كتبت: أمنية عزمي

مع التطور المستمر لأجهزة تعقب النشاط البدني واللياقة، أصبحت من الأدوات اللي لا غنى عنها خاصة انها تطورت من مجرد حساب لعدد الخطوات لمراقبة الحالة الصحية وتطوراتها أثناء ممارسة الرياضة زي قياس معدلات النبض وغيرها، لكن المحبط ان الساعات المتقدمة أسعارها عالية جدا بالنسبة لفئة كبيرة وده اللي دفع شركات التقنية لانتاج الساعات والأساور الذكية اللي تقدر تتبع اللياقة البدنية والأنشطة الرياصية مع قياس معدلات ضربات القلب وتحليل ساعات النوم وغيرها لكن بسعر منخفض وإمكانيات ومواصفات رائعة تخلي أي شخص يقدر يقتنيها.

هنتكلم في المراجعة دي مع ياقوطة عن واحدة من أشهر الساعات الذكية شاومي Amazfit Pace ساعة ذكية رياضية- قياس نبض القلب ونظام تحديد المواقع- نسخة عالمية وهنتعرف على أهم مواصفاتها ومميزاتها وعيوبها ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• نوع معرف المنتج الخارجي: EAN-13
• مادة السوار: سليكون.
• متوافق مع نظام التشغيل: أندرويد و IOS
• معرف المنتج الخارجي: 6970100370348
• الرقم المميز للسلعة: 2724706628969
• نظام التشغيل: أندرويد.
• وزن الحزمة: 234 جرام.
• رقم الموديل: A1612
• حجم الذاكرة: 512.
• اللون: أحمر.
• العلامة التجارية: شاومي.

المميزات

• تصميم حديث بجودة عالية، إطار الساعة مصمم جزئيا من السيراميك المقاوم للخدش والجزء الخلفي مصنع من البلاستيك بشكل يتكيف بصريا مع السيراميك، السوار مصنع من السليكون الأحمر ويتم اغلاقه بدبوس قابل للتعديل حسب مقاس المعصم، ضد الغبار والماء حتى عمق 1 متر، إنسيابية بالكامل ولا يوجد بها أي حواف حادة.
• متوافقة مع نظام أندرويد ونظام IOS وبتوصلها بالموبايل عن طريق ميزة بلوتوث من الجيل التاني 4.0 اللي بيمنحك إتصال سريع وبيوصلك كل الإشعارات لأي تطبيق عندك والرسايل النصية وكمان المكالمات علشان مفيش حاجة تفوتك.
• مصممة بشكل خاص للمستخدم الرياضي، مزودة بعداد للخطى والمسافات والأنشطة الرياضية مع هدف يومي محدد، ومدعومة ب 7 أنواع رياضات (الجري في الهواء الطلق، المشي، الجري الداخلي، ركوب الدراجات في الهواء الطلق، ركوب الدراجات في الأماكن المغلقة، الجري أو رياضة الغابات، والجري على الأجهزة الرياضية) وبناءا على الملف الشخصي اللي بتطلبه بيتم تنشيط وتعطيل الوظائف حسب حاجتك إليها.
• بتجمع كل البيانات حسب الحالة الرياضية اللي بتختارها زي نسبة حرق السعرات الحرارية والسرعة ومعدل ضربات القلب المستمر والوقت المطلوب وبتعرضها بشكل مستقل عن الخطوات المحسوبة.
• مميزة بدقة عداد الخطى وبتتوقف في حالة لو توقفت عن الرياضة مؤقتا وبتجمع كل البيانات بشكل مؤقت.
• بيعرفك إنت نمت وقت قد إيه وفيها تنبيه بينبهك لو فضلت قاعد فترات طويلة بدون حركة حفاظا على صحتك.
• ميزة تحديد الطقس عن طريق GPS وبالتالي بتقدر تحدد الحرارة في المكان اللي بتكون فيه بشكل دقيق، بالإضافة لميزة تحديد المواقع.
• متعددة الاستخدامات، بتقدر تسمع فيها موسيقى وأغاني من خلال سماعة بلوتوث وقدرة استيعابها حوالي 500 أغنية، مزودة بمنبه وتقدر تنشأ عليها ملف بأوقات التنبيه المختلفة اللي بتحتاجها وبيصدر باهتزاز ضعيف، تقدر تسجل عليها خطط التدريب الخاصة بك لمدة 57 يوم وبتظهر الإرشادات اليومية عن كيفية التمرين وطرق تنفيذه.
• شاشة ليد بيظهر عليها الساعة والتاريخ كساعة وفيها زرار تاتش بتتحرك من خلاله بالمعروض عالشاشة، والرؤية فيها واضحة جدا وسطوعها عالي خاصة في الشمس وبتكون أقل سطوعا في الإضاءة المنخفضة خاصة من زوايا معينة.
• مزودة بخاصية الإهتزاز اللي بينبهك لوجود مكالمة أو إشعارات وبتقدر تستخدمه كمنبه يصحيك من النوم بدون إزعاج.
• مزودة ببطارية ثابتة سعتها 280 mAh بتدعم الشحن السريع وبيتم شحنها في ساعة و20 دقيقة وبتستمر 3 أيام في الاستخدام العالي و5 أيام استخدام متوسط واقتصادية في استهلاكها.
• حاصلة على تصنيف IP67 لمقاومة الغبار والرذاذ والتآكل.
• خفيفة ومريحة ومش بتسبب حساسية للجلد بالنسبة للناس اللي جلدهم حساس وبتكون مشدودة عالمعصم بإحكام وراحة في نفس الوقت.

العيوب

• نظام التشغيل فيها ضعيف.
• شاشة اللمس استجابتها ضعيفة وبتضطر تضغط عليها أكتر من مرة.
• ما تقدرش تستمر بها غير فترة قليلة في المية وبالتالي غير مفيدة لأصحاب الرياضات المائية.
• قياس معدل ضربات القلب غير دقيق، في أثناء الرياضة بيختلف اختلاف بسيط عن الحالة العادية وبالتالي بيتعبر غير مفيد لأصحاب الرياضات العنيفة.
• بتشوف اشعارات الرسائل لكن ما تقدرش ترد عليها، وفي حالة وجود اشعارين من نفس التطبيق الكلام في الرسالة بيكون غير ظاهر.
• لا تحتوي على راديو FM.
• مفيهاش تعديل تلقائي لسطوع الشاشة وبالتالي لو مش متعدلة وبتشوفها واإت صاحي من النوم بتكون ضوئها قوي.

تجربة المستخدم

• خفيفة جدا ومريحة في اللعب خاصة ان الاسورة سيليكون وبالتالي بتكون مرنة وثابتة ومحكمة، رائعة في التذكير ومتابعة البرنامج الرياضي بشكل يومي، ودقيقة في قياس الخطوات، بالنسبة لقياس النبض يستحسن تقيسه في فترة راحتك في البيت لأنه وقت اللعب بيكون غير منتظم ولكن بينبه لو في خطورة.
• البطارية عمرها ما يعتبرش طويل لكن مش بتاخد وقت طويل في الشحن ودي ميزة.
• سطوع الشاشة ضعيف وغير مرئية من زوايا كتير، بالإضافة انها غير دقيقة ابدا في قياس النبض أثناء اللعب وده مهم جدا خاصة للرياضات اللي فيها مجهود وبالتالي لا يعتمد عليها.

شوف شاومي Amazfit Pace ساعة ذكية رياضية- قياس نبض القلب ونظام تحديد المواقع- نسخة عالمية- لون أحمر من هنا.

 *قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من 15 شهر، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.