كتبت: أمنية عزمي

تليفزيون سيمفوني 32 بوصة صناعة كوري بتتميز بتقنياتها العالية وأسعارها المنافسة، دقة شاشته Full HD بدقة كاملة وصورة صافية بدون تشويش، بيتميز كمان بصوت نقي مع ميزة الاختيار بين الأصوات، التليفزيون ذكي بسعة تخزين 8 جيجا للذاكرة، وبيدعم الإنترنت اللاسلكي واي فاي مع تقنية Mirror Link مع موبايلات الأندرويد، بتشوف معاها كل التفاصيل بإضاءة ليد خلفية مميزة بسطوعها العالي وتباين اللون الأسود فيها، من مميزاته إنك بتقدر تتحكم في العناصر البصرية زي تفتيح أو زيادة درجة الألوان بالشكل اللي يريحك، وتقدر كمان تحد من إضاءته الخلفية، مميزات كتير بتخليه بيكون إختيار مثالي لوسيلة ترفيه تقدر تتابع من خلالها مبارياتك وأفلامك المفضلة، دا غير إن  ليه مدخلين USB و2 HDMI و VGA1 بتوصله من خلالهم بالوسائط المتعددة وتقدر توصله بالكمبيوتر وتستخدمه كشاشة بحجم أكبر وأوضح.

 هنتكلم بشكل مفصل في المراجعة دي مع ياقوطة عن أهم مواصفات ومميزات وكمان عيوب تليفزيون سمارت FHD 32 بوصة من سيمفوني LED320SM-Q ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

بنفكرك إنك ممكن تشتري تليفزيون سمارت FHD 32 بوصة من سيمفوني LED320SM-Q من  خلال شهري أول وأسهل تطبيق تقسيط في مصر واللي مش بيحتاج منك غير صورة البطاقة وصورة إيصال مرافق وبس، من غير زيارة ولا ضامن واستمتع كمان بالتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• رقم الموديل: LED320SM-Q
• الفئة: تلفزيون ذكي
• نوع ال HD: Full HD
• دقة الشاشة: 1920×1080
• نوع العرض: LED
• حجم الشاشة: 32 بوصة
• جهاز التحكم عن بعد: نعم
• اللون: أسود

المميزات

• شاشة بحجم 32 بوصة بتظهر فيها دقة التفاصيل بزاوية رؤية 178×178 درجة وتقدر تشوفها بوضوح من أي مكان ومناسبة للأمكان المتوسطة والكبيرة.
• FHD، جودة عالية بدقة شاشة 1920×1080 بالإضافة لتقنية تحسين الصورة اللي هتشوف معاها التفاصيل الدقيقة بألوان طبيعية غنية سواء في أفلامك المفضلة أو متابعة المباريات أو الصور الشخصية.
• شاشة ليد، بإضاءة خلفية مميزة بالسطوع العالي وتباين عالي للون الأسود ووضوح للألوان.
• تلفزيون سمارت أندرويد إصدار 4.4، بسعة ذاكرة رام 1 جيجابايت، وذواكرة فلاشة 8 جيجابايت، مجرد ما بتوصله بالواي فاي بتقدر تتواصل عالإنترنت ومواقع التواصل الإجتماعي وتقدر تنزل البرامج اللي تحبها من المتجر وتستمتع بالألعاب المفضلة ليك كمان.
• إمكانية Mirror Link، تقنية الإتصال اللاسلكي بهواتف أندرويد الذكية اللي بتقدر من خلالها توصله بالهاتف الذكي وتشغل أي محتوى من عليه.
• يعمل بتقنية فك تشابك الإشارات ثلاثية الأبعاد، ومزود بفلتر كومبو ثلاثي الأبعاد.
• بيتميز بصوت قوي نقي بدون تشويش وبيدعم 2 مكيرات صوت.
• مزود بمنفذ Y PB PR لإلكترونيات الفيديو.
• مزود بمنفذين HDMI بيسهلك تشغيل الأصوات ومقاطع الفيديو وبيدعم الإشارات العالية الوضوح للفيديو والصوت كمان وبتستمتع بالصور بدقة عالية مع تشويش أقل.
• منفذين يو إس بي 2 بتوصله بأي فلاشة وتتفرج على ملفاتك الخاصة من صور وفيديوهات وذكريات على شاشة تستمتع معاها بالمشاهدة.
• مزود بتقنية VGA اللي بتوصل التلفزيون من خلالها للكمبيوتر وتستخدم التليفزيون كشاشة كمبيوتر.
• مزود بمنفذ صوت/صورة، منفذ صوت، ومنفذ لبطاقة الذاكرة، ومدخل كابل إنترنت RJ45، وبيدعم الإنترنت اللاسلكي واي فاي.
• تقدر تعلقها عالحائط وتستغل المساحة بشكل أفضل خاصة إنه مرفق معه حامل للتعليق عالحائط.
• مزود بتايمر تقدر تظبطه على وقت لإغلاق التلفزيون.
• مزود باللغة العربية والإنجليزية.
• مزود ب 2 ريموت كنترول للتحكم من بعد.

العيوب

• فيه مشكلة صوت في الشاشات ال32 بوصة بشكل خاص من سيمفوني وهي إن السماعات بتكون رديئة.
• لا يدعم البث الأرضي.
• لا تدعم الموبايلات ال IOS.
• فترة الضمان فيها سنة واحدة وبتعتبر قليلة والطبيعي انها مش بتقل عن 3 سنوات.
• الخامات المصنع منها الشاشة ضعيفة ويفضل تعليقها عالحائط.
• سمك الشاشة من الخلف أكبر من العادي وبالتالي بيكون بروزها عن الحائط في حالة التعليق واضح.
• الشاشات الليد من مشاكلها إن الضوء الخلفي فيها قابل للتلف.

خدمة العملاء

• مراكز صيانة متخصصة ومتواجدة في جميع أنحاء الجمهورية والصيانة تتم على أيدي مهندسين وفنيين مهرة والإصلاح بيكون في المنزل بالضمان ودا رقم صيانة خاص بهم 01016002740
• في شكوى من المستهلك إن الصيانة مش بيهتموا بالمشكلة وبالعميل بالمستوى المطلوب.

تجربة المستخدم

• ناس شكرت فيها وقالت إن السعر حلو جدا بالنسبة للمواصفات والصوت والصورة جودتهم حلوة.
• فيه رأي قال إنها احتاجت تحديث لليوتيوب بعد شهرين واكتشف إن مفيش تحديث بيدعم الشاشة أصلا.
• الآراء كلها أجمعت إن الخامات ضعيفة جدا.

شوف تليفزيون سمارت FHD 32 بوصة من سيمفوني LED320SM-Q من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من 3 سنين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.