كتبت: أمنية عزمي

أفران الغاز البلت إن هي الاتجاه العصري الجديد اللي معظم الناس اتجهت له في المطابخ الحديثة لأن إمكانياتها عالية وبتستثمر وقتك وصحتك وتساعدك تخرج الأكل بالشكل اللي يرضيك ويتوج تعبك في الأكلة بالنجاح، الأفران البلت إن كمان بتضفي شياكة على المكان وده بيأثر على نفسية اللي بيجهز الأكل بالإيجاب بشكل كبير وبما إن الطبخ نفس ومزاج يبقى بيأثر على جماله، الأنواع كتير في السوق وكل واحد بيختار اللي بيناسب ميزانيته وتكون فيه المواصفات اللي تريحه، فرن آي كوك موضوع مراجعتنا بيتميز بمستشعر أمان مبتكر للفرن والشواية علشان يضمنلك الأمان الكامل وقت الاستخدام، وضوء داخلي قوي مع باب زجاجي بانوراما بتقدر تتابع من خلالهم عملية الطهي بسهولة، مواصفات ومميزات تانية كتير هنتعرف عليها مع ياقوطة بالتفصيل عن فرن غاز آي كوك بلت إن ديجيتال بشواية- 70 لتر ، وهنتعرف كمان على عيوبه ورأي المستخد فيه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• نوع المنتج: أفران.
• عدد سنوات الضمان: 2.
• أهم المميزات: فرن غاز آي كوك بلت إن ديجيتال بشواية، 70 لتر، أسود.
• براند: آي كوك بلت إن.
• اللون: أسود.
• السعة باللتر: 70 لتر.
• خاصية الشواء: نعم.
• مروحة: لا.
• تحكم الزمن: ميكانيكي.
• التثبيت: مدمج.
• نظام فتح الباب: من أعلى إلى أسفل.
• مادة الصنع: ستانلس ستيل.

المميزات

• الفرن سعته الداخلية 70 لتر وتصميمه بعرض 60 سم، حجم مناسب للصواني الكبيرة ومش بياخد مساحة كبيرة من المطبخ.
• يعمل بالغاز وبالتالي بيوفر جدًا عن الأفران الكهرباء في الاستهلاك وبيكون أسهل في التحكم في الحرارة.
• يعمل بالإشعال الذاتي بيد واحدة بمجرد فتح مفتاح الفرن أو الشواية يعني سلس وسهل جدًا.
• مزود بمستشعر أمان كامل للفرن والشواية علشان يضمن لك الأمان التام في استخدامه.
• مزود بشاشة ديجيتال وأزرار بتتحكم فيها باللمس بالإضافة لخاصية الانتقال الحراري والتحكم في درجات الحرارة من خلال مفتاح بتختار به الحرارة اللي محتاجها للطهي.
• باب الفرن بيحتوي على 3 طبقات من الزجاج الشفاف اللي بتمنع تسريب الحرارة وبتقدر تشوف منها الأكلة داخل الفرن وبيساعدك على كده الإضاءة الداخلية القوية المميز بها فرن آي كوك.
• نظام متعدد الوظائف للفرن والشواية اللي بتمكنك من استخدام الفرن والشواية في نفس الوقت وتقدر تستفاد من عصارة الشوي في طعم الأكل بشكل مختلف.
• مصنع بالكامل من الاستانلس ستيل الخالص اللي بيتميز بقوته متانته وبيديله شكل أنيق ومن مميزاته انه ضد الصدأ وسهل جدا في تنضيفه.
• الفرن مزود برف شبك بيوصل الحرارة بشكل قوي وسهلة التنظيف.
• مزود بتايمر مدته 60 دقيقة للتنبيه بانتهاء الوقت المحدد للتسوية أو الشوي.
• باب الفرن مصمم بعازل قوي إنه ما بيسربش الحرارة وبالتالي تقدر تمسك مقبض الفرن بأمان غير الأنواع التانية اللي بتحتاج عازل مع فتحها.
• شكله عصري وأنيق ومميز بلونه الأسود اللي بيضفي أناقة مميزة للمكان.

العيوب

• مش مزود بمروحة تبريد داخلية اللي بتوزع الهواء السخن في كل أنحاء الفرن لتسوية متساوية ومثالية من الداخل والخارج وبتسرع كمان من عملية التسوية.
• عبارة عن فرن فقط بس وبالتالي بتتكلف انك تجيب بوتاجاز بشكل منفصل، وبيكونوا تكلفتهم أعلى من البوتاجاز على بعضه خاصة إن سعر الفرن مش قليل.
• حجم الفرن من الداخل مساحته متاخدش غير صينية كبيرة أو صينيتين صغيرين وبالتالي مش بينجز في العزومات أو لما تكون بتعمل أكتر من صنف محتاج للفرن.

خدمة العملاء

• صيانة فرن آي كوك بتقدم ضمان مدته سنة والصيانة بتم في المنزل أو المكان نفسه بدون نقل الفرن.
• بيوفروا كل قطع الغيار.
• الناس كلها بتشتكي من سوء الصيانة وعدم احترافية الفنيين ومفيش إصلاحات بتتم ومستوى الصيانة سيء.

تجربة المستخدم

• في ناس بتقول إنه كويس ومفيش منه مشاكل.
• البعض واجه معاه مشاكل زي إن الشواية فيها أعطال عند معظم الناس وفي مشكلة في الأمان ومع تكرار زيارة فني الصيانة مفيش حاجة اتصلحت لمدة شهرين وبيماطلوا في المواعيد لحد ما معاد الضمان يخلص والتصليح يكون على حساب المستهلك.

شوف فرن غاز آي كوك بلت إن ديجيتال بشواية- 70 لتر- أسود- B06060G-119DSF من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من 13 شهر. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.