كتبت: منى عوض

الحكاية بدأت من 2019 لما قررت شركة يوفي إنها تتبنى شعار (منزل ذكي مبسط)، ومن هنا بدأت شعبيتها تزيد بين العملاء واشتهرت باستخدامها أحدث التقنيات في صنع أجهزة منزلية قادرة على تقديم تجربة رائعة للمنزل الذكي.

المكنسة الروبوتية روبوفاك هايبرد G10 واحدة من الأجهزة اللي تقدم تجربة استخدام ذكية مميزة، والنهارده ياقوطة هتقدملك أهم مواصفاتها ومميزاتها وعيوبها، ولو لاقيت إنها مناسبة لإمكانياتك واحتياجاتك، تقدر تعرف أحسن سعر ليها وتقدر كمان تطلبها من خلالنا وهتوصل لغاية عندك في أسرع وقت.

بنفكرك إنك ممكن تشتري المكنسة الروبوتية يوفي روبوفاك هايبرد G10 من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات المكنسة الروبوتية روبوفاك هايبرد G10

• سعة المكنسة: 0.45 لتر.
• قوة الشفط: 2000 باسكال.
• سعة البطارية: 2600 مللي أمبير في الساعة.
• ارتفاع المكنسة: 2.85 بوصة.
• الضمان: 12 شهر.

مزايا المكنسة الروبوتية روبوفاك هايبرد G10

• الروبوت تصميمه رفيع وصغير جدًا بحيث إنه يقدر يدخل تحت الأثاث أو يوصل لكل الأماكن اللي محدش يقدر يوصلها إلا بعد تعب وإرهاق.
• الروبوت مصنوع من مواد مقاومة للصدمات والخدوش المختلفة.
• الروبوت كويس جدًا فهو 2 في 1 بمعنى إنها بتكنس وتمسح الأرضيات المختلفة سواء سيراميك أو البلاط أو الباركيه وما إلى ذلك.
• الروبوت بيشتغل بالواي فاي من خلال تطبيق EufyHome المتواجد على هواتف الأندرويد المختلفة والأيفون كمان، ودا تطبيق هيخليك تظبط الروبوت لإتمام أي مهمة إنت عايزها.
• الروبوت بيشتغل بنظام الزيجزاج بمعنى إنه بيروح ويرجع في خطوط متوازية ثابتة بحيث إنه ينضف المكان كله وميفوتش أي سنتميتر.
• نظام تنظيف ثلاثي النقاط مون من مكان لشفط الأتربة لعلبة الأتربة، وفرشاتين دوارتين جانبيتين لتوفير تنظيف دقيق للمكان.
• الروبوت بييجي بعلبة للأتربة صغيرة لكنها سهلة الفك والتنظيف.
• الروبوت بيجي معاه قطعة فيها ممسحة تقدر تحط فيه ماء وممكن تضيف كمان معطر أو منظف للأرضيات، وبعدين تركبها وتشغل الجهاز وهو هيمسح الأسطح المختلفة بشكل كويس جدًا.
• الروبوت بيشفط أي أتربة أو أوساخ موجودة قدامه بشكل تلقائي قبل مسح الأرضيات، دا لو اخترت خاصية المسح.
• الروبوت فيه فلتر صغير لتنقية الهواء الخارج منه وتقدر تفكه وتنضفه وتركبه تاني بسهولة.
• لو الروبوت واجه أي مشكلة أو عطل هتقدر تعرف بكل سهولة وبالتفصيل كمان لأنه بيرسل إشعارات لتطبيق الموبايل.
• خاصية الجدولة ودي تقدر من خلالها تظبط مواعيد محددة للروبوت عشان التنظيف أو المسح.
• الروبوت فيه مستشعرات من جميع الاتجاهات بحيث إنه يقدر ينضف الحواف والأركان المختلفة من غير ما يفضل يخبط فيها عمال على بطال، ولو فيه سلم بيقدر يتفادى الوقوع من عليه.
• الروبوت بيقدر يحفظ المكان وأركانه المختلفة وأماكن تواجد الأثاث بمرور الوقت.
• الروبوت مزود بفرش على أطرافه بحيث إنه يقدر ينضف الأركان المختلفة ويوصل لأي مكان صعب الوصول إليه.
• الروبوت متوافق تماماً مع مساعد جوجل الصوتي وأمازون أليكسا يعني هتقدر تتواصل معاه وتديله أوامر صوتية بمنتهى البساطة.
• تقدر تشغل وتوقف الروبوت بشكل يدوي من غير اللجوء لتطبيق الموبايل.
• خاصية البقع دي تقدر تنضف من خلالها مكان محدد فيه بقع أيًا كان شكلها إيه- زي بقايا الأكل مثلاً- مع العلم إن التنظيف في الحالة دي بيكون مركز وقوة الشفط بتتضاعف.
• لو الروبوت فصل شحن أو اتحشر في مكان وإنت مش قادر تلاقيه، فتأكد إن دي مش مشكلة خالص لأن تطبيق الموبايل فيه خاصية البحث وبمجرد تشغيلها الروبوت هيصدر صوت عالي بالتالي تقدر تحدد مكانه.
• الروبوت ذاتي الشحن بمعنى إنه لو فصل شحن بيتوجه تلقائي أو تقدر توجهه إنت من خلال تطبيق الموبايل للقاعدة بتاعته عشان يعيد شحن البطارية مرة أخرى.
• البطارية سعتها كويسة وهتخليك تشغل الروبوت لمدة 90 دقيقة متواصلة.
• الروبوت هادي تمامًا فهو بيجي بمستوى ضوضاء 55 ديسيبل.
• الروبوت بيشتغل باللغات العربية والإنجليزية والفرنسية ولغات تانية كتير.

عيوب المكنسة الروبوتية روبوفاك هايبرد G10

• الروبوت حجمه تقيل شوية.
• الروبوت سعته صغيرة 0.45 لتر وهتحتاج تفك علبة الأتربة وتنضفها كل يوم أو يومين تقريباً.
• رغم أنها روبوتية وحديثة إلا أن كفائتها مش زي المكانس الكهربائية العادية.
• مستخدمو أجهزة الأيفون مش هيقدروا يتواصلوا معاه بالنظام الصوتي لأنه لسه مدعمش المساعد الذكية الخاص بالموبايلات دي.
• المكنسة روبوتية لكنها بتفتقر لتقنية التنظيف الذاتي على عكس موديلات تانية.
• مدة شحن البطارية طويلة شوية فهي بتتراوح بين 5 إلى 6 ساعات.
• مفيش ريموت كنترول.
• أهم عيوبها هي البطارية واللي وبمجرد ما قدرتاه على الشحن والعمل بتقل المكنسة بتفقد جزء كبير من قيمتها بسبب صعوبة التغيير والتكلفة.

خدمات ما بعد البيع

• يوفي بتديك ضمان سنتين على مكنستها الروبوتية.
• لو لاقيت إنك مش عايز المكنسة أو معجبتكش تقدر ترجعها وتسترد فلوسك في غضون 30 يوم ودا طبعًا بشرط إرجاع المنتج في حالته الأصلية مع كل ملحقاته وفي علبته الأصلية.
• لو استخدمت المكنسة وبعدين لاحظت فيها أي مشكلة فتقدر تتواصل مع الشركة من خلال البريد الإلكتروني support@eufylife.com ، وهما بيستبدلوا المكنسة وهيوفرولك واحدة جديدة، مع العلم أن الضمان على الجهاز الجديد بيبدأ من من جديد بدءاً من تاريخ الاستبدال.

شوف المكنسة الروبوتية روبوفاك هايبرد G10 من يوفي من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.