مراجعة ومواصفات بوتاجاز يونيون إير آي ستيل غاز سمارت ٦٠ × ٩٠
كتبت: أمنية عزمي
زمان كان الطبخ مشكلة وإنت وحظك في البوتاجاز لأن ماكانش فيه اختيارات كبيرة وكنت تسمع مأساة أصل ده فرنه واطي وأصل ناره مش مساعدة والصواني نصها يتحمر ونصها لأ، بس ده كان زمان. دلوقتي مع التكنولوجيا والتطور البوتاجازات بقت عامل أساسي في توفير الوقت وظبط كل أنواع الأكل ومثال على الطفرة اللي حصلت في عالم البوتاجازات وتطور التكنولوجيا هو بوتاجاز يونيون إير آي ستيل غاز سمارت ٦٠ × ٩٠ اللي قدر يقضي على كل مشاكل تحضير الأكل بتقنياته المتطورة اللي منها الإشعال الذاتي السريع سواءً للبوتاجاز أو الفرن، وشاشته اللي بتتحكم فيها باللمس وفرنه الكبير وشواية ومميزات كتير هنتعرف عليها في المراجعة دي مع ياقوطة وهنقولكم مواصفاته ومميزاته وعيوبه ولوعجبك وحبيت تشتريه هتلاقي عندنا أرخص الأسعار ليه وتقدر كمان تطلبه من خلالنا ويوصلك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المواصفات
حجم الفرن | ١٢٥ لتر. |
السطح | ستانلس ستيل. |
الغطاء العلوي |
متوفر. |
لوحة التحكم | زجاج. |
الميقاتي | تايمر ديجيتال ٧ مفاتيح. |
الثرموستات | موجود. |
لمبة الفرن | موجود. |
إشعال ذاتي | موجود. |
الصينية | موجود. |
مروحة الفرن | موجود. |
حامل الأواني | حامل أواني زهر. |
الأرجل | أرجل قابلة للتعديل. |
أمان الفرن | اختياري. |
موتور الشواية | موجود. |
أبعاد التعبئة |
٨٤٠ × ٩٦٠ × ٦٨٠. |
حمولة الحاوية | 41,82, 123. |
أبعاد المنتج |
٨٣٠ × ٩٠٠ × ٦٠٠. |
مدة الضمان | ٧ سنوات. |
المميزات
- مزود بشاشة ديجيتال كنترول باللمس بتقدر تتحكم في جميع وظائف البوتاجاز ومعرفة درجات الحرارة من خلالها.
- سطحه استانلس ستيل أنيق وسهل التنظيف وضد الصدأ والخدش.
- مزود بـ ٥ شعلات بأحجام مختلفة تساعدك على طهي كمية كبيرة في وقت قصير، وده بيساعدك كتير في العزايم.
- يعمل بتقنية الإشعال الذاتي سواء للبوتاجاز أو الفرن بسهولة، وبمجرد ما تفتح أي عين يشتعل بشكل أتوماتيكي.
- حجم الفرن ١٢٥ لتر يعني سعته هتخليك تقدر تستخدمه في تسوية أكتر من أكلة في نفس الوقت.
- مزود بخاصية الأمان الكامل للشعلات، وده بيوفر عنصر الحماية الكاملة لأنه بيفصل الغاز أتوماتيك عند انسكاب أي سوائل على الشعلات.
- لوحة التحكم فيه زجاج والسطح ستانلس وده بيزيد شكله أناقة وبيسهل عملية تنظيفه.
- حامل أواني مصنوع من الزهر تقيل وثابت وفي نفس بيحافظ على ثبات أواني الطهي عليه.
- مزود بمروحة داخلية للفرن بتوزع الهواء الساخن في كل الاتجاهات علشان تديك تسوية كاملة من كل الإتجاهات.
- تايمر رقمي للتحكم في الوقت واللي بتعرف من خلاله الوقت المتبقي على الشاشة وبيطلق تنبيه عند إنتهاء الوقت.
- فيه غرفة تسخين في أسفل الفرن علشان تحتفظ فيها بالأكل سخن فترات طويلة.
- مزود بغطاء زجاجي بيحمي البوتاجاز وقت عدم استخدامه.
- مزود بصينية فرن داخلية، وأمان الفرن اختياري.
- مزود بأرجل قابلة للتعديل.
العيوب
- بيحتل مساحة كبيرة من المطبخ.
- إيد الفرن استانلس موصل للحرارة ولازم تمسكها بعازل.
خدمة العملاء
- البوتاجاز عليه ٧ سنين ضمان مما يعني ضمانه فترة طويلة لجودته العالية، مراكز خدمة العملاء متوفرة وقطع الغيار متوفرة والمعاملة مستواها كويس.
تجربة المستخدم
- فيه ميزة إنك تقدر تشغل الشواية والفرن مع بعض وأمان علشان الأطفال وأمان من الغاز لو اتدلق عليه أي سوائل، لكن إيد الفرن بتسخن لما بشغله وده عيب في معظم الإيدين الاستانلس لكن غير كده حلو جدًا.
شوف بوتاجاز يونيون إير آي ستيل سمارت غاز ٦٠ × ٩٠ من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
هل فعلا المروحه بتطفى الفرن لما بتشتغل
أهلًا يا أ. لميس
مروحة الفرن بتفضل عن الفرن في حالة إن حضرتك شغلتي الشواية.. أما لو شغلتي نار الفرن اللي تحت مش هتفصل
هما قالولى انه من غير أمان وحضرتك بتقولى انه ف امان انا مش حابه icook عشان الامان هو فيه عشان ولا ايه قصدك بالأمان
طبعًا يا أفندم البوتاجاز أمان جدًا. وفي حالة وقوقع أي سائل على الشعلة الغاز بيفصل بشكل تلقائي
https://youtu.be/X3A6Ese8FaA
كل كلامك غلط ومواصفاتك على موديل تانى خالص اسم الموديل الة بتشرحى فية اي كوك سمارت
يونيون إير موديلاتها متعددة وكتيرة يا افندم، وكمان ليها مسميات كتيرة والمواصفات بتكون متشابهة في أكتر من حاجة
والموديل اللي بنتكلم عنه هو يونيون إير آي ستيل.. وممكن حضرتك تشوف موديلات آي كوك سمارت المختلفة من على ياقوطة
انا جايبه البوتجاز ده لجهازى وخايفه جدا يكون مش كويس بس عاوزة اعرف الديجيتال التاتش ده مش ممكن الحراره تأثر عليه وازاى هستخدمه
مبورك يا افندم 🙂
لا يا افندم.. مفروض انه معزول كويس قوي عن الحرارة
البتوجاز انا جيبته ٦٠*٩٠
بس طلع كنز قوي وكمان الفرن بتاعه ضيق
والمروحه بتفصل بعد شويه من تشغيل الفرن وكمان الزراير بتاعته ساحت بعد مرتين اتنين من تشغيل الفرن ليه بقي
وكمان حضرتك طلع مش فيه امان كامل
بس كنت حابه اعرف اللي مش فيه أمان كامل ده الفرن او الشوايه ممكن اشغلهم من الاشعال الذاتي ولا لأ
ممكن حضرتك تراجعي التوكيل في الجزء ده، لإن الأمان متاح فيه
أهلا يا افندم
المروحة بتفصل بشكل تلقائي في حالة تشغيلك للشواية او النار الللي فوق
وده طبيعي
وانا كمان المروحة بتفصل اول ما الشواية تشتغل انا اللى عندى اورو سمارت الدهبى دة طبيعى
طبيعي يا افندم
انا عندي البوتجاز من ٣ شهور و لحد دلوقتي الفرن و الشوايه مش بيشتغلوا اشعال ذاتي خالص ازاي
ياريت ترجعي للشركة يا افندم.فرصة كويسة انك لسه في الضمان
البوتاجاز من غير امان و ناره واطيه جدا و تجربه بندم اني عملتها اني اتعامل مع الشركه دي
اشتريت بوتجاز يونيون استيل من غير امان بقاله اسبوعين العيون بتاعته عملت اصفر عليها مش بيطلع اعمل ايه
ياريت الاستفسار يكون واضح عن كده يا افندم، عشان نقدر نساعدك 🙂
يصدر من الفرن صوت في حالة عدم التشغيل ولم يسبق تشغيله من
ساعات
يصدر من الفرن صوت في حالة عدم التشغيل ولم يسبق تشغيله من
ساعات ولم اشغل المروحة والصوت كأنه مروحة شغالة ت
اشتريت فرن 60×80من اسبوع لغاية الان بتخرج حرارة كبيرة من الخلف وبتطلع رائحة كانها حريق كاوتش ؟؟ هل في حطر من ذالك ؟؟ افيدوني رجاء ..
الأفضل التاوصل مع خدمة ما بعد البيع خصوصًا إنه لسه في فترة الاسترجاع المجاني لو فيه حاجة