كتبت: أمنية عزمي

الجو لما بيبدأ يبرد معظم الناس بتتجه لشراء الدفايات، ومن أكتر الدفايات شهرة هي الدفاية الزيت وده لأنها إقتصادية ومميزة بمواصفات خاصة زي إنها آمنة  وملهاش صوت، الدفايات الزيت بتعمل عن طريق تسخين الزيت بالكهرباء. وبالتالي الريش بتسخن وبيمر من خلالها الهواء المتدفق في المكان ويسخنه، هنتكلم عن دفاية من أشهر الماركات اللي عليها طلب وهي تورنيدو ٧ ريشة المزودة بترموستات بتتحكم من خلاله في ضبط درجة الحرارة، وليها ٣ مستويات للحرارة، ومزودة بمفتاح فصل آلي بيفصل لما الحرارة توصل للحد المطلوب واللي بيوفرلك الأمان الكامل اللي بيمنع السخونة الزايدة عن الحد، ومصممة بعجلات علشان تقدر تحركها بسهولة من مكان لمكان.

هنعرض مع ياقوطة مراجعة كاملة عن دفاية زيت تورنيدو ٧ ريشة هنتعرف من خلالها على أهم مواصفاتها ومميزاتها وكمان عيوبها علشان تقدر تكون فكرة كاملة عنها ولو عجبتك وحبيت تشتريها تقدر ترعف من خلالنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات 

المميزات

• مزودة ب ٧ ريشة، عدد الريش بتختاره على أساس مساحة المكان اللي محتاج تدفئة ودي مناسبة للأماكن المتوسطة.
• ١٥٠٠ وات، ٢٣٠ فولت- ٥٠ هرتز، قوتها كافية بالنسبة لعدد الريش وتسخين المساحة المخصصة لها.
• مزودة بثرموستات للتحكم في درجات الحرارة.
• مزودة ب ٣ مستويات لضبط الحرارة بتختار منها اللي يناسبك.
• أمان أكتر لأنها بتفصل أتوماتيك لما توصل لدرجة الحرارة المطلوبة وتفضل محتفظة بالحرارة لفترة.
• مزودة بلمبة بيان بتعرف منها  إذا كانت بتشتغل ولا فاصلة.
• مصممة بعجل من أسفلها علشان تقدر تنقلها بسهولة من مكان لمكان.
• صديقة للبيئة لإنها بتعمل بالزيت.
• هادئة وملهاش صوت لإنها بدون مروحة ومعروف إن المراوح هي اللي بتسبب الضوضاء.
• موفرة في الكهرباء لأنها بتفصل كل فترة وبتفضل محتفظة بدرجة حرارة الغرفة لفترة طويلة.
• حجمها صغير وبالتالي مش بتحتاج مكان كبير وتقدر تحطها في أي غرفة.

العيوب

• بتستغرق وقت في التسخين على ما الزيت يسخن ويبدأ يدفي المكان.
• سعرها أعلى من الدفايات الكهرباء العادية.
• بتحتاج تغير الزيت فيها كل فترة علشان متتحولش لزيوت سامة لأنها بتتعرض للحرارة المستمرة.
• الدفاية بتحتاج تنضيف كل فترة لأن عوادم الزيت بتتكون على سطحها.

خدمة ما بعد البيع

• رقم الخط الساخن لصيانة تورنيدو ١٩٣١٩.
• تقدر كمان تتواصل مع الصيانة أو خدمة العملاء عن طريق موقعهم على الإنترنت لو عندك أي استفسار.
• بيوفروا قطع غيار أصلية بالضمان مستوردة لضمان مستوى أداء أجهزتهم عموما.
• مراكز الخدمة متوفرة في كل المحافظات والإهتمام بشكاوى العملاء مش أحسن حاجة.

تجربة المستخدم

• حلوة جدًا في التدفئة ومش بتاخد مكان خالص. لكن لازم بسيب معاها فتحة تهوية في المكان أو بفتح الشبابيك كل فترة علشان أغير الأكسجين، ولازم تغير الزيت كل فترة علشان تحافظ على الجو صحي، لكن لما بعملها على الحرارة العالية بتسخن جسم الدفاية نوعا ما ودا موجود في أغلب الدفايات الزيت فا خليك حريص لو عندك أطفال أو حيوانات أليفة.

شوف دفاية زيت تورنيدو ٧ ريشة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من ٦ شهور. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة ١٠٠٪.