مراجعة صانعة القهوة التركي Generic
مفيش أحلى من فنجان قهوة الصبح ينشط الجسم والعقل ويخلينا قادرين نبدأ يومنا بذهن صافي، وكتير من الناس دايمًا بتكون محتاجة الفنجان ده عشان تعرف تتعامل مع بعضها ومع حياتها، ودول طبعًا مدمني القهوة، لكن مهمة صنع القهوة يدوي بتكون مرهقة وبتاخد وقت كتير خصوصًا لما نكون لسه صاحيين من النوم، وعشان كده بقى فيه دلوقتي ماكينات صناعة القهوة اللي بتسهل عمايل القهوة وبتوفر في الوقت والمجهود، والماكينات دي اتطورت جدًا، وبقى ليها فئات وأسعار مختلفة، والنهارده هنتكلم عن ماكينة صنع القهوة التركي Generic الاقتصادية اللي بتيجي بأسعار على قد الأيد، ولو عجبتكم وعاوزين تشتروها تقدروا من خلال ياقوطة تعرفوا أحسن الأسعار ليها وتقارنوا بينهم وتطلبوها كمان من خلالنا وهتوصل لغاية عندكم في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المواصفات
| الماركة | Generic |
| اللون | الأزرق السماوي. |
| خامة الصناعة الأساسية | البلاستيك المقاوم للحرارة. |
| بلد الصناعة | مصر. |
| السعة باللتر | ٠.٦ لتر. |
| السعة بالأكواب | ٣ أكواب. |
مراجعة
تعتبر ماكينة صنع القهوة التركي Generic اللي بنتكلم عنها النهارده من أرخص أنواع ماكينات صناعة القهوة في الأسواق، وأسهلهم في الاستخدام وأسرعهم في الوقت، لكن ده بييجي على حساب حاجات تانية، زي إنها بتيجي بخامات بلاستيك سيئة جدًا، كمان كتير من المستخدمين (وأنا منهم) كانوا بيشتكوا من سرعة تعطلها مع كتر الاستخدام، واحتمالية إنه السلك بتاعها يسيح وإنها مش هتستحمل أي ضغط على الكهربا، وده حصل معايا أنا شخصيًا لما اشتريتها من فترة، وبعد ما كنت مبسوطة بيها و إن قد إيه سعرها رخيص وبسيطة، إلا إني ف يوم شميت ريحة شياط واكتشفت إنها باظت، بس مازعلتش عليها قوي لأنها كانت رخيصة جدًا بصراحة، لكن لو هنتكلم عن الجوانب الإيجابية في الماكينة، وبغض النظر عن السعر، الماكينة بتيجي بألوان جميلة وتصميم بسيط جدًا وحجم صغير هيخليها ماتاخدش مساحة كبيرة في البيت، وتقدر تقوم بمهمة غلاية المية العادية عشان نعمل بيها مشروبات مختلفة زي الشاي والنعناع والينسون،، كمان بتيجي مع سلك طويل ومعلقة بلاستيك للعيار، وبتقدر تحضر ٣ كوبايات قهوة في دقيقتين بس، كل اللي عليكوا بس إنكم تضيفوا نوع القهوة المفضل ليكم مع المية والسكر وتشغلوا الماكينة.
المميزات
- سهلة جدًا في الاستخدام.
- سريعة وبتنجز في الوقت، وبتحضر ٣ كوبايات قهوة في دقيقتين بس.
- سعرها رخيص جدًا وعلى قد الأيد وممكن أي حد يشتريها.
- بتقوم بمهمة أي غلاية مية عادية بكل بساطة.
- حجمها صغير ومش بتاخد مساحة كبيرة في التخزين، وكمان ممكن تاخدوها معاكم في أي تنقلات أو رحلات أو مصايف.
- بتيجي مع معلقة بلاستيك مخصوصة للمعيار.
العيوب
- السعة بتاعتها ٠٫٦ لتر، ودي سعة قليلة جدًا.
- خاماتها البلاستيك ضعيفة وممكن تتكسر أو تسيح مع الوقت والاستخدام.
- مش بتستحمل أي تغير مفاجئ في شدة وضغط التيار الكهربائي وممكن تشيط بسهولة وده اللي حصل معايا.
- مش من المنتجات اللي بتعيش وقت كبير.
- مفيش فلتر للمية، وده مش هيخلي طعم القهوة حلو دايمًا.
- ممكن تتوسخ من بره بسهولة.
- صعب تنظيفها تمامًا.
- مش بتفصل تلقائيًا وهتحتاجوا تقفلوها يدوي.
- للأسف بتحضر نوع القوة التركي بس مش بتحضر الأنواع التانية.
تقدروا تشوفوا ماكينة صنع القهوة التركي Generic من هنا.
وممكن تتعرف على دليل صانعة القهوة من هنا.
وتقدر تشوف أهم ٧ ماكينات لصنع القهوة على ياقوطة في ٢٠١٧ من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.