كتبت: أمنية عزمي

موبايل A30s من الموبايلات المعدلة التابعة لفئة A واللي حققت مبيعات عالية في الأسواق الفترة اللي فاتت بسبب إمكانياتها العالية وسعرها المنخفض والمندرج تحت الفئة المتوسطة، الموبايل نزل بتعديلات كتير عن موبايل سامسونج A30، هتلاقي الكاميرات ارتقت في مواصفاتها ونزل مزود ب 3 كاميرات خلفية 25، 8، 5 ميجا بكسل مع تصميم جديد في الشكل وألوان مضيئة وكمان حجم البطارية زاد علشان يوفر استمرارية أكبر في أعلى مستوى استخدام، الموبايل منافس لشاومي ريد مي نوت 8، ولموبايل أوبو A5 في الإمكانيات والفئة السعرية المتقاربة.

تابعنا مع ياقوطة  علشان تتعرف على أهم مواصفات ومميزات وعيوب موبايل Samsung Galaxy A30s وهننقل كمان رأي المستخدم فيه، ولو عجبك وحبيت تشتريه تقدر هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري موبايل سامسونج جالاكسي A30s من خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• نوع العرض: Super AMOLED- HD+
• السعة (جيجابايت): 32 و 64 جيجابايت.
• المعالج: إكسينوس 7904 ثماني النواة، تكنولوجيا 14 نانو.
• معالج رسومي: Mali-G72 MP2
• نظام التشغيل أندرويد 9.
• كاميرا خلفية: ثلاثية 25 و8 و5 ميجا بكسل.
• كاميرا أمامية: 16 ميجا بكسل.
• حجم الشاشة بالبوصة: 6.4.
• سعة البطارية: 4000 مللي أمبير.
• رام (جيجابايت): 3 و 4 جيجابايت.

التصميم والشاشة

• ضهر الموبايل مصنوع من البلاستيك ودي ميزة بتخلي وزنه خفيف وبتحافظ عليه من الكسر أكتر من الخامات الزجاجية في الفئة الأعلى ودا ساعد ان الموبايل ينزل الفئة الاقتصادية بسعر منافس، لكن للأسف الخامات البلاستيك بيبقى سهل خدشها وبتتطلب جراب حماية.
• وزن الموبايل 166 جرام ودا بيخلي وزنه معقول في حمله يإيد واحدة، والإنحناءات في الضهر بتخليه مريح في اليد وسهل الاستخدام.
• الشاشة بحجم 6.4 بوصة، سوبر اموليد كابستيف الرائعة في ألوانها المشبعة وسطوعها العالي تحت أشعة الشمس وبتدعم اللمس المتعدد، بدقة HD+ بجودة 1560×720 بكسل بمعدل كثافة بكسلات 268 بكسل وبتدعم 16 مليون لون، الشاشة بتيجي على هيئة نوتش Water Drop للكاميرا السيلفي.

الأداء

• المعالج يأتي من نوع Exynos 7904 بتكنولوجيا 14 نانو، ثماني النواة (2× 1.8 جيجاهيرتز Cortex-A73 و6×1.6 جيجاهيرتز Cortex-A53) مع معالج رسومي من نوع Mali-G72 Mp3.
• الموبايل متوفر بذاكرة داخلية 32 و 64 جيجابايت و3 و 4 جيجا رام ذاكرة عشوائية.
• إمكانية إضافة كارت ذاكرة خارجي علشان تزود به مساحة الموبايل الداخلية لحد 512 جيجا بايت في مدخل خاص منفصل.
• أداء الموبايل جيد جدا ومناسب للأغراض الأساسية زي الاتصال والتصوير وتحميل التطبيقات وتصفح مواقع الإنترنت والألعاب زي ببجي على جودة HD لكن أوقات بيحصل سقوط للفريمات.

الكاميرا

• الموبايل بييجي ب 3 كاميرات خلفية، الكاميرا ال25 ميجا بكسل هي الكاميرا الأساسية بفتحة عدسة f/1.7، الكاميرا التانية 8 ميجابكسل بفتحة عدسة f/2.2 بتدعم Ultra wide الخاصة بالصور بزوايا واسعة للبانوراما، والتالتة 5 ميجا بكسل بفتحة عدسة f/2.2 وهي مختصة بالعزل والبورتريه، مع فلاش أحادي ليد.
• بتقدر تصور بها فيديوهات بجودة FHD بدقة 1080 بكسل مع 30 لقطة في الثانية.
• الكاميرا السلفي أو الأمامية أدائها جيد، دقتها 16 ميجابكسل مع فتحة عدسة f/2.0 وبتصور فيديو بجودة 1080 بكسل مع 30 لقطة في الثانية.

البطارية

• البطارية بتتميز بقدرة جيدة، بسعة 4000 ملي أمبير (مدمجة) وبتدعم الشحن السريع بقوة 15 وات في حوالي ساعتين، وبتستمر معاك يوم كامل في حالة الاستهلاك العالي جدا وبتستمر أكتر لو استهلاكك متوسط، مناسبة جدا كمان للشاشة السوبر اموليد لأنها بتستهلك طاقة.

مميزات أخرى

• بيدعم جميع شبكات الإتصال، الجيل الرابع 4G والجيل الثالث 3G والجيل التاني 2G.
• مزود بشريحتين إتصال بحجم نانو سيم وهو أصغر حجم في الخط.
• يعمل بنظام أندرويد 9 Pie مع واجهة سامسونج الجديدة One UI.
• بصمة فتح قفل الجهاز أصبحت ضوئية أسفل الشاشة السوبر أموليد، وبيدعم كمان خاصية Face Unlock.
• مزود بسماعات خارجية مكبرة للصوت مع مدخل خاص للسماعات الإضافية بمنفذ 3.5 ملم، ومزود كمان بميكروفون عازل للضجيج.
• بيدعم شبكات الإنترنت اللاسلكية 11 a/b/g/n/ac وبيدعم dual band، والواي فاي المباشر وبتقدر تستخدمه hot spot كمصدر واي فاي للأجهزة المحيطة.
• بيدعم بلوتوث من الإصدار الخامس مع خاصية A2DP, LE.
• بيدعم نظام تحديد المواقع GPS، مع A-GPS، و Glonass، و Galileo.
• بيدعم الراديو.
• مزود بمنفذ شحن سريع USB Type-C.
• بيحتوي على حساس التقارب والبوصلة.
• الموبايل بيستخدم شريحتين اتصال وكارت ذاكرة خارجي.

العيوب

• دقة الشاشة أقل من الجيل السابق، تحولت من FHD ل HD+.
• معالج Exynos ليس الأفضل بين هواتف نفس الفئة.
• أداء البصمة المدمج بالشاشة مش الأسرع ولا الأفضل.
• لا يدعم مستشعر الجيروسكوب وبالتالي بيلغي إمكانية استخدام نظارات الواقع الافتراضي VR.
• غير متوفر فيه الاتصال عن طريق NFC أو IR.
• لا يتضمن سماعة ستيريو.
• الإطار الجانبي بلاستيك وسهل الكسر لكن دا متواجد في موبايلات الفئة الاقتصادية.
• ظهر الموبايل بلاستيك سهل خدشه ومحتاج جراب حماية.
• البطارية غير قابلة للإزالة والشحن بقوة 15 وات فقط وبالتالي بياخد وقت أطول في الشحن.
• غير مقاوم لرذاذ الماء.

تجربة المستخدم

• في ناس بتشكر فيه وفي أداؤه ودول اللي بيستخدموه استخدام عادي وكان ليهم تعليق إن مستشعر التقارب الخاص بقفل الشاشة وقت المكالمات بيهنج في بعض الأحيان ومش بيقفل الشاشة.
• الأشخاص اللي بتسخدم الألعاب لاحظوا إنه بيهنج على خفيف على إعدادات جرافيك High HD ولازم ينزلوا لجودة ميديام جرافيك علشان اللعبة تمشي بسلاسة.

شوف موبايل Samsung Galaxy A30s من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين.. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.