كتبت: أمنية عزمي

كرييتف تعتبر من أقوى وأحدث ماكينات التطريز والخياطة للمحترفين والهواة، بتتميز بتطريز 100 غرزة مختلفة باحتراف، الماكينة إستخدام منزلي مميز وتقدر تعمل منها منتجات رائعة زي ملابس أطفال أو تطريز مفروشات زي الملايات والمفارش وبتضفي أناقة على أي شيء وبتضيف قيمة عالية ليه، عشاق التميز ممكن يطلعوا إباعاتهم من خلالها في التفصيل والتطريز وعمل العراوي بشكل سهل خاصة إنها مصممة بإضاءة ليد لخياطة سهلة، بالإضافة إنها سلسة في تشغيلها ومش معقدة وعملية جدا.

تعالوا مع ياقوطة نتعرف على أهم مواصفات ومميزات وعيوب ماكينة الخياطة كرييتف 2720- 100 غرزة ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• الكود التعريفي للمنتج: CR087SK0P6GGDNAFAMZ
• اللون: أبيض/ جراي.
• الخامة الرئيسية: بلاستيك.
• بلد المنشأ: الصين.
• الحجم (طول× عرض× إرتفاع): 460× 225× 345 سم.

المميزات

• كرييتف تعتبر أقوى ماكينة تطريز في وقتنا الحالي وبتجمع بين الشغل المتقن بدرجة عالية جدا والسعر الغير مبالغ فيه بالنسبة لمكن التطريز.
• بتحتوي على 100 غرزة بمستوى عالي جدا من الإتقان والنضافة في الشغل.
• محتوياتها كاملة، مزودة بدرج جانبي بيحتوي على قطعة قماش بتوضح شكل التطريز، دواسة عراوي، دواسة سوستة، فتاحة عراوي، إبر إضافية، مواسير إضافية، دواسة للخياطة المخفية، دواسة زراير، مفك للماكينة، إبرة 2، 3 مكوك.
• سهلة في التعامل، موضح عليها بالشرح خطوات ملئ المكوك بالصور وخطوات لضم الماكينة بالكامل.
• لضم أتوماتيك، بيتم لضم الإبر بخطوة أتوماتيكية عن طريق إدخال الخيط في الإبر لسهولة التعامل.
• موضح على جانبها بالرسم شكل ال 100 غرزة لتوضيح كل شكل والاختيار منه حسب الرغبة.
• مزودة بأزرار لاختيار شكل الغرزة برقمها والتحكم في مقاس الغرزة، بالإضافة لشاشة ديجيتال بتظهر عليها رقم الغرزة المطلوبة وحجمها.
• مزودة بزر للتحكم في سرعة الماكينة من خلال 3 سرعات مختلفة.
• مزودة بزرار للتحكم في مكان الإبرة تحت أو فوق، وزرار فارماتورا، وزرار للتحكم في التطريز اليدوي في حالة ضبط السنون بالشكل الصحيح للشغل اليدوي.
• إمكانية تطريز الغرزة بأكتر من لون من خلال إبرة 2 لإضافة ألوان بشكل أجمل.
• لما بتختار شكل الغرزة بيظبط أتوماتيك أفضل حجم وطول للغرزة وبيوضحه عالشاشة.
• إمكانية اختيار عمل الغرزة لتشكيل وحدة واحة فقط بالضغط على زر A وفي الحالة دي بتخلص شكل الغرزة مرة واحدة وتتوقف أتوماتيك.
• بيتم تطريز الغرز بشكل راقي جدا من الأمام والخلف بنفس الكفاءة علشان تضمن أعلى مستوى من الاتقان.
• صوتها هادي في الشغل.
• تقدر تستخدمها في المنزل لتزيين وتطريز الملابس والمفروشات وتقدر تستخدمها بشكل تجاري في عملك لو بتشتغل في التفصيل وتكون مميز جدا ومختلف بإنتاجك.
• جسم الماكينة بلاستيك بالكامل ودا بيخليها خفيفة في الوزن وسهل تحركها من مكانها.
• دواسات مصممة بشكل يسهل حركتها على الأقمشة سواء في العراوي أو التطريز والخياطة العادية.
• ليها مقاسات غرز متعددة ضيقة وواسعة بتستخدمها حسب نوع القماش وسمكه ودقة الغرزة فيه.
• سهلة جدا في استخدامها وأي حد يقدر يشتغل بها حتى المبتدأين.
• سريعة في أدائها وتقدر تخيط بها كمية كبيرة في وقت بسيط.
• بتنفع مع كل أنواع الأقمشة سواء التقيلة أو الخفيفة بمجرد تظبيط حجم الغرزة اللي كل خامة بتحتاجها.

العيوب

• كان من الأفضل ان اختيار رقم الغرزة يكون بشكل بسيط من خلال لوحة مفاتيح من 0 ل 9 لأن الضغط على زر على حسب رقم الغرزة مثلا لو كانت 90 هتضطر تضغط 90 مرة وهكذا اسلوب غير عملي.
• إكسسواراتها مصنعة من البلاستيك مش المعدن وبتكون ضعيفة أو قابلة للكسر زي غطاء بيت المكوك، والمكوك، والدواسات المختلفة.
• خامات الصنع من البلاستك بالكامل ضعيفة ومحتاجة عناية فائقة في التعامل لأنها معرضة للكسر لو وقعت.

خدمة العملاء

• ملهاش مراكز صيانة وبتتعامل مع أي حد متخصص في مكن الخياطة.
• قطع غيارها مش بتتوفر بسهولة.

تجربة المستخدم

• أنا عندي واحدة في الأتيلييه وبستخدمها في تطريز أشكال جميلة للبس الزباين والحقيقة انها مميزة جدا في شغلها وبتتوافق مع الموضة في كل وقت، وناعمة جدا عالقماش وشغلها نضيف وراقي جدا، بقالها معايا كذا شهر ومواجهتش معاها مشاكل، خاماتها ضعيفة نوعا ما مش زي الأنواع القديمة المعروفة لكن شغلها رائع.

شوف ماكينة الخياطة كرييتف 2720- 100 غرزة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال       

أمنية عزمي، بكتب من سنتين، مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.