كتبت: أمنية عزمي

الكيتشن ماشين من الأجهزة المهمة خاصة لهواة المطبخ اللي بيحبوا يعملوا كل الأصناف من مخبوزات لحلويات وعصائر وفرم اللحوم وتقطيع الخضروات وغيرها، وجوده بيغنيك عن كل الأجهزة وفي نفس الوقت بيوفر مكان كبير لأنه جهاز واحد وبيركب عليه الأجزاء اللي بتحتاجها، كينوود من أشهر أنواع الكيتشن ماشين وأكثرها انتشارا وفيه منه أنواع كتير بتختلف في الإمكانيات والسعر علشان يوفر كل الاختيارات لاحتياج كل شخص حسب استخدامه وميزانيته.

هنتكلم في المراجعة دي مع ياقوطة عن كينوود كيتشن ماشين 900 وات- KM280 وهنتعرف على أهم مواصفاته ومميزاته وكمان عيوبه ورأي العملاء فيه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• السعة اللترية: 4.3 لتر.
• الموديل: KM280
• عدد الملحقات: 3.
• نوع الوعاء: ستانلس ستيل.
• الوات: 900.
• عصارة برتقال: لا.
• سعة الخلاط: 1.5 لتر.
• اللون: أبيض.

المميزات

• بيتميز بشكله الكلاسيكي الرائع وأداؤه الشامل اللي بيجمع استعملات كتير بتتمثل في احتياجاتك اليومية للطبخ من خلال جهاز واحد.
• مرفق معه مضرب حرف K لتحضير البسكوت ومضرب بيض للكريمات والحلويات وخطاف العجين لتحضير البيتزا والمخبوزات كلهم بحجم كبير يتناسب مع حجم إناء الخفق.
• مزود بغطاء شفاف بفتحة كبيرة للأعلى بتساعدك تزود منها المقادير وتحافظ على نظافة المكان أثناء العجن وبتقدر تراقب العجين والقوام وقت التشغيل حتى الحصول على القوام المطلوب.
• ملحق به مضرب بيض شبك معدني بحجم كبير يتناسب مع حجم الوعاء وبيستخدم لتحضير أنواع الكريمات المختلفة وخفقه بالسكر ومكونات الكيك، ومصمم بشكل ذكي يديله القدرة على انه يدخل الهواء بالكميات المطلوبة للعجين وقت الخلط.
• مزود بمضرب للعجين بتستخدمه في عجن المكونات الثقيلة اللي بتحضر بها المخبوزات زي البيتزا والفطائر باختلاف أنواعها وبيتميز بقدرة عالية على دعك العجين وخلطه والوصول به للقوام المناسب.
• مزود ب 3 قطاعات دائرية للبشر وتقطيع الخضروات بأشكال مختلفة.
• مزود بمكان علوي لتركيب الخلاط المصنوع من الزجاج القوي وبيتحمل العصائر بأنواعها وتقدر تعمل فيه كمان العصائر المخلوطة بالتلج “سموزي” بأمان تام.
• متعدد الاستخدامات، عبارة عن كبة وخلاط وعجان وعصارة برتقال الكل في واحد وبالتالي بيوفر شراء باقي الأجهزة وبيوفر كمان في مساحة التخزين.
• موتور بقوة 900 واط، قوي وبيتحمل خلط المكونات الصعبة وقوته كافية لعجن وخفق أي نوع من المعجنات بسهولة ويسر.
• تشغيل هادئ، بيتميز بصوته الهادي وقت التشغيل ودي من المميزات المهمة لأن العجانات اللي بتعمل صوت في البداية أو صفير بتلاقي صوتها يزداد مع الوقت وبتكون مزعجة.
• وعاء ستانلس ستيل قوي ضد الصدأ وسهل التنظيف بحجم 4.3 لتر صحى في تحضير الطعام والحجم كبير بياخد الكمية كلها مرة واحدة.
• تحمل عالي وكفاءة قوية في خلط المكونات بفضل نظام التروس المعدني.
• متعدد السرعات، مزود ب 5 سرعات مختلفة بتختار منها السرعة المناسبة حسب نوع العجين وقوامه بالإضافة لنظام سرعات متقطعة لأداء أحسن.
• مفتاح التحكم في السرعات مصمم بشكل دائري يسهل عملية النقل من سرعة لسرعة وقت التشغيل.
• قاعدة العجان مزودة بأرجل جلد مطاطية بتخليها تثبت في مكانها علشان متتحركش وقت العجن.
• مزود بقفل أمان ضد عبث الأطفال.

العيوب

• سعره عالي لأنه ماركة معروفة.
• مش مذكور ليه فترة ضمان.
• بيحتاج حيز كبير لتخزينه بملحقاته.
• الخلاط مصنوع من الزجاج اللي بيعتبر تقيل في وزنه وقابليته للكسر بتكون أعلى من البلاستيك.
• قطع الغيار مش دايما بتكون متوفرة.

خدمة ما بعد البيع

• رقم الإتصال بالخدمة الرئيسي 01202020373
• فيه شكاوى كتير ان مركز الصيانة مش بيوفر قطع الغيار، بالإضافة إن أسعار قطع الغيار مبالغ فيها بشكل مش طبيعي.

آراء المستخدمين

• الآراء اجتمعت على انه جهاز متكامل وموتوره قوي وهايل في استخداماته، البعض في أجزاء عندهم باظت ولما اتصلوا بالصيانة لقوا ان قطع الغيار اسعارها عالية جدا ومش موجودة وحتى لما وافقوا على شرائها عدى عليهم اكتر من 7 شهور وقطع الغيار موصلتش.

شوف كينوود كيتشن ماشين 900 وات- KM280 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال 

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.