كتبت: أمنية عزمي

يونيون إير من الشركات اللي بتواكب العصر في صناعة الإلكترونيات بالتكنولوجيا المتطورة، ومن ضمن منتجاتها بتقدم شاشات بتصميم عصري أنيق بسمك رفيع ووزن خفيف ونقاء في الصوت والصورة اللي بتقدمها بكل أنواع دقة الشاشات، وبتقدم كمان شاشات ذكية تعمل بنظام الأندرويد بتقدر تحمل من عليها الألعاب من خلال جوجل بلاي أو المتجر وتتصل بمواقع التواصل الاجتماعي وتدخل عاليوتيوب وكل ه  بأحجام شاشات مختلفة تناسب كل الأماكن والإمكانيات.

هنتكلم في المراجعة دي مع ياقوطة عن أهم مواصفات ومميزات وعيوب تليفزيون يونيون إير 43 بوصة- سمارت- عالي الجودة- ML43UT600 وهنتعرف كمان على رأي المستخدم فيه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• دقة الشاشة: 1366×768 بكسل.
• حجم الشاشة بالبوصة: 43 بوصة.
• نوع العرض: HD|LED|SMART
• الاتصال: LAN|Wi-Fi| USB 2.0

المميزات

• الشاشة مصممة بحواف رفيعة وشكل جميل، وحجمها ال 43 بوصة مناسب لدقتها الإتش دي اللي وضوحها وبيظهر جمال الصورة والألوان.
• رفع الشاشة بيوفرلك اختيار إنك تعلقها عالحائط وتوسع المكان وتستغله بشكل أفضل.
• الشاشة بدقة عالية 1366× 768 بكسل HD اللي هتوفرلك تجربة مشاهدة ممتعة بكل تفاصيلها سواء في الألعاب أو الأفلام والمباريات.
• شاشة ليد بإضاءة خلفية بدرجة سطوع 300 شمعة، بيظهر فيها تباين اللون الأسود حتى في الإضاءة المنخفضة والألوان بشكل طبيعي.
• شاشة سمارت بتقدر توصلها بالإنترنت ووتشوف من عليها وسائل التواصل الاجتماعي واليوتيوب وتقدر كمان توصلها بموبايلك وتنزل من عليه التطبيقات والألعاب على شاشة بحجم أكبر تستمتع به.
• مزودة بمنفذين HDMI بيدعم إشارات صوتية متعددة للقنوات وإشارات فيديو بوضوح عالي بتنسخ صوت وصورة بشكل دقيق وصورة بجودة عالية بدون أي تشويش أو ضوضاء، وبتقدر توصله منها لأي شاشة تانية زي اللاب توب أو بروجكتور أو بالألعاب.
• منفذين مشغل وسائط متعددة يو إس بي 2 بتوصله بأي فلاشة وتتفرج على أفلامك المفضلة وملفاتك الخاصة من صور وفيديوهات وذكريات على شاشة تستمتع معاها بالمشاهدة.
• متعدد المنافذ، مدخل AV (صوت/فيديو)، منفذ صوت كمبيوتر، منفذ شبكة محلية LAN بالإضافة لمنفذ للسماعات الخارجية وبتكون مصدر خارجي أقوى للصوت لو صوته ضعيف في المكان.
• بيتميز بصوت نقي ومكبران صوت.
• مرتكز على قاعدة مصممة بشكل ذكي يحافظ على الثبات العالي للشاشة من الصدمات.
• مزود بريموت كنترول بتقدر تتحكم من خلاله في اختيار القنوات ومستوى الصوت والسطوع وخلافه.

العيوب

• معظم شاشات يونيون إير الذكية فيها مشكلة إن استقباله للواي فاي ضعيف جدا برغم وجوده بجوار الراوتر وغالبا بيبقى في مشكلة في القطعة المسؤلة عن استقبال الشبكات لأنه كمان مش بيشوف باقي الشبكات المحيطة
• غير مزود بمنفذVGA .
• لا يحتوي على منفذ RF الخاص بالإيريال الأرضي.
• الصوت مش قوي والصورة مش بالنقاء المتوقع.
• مستوى الصيانة سيء جدا.
• الشاشات ال 43 بوصة في يونيون إير لا يوجد بها حماية ضد ارتفاع التيار الكهربائي وحجم الذاكرة قليل والأندرويد ضعيف واستجابة الشاشة للإنترنت والانتقال بطيئة.

خدمة العملاء

• رقم صيانة يونيون إير للشاشات 19012
• مراكز صيانة متخصصة ومتواجدة في جميع أنحاء الجمهورية.
• في شكاوى لكتير من المستهلكين إن الصيانة مش بيهتموا بالمشكلة وبالعميل بالمستوى المطلوب وانهم مش بيلتزموا بالتصليح في الضمان وبيحملوا المستهلك ثمن أي إصلاحات، وقطع الغيار غير متوفرة معظم الوقت وبتاخد وقت كبير علشان يوفروها.

تجربة المستخدم

• اشتكت معظم الآراء ان فيه تشويش في الصوت وكذا حالة واجهت مشكلة ان الشاشة مش بتحس بالواي فاي وأوقات بيكون الاتصال به اتصال وهمي بدون استجابة، وسرعة الاستجابة بطيئة ولما كلموا خدمة العملاء اخدوا معاد بعد اسبوع كامل ورغم ان الصيانة شافت ان مفيش استجابة إلا انهم قالوا ان الشاشة شايفة شرطة من الانترنت ونفوا ان المشكلة تخصهم وطلبوا تغيير القطعة الخاصة بالانترنت على حساب العميل رغم انه في الضمان.
• أسوأ شركة في خدمة الصيانة وما بعد البيع، موظفين الكول سنتر مش عارفين وظيفتهم كويس، واكتر من مرة بعد التواصل معاهم يدوا أكتر من ميعاد ومفيش أي التزام بيه. والأعطال كتير بتتكرر بعد الصيانة كمان. 

شوف تليفزيون يونيون إير 43 بوصة- سمارت- عالي الجودة- ML43UT600 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.