubg لكن بجودة متوسطة مش اتش دي، ومش بتدعم فورت نايت لكن بتدعم كول أوف ديوتي بجودة عالية، مع ذاكرة وصول عشوائي سعتها 3 و 4 جيجابايت ومساحة تخزين داخلية بسعة 32 و 64 و 128 جيجابايت وفيه إمكانية زيادة المساحة حتى 256 جيجابايت عن طريق كارت ميموري في مكان منفصل عن الشريحة التانية، وكل ده بيخلي الموبايل يقدم أداء أفضل في جميع النواحي وبيخليه منافس قوي واختيار أمثل للاستمتاع بالألعاب.

الشاشة

 شاشة ريدمي نوت 8 بتيجي على هيئة نوتش صغير فيه الكاميرا السيلفي، حجمها 6.3 بوصة بجودة FHD ودقتها 1080×2340 بكسل ومعدل كثافة البكسلات فيها 409 بكسل لكل بوصة، وبتدعم أبعاد العرض بنسبة 5:9، ألوانها مشبعة وتباين IPS LCD واضح وبتعرض 16 مليون لون، مزودة بحماية من زجاج كورنينج غوريلا 5 المقاومة للتلف والخدوش، بتدعم اللمس المتعدد،  أداء الشاشة يعتبر جيد جدا والألوان جيدة والسطوع عالي.

الكاميرا

الكاميرا الخلفية تأتي بشكل رباعي، أربع كاميرات بشكل عمودي بارزين نوعا ما عن الموبايل، الكاميرا الأولى بدقة 48 ميجابكسل زاوية واسعة بفتحة عدسةf/1.8  وبتستخدم مستشعر سامسونج مع الذكاء الاصطناعي وبتحصل منه على صور دقيقة في تفاصيلها وطبيعية في ألوانها، والكاميرا التانية بدقة 8 ميجابكسل بفتحة عدسة F/2.2 مع زاوية فائقة الإتساع، التالتة بدقة 2 ميجا بكسل بفتحة عدسة f/2.4 ماكرو كاميرا، الرابعة بدقة 2 ميجا بكسل بفتحة عدسة f/2.4 مع مستشعر العمق لعزل الصور، مزودة بفلاش بإضاءة ليد وبتدعم الذكاء الاصطناعي و ال HDR وبانوراما.

الكاميرا الأمامية

تأتي بدقة 13 ميجابكسل بفتحة عدسة f/2.0 مع خاصية التعرف على الوجه بدقة وهتقدر تاخد بها صور سلفي متوازنة فيها كل التفاصيل اللي بتتمناها في الصورة.

الموبايل بيدعم تصوير الفيديو 4K بدقة 2160 بكسل بمعدل 30 إطار في الثانية، وبيدعم تصوير الفيديوهات ال FHD بدقة 1080 بكسل بمعدل 30 و 60و 120 إطار في الثانية، وبيدعم التصوير بجودة HD بدقة 720 بكسل بمعدل إلتقاط 960 إطار في الثانية وبيدعم التصوير البطيئ Slow motion، بالإضافة إن الكاميرات بتدعم المثبت الإلكتروني ال EIS.

نظام التشغيل

موبايل شاومي ريدمي نوت 8 يأتي بأحدث نظام تشغيل Android 9.0 Pie مع واجهة شاومي ال MIUI 10 والإشعارات بتظهر فيه بجانب النوتش.

البطارية

 بيتميز ببطارية قوية 4000 ملي أمبير ليثيوم بوليمر بتدعم الشحن السريع بقوة 18 وات، بتستكر 18 ساعة مكالمات 3G، و11 ساعة تصفح إنترنت، و12 ساعة فيديوهات، و72 ساعة موسيقى، وتقدر تعتمد عليها يوم كامل بدون ما تحتاج لإعادة شحن.

المستشعرات

 بيدعم معظم المستشعرات زي البصمة اللي مكانها في ظهر الموبايل، وبيدعم مستشعر التسارع والقرب والبوصلة والضوء والجيروسكوب.

بيدعم الواي فاي 802.11 بكل الترددات المتاحة له في الوقت الحالي a/b/g/n/ac وبيدعم كمان خاصيتي Dual-band, Wi-Fi Direct, Hotspot.

بلوتوث الإصدار الخامس أحدث إصدار مع دعمه لخاصيتي A2DP, LE

بيدعم GPS (التحديد الجغرافي للمواقع) وبيدعم كمان أنظمة الملاحة A-GPS, GLONASS, BDS.

منفذ سماعات 3.5 في أعلى الهاتف.

منفذ يو إس بي من أحدث إصدار Type-C اللي بيتميز بسرعته المضاعفة لنقل البيانات، مع دعمه لخاصية OTG لتشغيل أي USB Driver على موبايلك.

شريحتين إتصال.. الموبايل بيدعم شريحتين إتصال من نوع نانو سيم.

منفذ IR Blaster المنفذ اللي بيتحكم في الأجهزة الكهربائية.

الموبايل بيدعم جميع شبكات الإتصال بداية من الجيل التاني والتالت وصولا للجيل الرابع 4G.

بيدعم راديو FM

وزن الموبايل 190 جرام.

المميزات

• منفذ ال USB من نوع C.
• البطارية قوية جدا 4000 ملي أمبير وبتستمر فترة طويلة مهما كان الاستخدام على الهاتف مكثف.
• يدعم ال IR Blaster ودي ميزة مش هتلاقيها في أي هاتف من نفس الفئة المنافسة.
• أداء الهاتف جيد جدا في الاستخدام اليومي وخاصة في الألعاب.
• كاميرا خلفية رباعية تجربة التصوير معها ممتازة مع إضافة عدسة تانية للتصوير الواسع.
• دقة الشاشة عالية وشكلها ممتاز وعليها طبقة حماية.
• يدعم وجود لمبة إشعارات.
• خامات تصنيعه من الزجاج عالية مع مقاومة لرذاذ الماء.
• وجود منفذ منفصل خاص بكارت لزيادة حجم الذاكرة وده بيديك إمكانية استخدام شريحتين الاتصال وكارت ميموري في نفس الوقت.
• يأتي بأحدث نظام تشغيل مع أحدث واجهة MIUI 10.
• سرعة استجابة مستشعر البصمة وال Face unlock عالية.

العيوب

• الكاميرا السليفي مفيهاش أي جديد وبنفس أدائها المتوسط.
• مش بييجي معاه شاحن يدعم الشحن السريع وبالتالي علشان تحس بتجربة سرعة الشحن هتضطر تشتري شاحن سريع.
• بروز الكاميرا الخلفية بيعرضها للخدش والاحتكاك باستمرار لكن بيخف لو غطيت الموبايل بالجراب المرفق معاه.
• الموبايل بييجي بدون سماعات وبتحتاج تشتري سماعات خارجية.
• مفيش فرق يذكر بينه وبين شاومي ريد مي نوت 7 ويمكن التطوير الأكبر يكون محسوس أكتر في شاومي نوت 8 برو.

تجربة المستخدم

• بطاريته رائعة يعني لو استخدامي للإنترنت قليل بتقعد يومين بالمكالمات وحتى في الأعلعاب بتستمر وقت طويل، أداؤه جيد جدا وسريع حتى مع التطبيقات المتعددة والألعاب، مفيش اختلاف بينه وبين ريدمي نوت 7 تقريبا، لكن المواصفات والمميزات رائعة بالنسبة للسعر.

شوف موبايل Xiaomi Redmi Note 8 من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.