المراجعة الكاملة لتابلت هواوي الاقتصادي Huawei MatePad T8
كتب: خالد عاصم
تابلت Huawei MatePad T8 يعتبر واحد من أرخص أجهزة التابلت المعروفة اللي بتدعم 4G في مصر، بس هل سعر كافي لإنه يكون من الخيارات المناسبة ليك؟
عشان نعرف نجاوب على السؤال ده لازم نجرب التابلت ونعرف هو يقدر يعمل إيه ويقدر يحقق المطلوب منه واللي بتقدر تقدمه الأجهزة الاقتصادية في السعر ده ولا لا، وهو ده اللي بنعمله في المقال ده، فمن خلال مراجعتنا الكاملة للتابلت هنقدر نحدد مزاياه وعيوبه ونقدر نعرف إن كان مناسب للمستخدمين للي عايزين تابلت في الفئة دي ولا لا.
ولو التابلت عجبك وحبيت تشتريه فعلًا، هتقدر تطلبه من خلالنا في ياقوطة ودلوقتي مع شهري، تقدر تشتري أي موبايل أو تابلت بدون مقدم ولا فوائد ولغاية 36 شهر لدى شركائنا، واللي ممكن تعرفهم من أبليكيشن شهري.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
تابلت Huawei MatePad T8
المواصفات
- شرايح الاتصال: مدعومة بتدعم 4G
- أبعاد التابلت: سمك ٨٫٥ مم × عرض ١٢١٫١ مم × طول ١٩٩٫٧ مم
- وزن التابلت: ٣١٠ جرام
- البناء: هيكل وضهر من البلاستيك بزجاج أمامي
- الشاشة: شاشة IPS LCD بقطر ٨٫٠ بوصة بتدعم جودة HD Plus بدقة عرض ١٢٨٠ × ٨٠٠ بيكسل بكثافة ١٨٩ بيكسل لكل بوصة
- المعالج المركزي: معالج Huawei Kirin 710 A ثماني النواة بيتكون من أربع شرايح Cortex-A73 بتردد ٢٫٠ جيجا هيرتز ومن أربع شرايح Cortex-A53 بتردد ١٫٧ جيجا هيرتز ومدمج فيه معالج رسومياتMali-G51
- إصدارات الذاكرة العشوائية والداخلية: إصدارات بذاكرة عشوائية سعتها ٢ جيجابايت رام أو ٣ جيجابايت رام، وبذاكرة داخلية سعتها إما ١٦ جيجابايت أو ٣٢ جيجابايت
- كروت الميموري: مدعومة من خلال منفذ مستقل لحد ٥١٢ جيجابايت
- نظام التشغيل: اندرويد ١٠ بواجهة مستخدم EMUI 10
- الكاميرا الخلفية: عدسة واحدة بدقة ٥ ميجا بيكسل بفتحة عدسة f/2.2 بتدعم تصوير الفيديو بجودة 1080p بمعدل ٣٠ إطار في الثانية
- الكاميرا الأمامية: بدقة ٢ ميجا بيكسل بفتحة عدسة f/2.4 بتدعم تصوير الفيديو بجودة HD Plus بمعدل ٣٠ إطار في الثانية
- التقنيات اللاسلكية: تقنية واي-فاي (ac) – بلوتوث ٥٫٠ – GPS
- المستشعرات: التسارع
- البطارية: سعة ٥١٠٠ ميللي أمبير في الساعة بيتم شحنها من خلال منفذ microUSB 2.0
مزايا وعيوب تابلت Huawei MatePad T8
مزايا تابلت Huawei MatePad T8
- أبعاد التابلت مقبولة وسمكه زي كتير من الموبايلات وكمان طوله وعرضه معقولين وزنه خفيف بالنسبة لجهاز تابلت
- شاشة بقطر ٨ بوصة وده قطر مقبول جدًا لأنه مش ٧ بوصة اللي قريب جدًا من الموبايلات ولا ١٠ بوصة الكبير اللي ناس كتير مش بتكون محتاجاه
- التابلت بيعتمد على معالج ممتاز في الفئة السعرية دي وبيقدر يقدم أداء كويس جدًا ومناسب للاحتياجات اللي ممكن نطلبها من جهاز في الفئة السعرية دي
- التابلت بيقبل كروت الاتصال وبيدعم تقنية 4G يعني ممكن يتصل بالنت من أي مكان ومن غير احتياج للإنترنت
- التابلت بيدعم كروت الميموري لحد ٥١٢ جيجابايت
- إصدارات متنوعة ومقبولة
- الكاميرات مقبولة وطبيعي إنها بتكون بالجودة دي في الأجهزة بالسعر ده
- الكاميرا الخلفية بتصور فيديو بجودة 1080p
- بطارية مقبولة
عيوب تابلت Huawei MatePad T8
- التابلت مصنوع بالكامل من البلاستيك
- الشاشة بتكتفي بجودة HD Plus بس مش بتدعم جودة Full HD
- التابلت مش بيدعم تطبيقات جوجل ومش هتقدر تستخدم متجر جوجل بلاي بس تقدر تعتمد على متجر هواوي في تحميل التطبيقات اللي انت عايزها
- التابلت مش هيحصل على تحديث HarmonyOS الجديد الخاص بأجهزة هواوي
- الكاميرا الأمامية بتصور الفيديو بجودة HD Plus بس
- التابلت مفيهوش سماعات ستريو ودي حاجة بتكون متوفرة في أغلب أجهزة التابلت
- التابلت بيعتمد على منفذ microUSB في الشحن
- البطارية مقبولة بس مش بتدعم تقنية الشحن السريع بأي قوة
اتعرف على عروض أسعار تابلت Huawei MatePad T8 من هنا.
اتعرف على عروض أسعار مختلف منتجات هواوي على ياقوطة من هنا.
اتعرف على عروض أسعار مختلف أجهزة التابلت المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.