مراجعة كاميرا هيك فيجن Hikvision للمراقبة الداخلية والخارجية
كتبت: مي سرور
كاميرا المراقبة انتشرت في كتير من البيوت والمحلات وحتى المكاتب، ووجودها بيسهل وبيحفظ كتير من أمن وسلامة المكان وكمان الموظفين أو حتى أصحاب البيوت.
ولإن الكاميرات بتتطور يوم بعد يوم. عملية شراء كاميرا أمن ومراقبة عملية، فيه كتير بيحس بحيرة عند التفكير في شراها. واحنا في ياقوطة هنعرض لكم النهارده كاميرا هيك فيجن للمراقبة الداخلية والخارجية، ومن خلال الريفيو ده هنتعرف أكتر على مواصفاتها ومميزاتها وكمان العيوب، ولو عجبتك وعاوز تشتريها تقدر من خلال ياقوطة تعرف أحسن الأسعار ليها وتقارن بينهم وممكن كمان تطلبها وهتوصل لغاية عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
الوصف
مع كاميرا هيك فيجن هتقدر تأمن أسرتك أو منزلك أو عملك بفضل التكنولوجيا العالية اللي بتقدمهالك الكاميرا دي. هايك فيجن مش مجرد كاميرا للمراقبة دي بتعتبر نظام كامل وهي بتتكون من عدد ٢ كاميرا داخلية و ٢ كاميرا مراقبة خارجية مع جهاز تسجيل ب ٤ مخارج HD عالي الجودة مع جهاز تسجيل DVR وكمان ماوس ومحول كهرباء 12V وسلك طوله ٥٠ متر و ٨ كبس BNC و ٦ كبس كهرباء. كل الإمكانيات دي عشان تقدر تشوف وتراقب المكان بتاعك من على موبايلك (متوافقة مع نظام أندرويد وويندوز) وكمان أونلاين في أي مكان وبكل سهولة ووضوح وده لأن الكاميرات بتعمل بتكنولوجيا الرؤية فائقة الجودة والوضوح HD720P وبعدسة MP0,1 ومسافة الرؤية بتصل لـ ٨٥ درجة بعدسة Sony MM6,3 وكمان رؤية ليلة واضحة بتصل لـ ١٥ متر. والكاميرا الخارجية مقاومة للماء.
المواصفات
| الماركة | Hikvision |
| الموديل | DS-7104HGHI-F1, DS-2CE56C0T-IRP,DS-2CE16C0T-IR |
| كاميرا داخلية قبة (dome | 1.0 Megapixel high-performance CMOS. Analog HD output, Up to 720P resolution.
True Day / Night, DNR, Smart IR. Up to 15m IR distance, Switchable TVI/AHD/CVI/CVBS. Effective Pixels- 1296 (H) x 732 (V). Min. illumination- 0.1Lux @ (F1.2, AGC ON), 0 Lux with IR. Signal System – PAL/NTSC. |
| كاميرا خارجية (bullet | 1. Megapixel high-performance CMOS. Analog HD output, Up to 720P resolution.
True Day/Night, DNR, Smart IR. Up to 20m IR distance, Switchable TVI/AHD/CVI/CVBS. Effective Pixels- 1296 (H) x 732 (V). Min. illumination- 0.1Lux @ (F1.2, AGC ON), 0 Lux with IR. Signal System – PAL/NTSC, IP66 Weatherproof. |
| اللون | أبيض. |
| بلد المنشأ | الصين. |
| الوزن | ٤.٧ كيلوجرام. |
| الأبعاد |
٢٩ × ٢٩ × ٢٤ سم. |
| الضمان | سنة. |
المميزات
- نظام كامل للمراقبة.
- متوافق مع نظامي أندرويد وويندوز.
- الكاميرا الخارجية مقاومة للماء.
- صورة عالية الجودة HD.
- تسجيل صوت وصورة.
- تعمل بدون هارد ديسك.
العيوب
- توقف البث في حالة انقطاع الإنترنت أو الكهرباء.
- الكاميرا الخارجية 1MP فقط الأفضل والأوضح 2MP.
- سعرها غالي شوية.
خدمات ما بعد البيع
- نظام كاميرات المراقبة هيك فيجن عليه ضمان لمدة سنه واحدة.
- مفيش شكاوى كتيرة من خدمة ما بعد البيع والصيانة.
ممكن تشوف كاميرا هيك فيجن للمراقبة الداخلية والخارجية من هنا.
أنواع كاميرات المراقبة
- كاميرا مراقبة داخلية: بتكون للمنازل والمكاتب والعيادات.
- كاميرا مراقبة خارجية: بتكون للأماكن المفتوحة والمصانع والبوابات والمداخل.
والنوعين دول فيه منهم الثابت وفي المتحرك وكمان في السلكي واللاسلكي. بالنسبة للشكل ففيه:
- القبة Dome
- المستطيلة Bullet
- الأسطوانية Disc
وفيه كاميرات أبيض وأسود وكاميرات ألوان والألوان بتكون دقيقة وبتدي تفاصيل كتيرة ومهمة.
لما بنفكر في شراء كاميرا مراقبة أكيد هنفكر في طبيعة المكان والسبب اللي هنستخدم الكاميرا فيه وقبل أي حاجه الميزانية اللي هنشتري بيها.
لكن عمومًا واحنا بنتشتري أي كاميرا مراقبة ناخد بالنا من الحاجات دي
- دقة وضوح التصوير.
- إمكانية التصوير الليلي.
- إمكانية تقريب الصورة.
- مقاومتها الأتربة والغبار والماء.
- نوع التسجيل: الصورة أو تسجيل الصوت والصورة.
- طريقة ربط الكاميرات بنظام حماية متكامل يشمل إنذار الحريق.
وكمان ممكن تشوف أنواع وموديلات تانية من كاميرات المراقبة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.