كتبت: منى عوض

الرياضة فوائدها كتير جدًا، ورياضة الجري بشكل خاص ليها فوائد عظيمة زي مثلاً إنها بتساهم في فقدان الوزن الزائد والحفاظ على اللياقة البدنية وتقوية جهاز المناعة وبتساعدك في تنظيم نفسك، وكمان بتساهم في تحسين الصحة العقلية والنفسية وفوائد تانية كتير.

ياقوطة بتقدملك في المقال ده قائمة بأهم الحاجات الأساسية اللي ممكن تحتاجها لممارسة رياضة الجري والاستمتاع بيها، ولو عجبك حاجة منهم وحبيت تشتريها تقدر تعرف أحسن سعر ليها وتقدر كمان تطلب اللي إنت عايزه من خلال موقعنا وهيوصلك في أسرع وقت.

بنفكرك إنك ممكن تشتري أساسيات الجري في الهواء الطلق من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة  وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

ملابس رياضية

اتأكد من اختيارك لملابس مريحة متضايقكش وإنت بتجري ومتكونش بتحرر ولا بتسبب التهابات في الجسم، ويفضل كمان الابتعاد عن الأقمشة القطنية لأنها بتمتص الرطوبة وهتخليك تحس إنك مبلول وهتضايقك وبالتالي اختار الأقمشة الصناعية لأنها هتخلي جلدك يتنفس وهتقدر تقلعها بسهولة ومش هتمتص العرق.

تقدر تختار الملابس الرياضية المناسبة ليك من هنا.

حذاء رياضي للجري

يفضل ارتداء أحذية رياضية مخصصة للجري عشان تكون مريحة وثابتة وإنت بتتحرك وتضمن إنك توازنك مش هيختل ولا هتتزحلق ولا تقع وتتعرض لأي إصابات، وفي العموم الموضوع محتاج بحث ودراسة عشان تتأكد إنك بتختار صح.

تقدر تختار الحذاء الرياضي للجري المناسب ليك من هنا.

ساعة شاومي مي واتش لايت – BHR4357GL

مراقبة مدة الجري ونبضات قلبك ومعدل الحرق والمؤشرات دي كلها مهمة جدًا أثناء ممارسة أي رياضة مش الجري وبس، وعشان تقدر ترصد نشاطك ومؤشرات جسمك بدقة هتحتاج ساعة ذكية تقدر توصلها بموبايلك بكل سهولة بدل ما كل شوية تطلع الموبايل وتبص فيه.

ساعة شاومي دي هتوفرلك كل احتياجاتك، كل اللي عليك بس إنك توصلها بالموبايل بتاعك أياً كان نوعه من خلال تقنية البلوتوث، وبعدها تقدر تراقب  معدل ضربات القلب على مدار 24 ساعة وتراقب عادات نومك وتقدر تتبع عليها لحد 11 تمرين رياضي وتقدر تراقب من خلالها كمان تدريبات النفس، ودا كله من خلال شاشة TFT LCD تعمل باللمس وحجمها 1.4 بوصة.

ولو إنت من الناس اللي بتتمرن سباحة فهتقدر تراقب مدة التمرين والسعرات المحروقة وما إلى ذلك وهتقدر تعمل دا بكل سهولة خصوصاً إنها مقاومة للماء حتى عمق 5 أتموسفير.

الساعة فيها كمان مستشعرات عديدة بتساعدها إنها تشتغل بدقة زي مثلاً مستشعر لقياس معدل نبضات القلب باستخدام مخطط PPG ومستشعر التسارع لتحديد اتجاه حركة الجسم، ومستشعر الجيروسكوب لحساب وقياس دوران الجسم بدقة أكبر، وكمان مستشعر الضوء ومستشعر الضغط الجوي والبوصلة الإلكترونية.

وبطاريتها سعتها 230 مللي أمبير في الساعة وبالتالي هتقدر تستمتع باستخدامها لحد 9 أيام من الاستخدام العادي وتقدر تعيد شحنها مرة تانية في غضون ساعتين بس.

تقدر تشوف ساعة شاومي مي واتش لايت – BHR4357GL من هنا.

تقدر تختار الساعة الذكية الأنسب ليك من هنا.

سماعات الرأس

معظم الناس بتحب تسمع حاجة وهي بتجري أو بتمارس أي رياضة في العموم ودا عشان متحسش بأي نوع من أنواع الملل، ويفضل طبعاً في الحالة دي اختيار السماعات المقاومة للماء والصدمات وكمان يفضل إنها تكون لاسلكية وتوصلها بالموبايل من خلال تقنية البلوتوث وبالتالي تقدر تجري بكل حرية.

تقدر تختار سماعات الرأس الأنسب ليك من هنا.

زجاجة مياه للاستخدام الرياضي

خلال عملية الجري هتلاقي إن جسمك بيفقد جزء من السوائل المحتفظ بيها وهتلاقي إنك محتاج تعوض السوائل المفقودة دي من خلال شرب المياه، وبالتالي من الضروري يكون معاك زجاجة مياه بلاستيكية تقدر تشرب من خلالها بعد الانتهاء من ممارسة الرياضة.

تقدر تختار زجاجة مياه للاستخدام الرياضي من هنا.

كريم شمس من بوباي بعامل حماية 80

كريم الحماية من الشمس شئ أساسي ولا غنى عنه سواء هتمارس رياضة الجري في الصيف أو في الشتاء، ولازم يكون معامل الحماية بتاعه عالي عشان تضمن حماية أكبر لبشرتك، وكريم الشمس من بوباي كويس جدًا وحمايته عالية وهيكون مناسب ليك خاصة لو بشرتك جافة.

تقدر تشوف كريم شمس من بوباي بعامل حماية 80 من هنا.

تقدر تختار كريم الشمس المناسب ليك من هنا.

بكرة فوم للتدليك

معظم الناس بتحتاج إنها تسخن باستخدام بكرة الفوم قبل ما تبدأ تجري يعني بتعتبر دا نوع من أنواع تنشيط العضلات أو مساج للعضلات، وبكرة الفوم استخدامها مش بيقتصر على فترة ما قبل التمرين وبس لأ دي تقدر تستخدمها كمان بعد التمرين فهي هتساعد في زيادة مرونة جسمك وتخفيف آلام العضلات ولو بتعاني من شد عضلي هتخففه جداً.

تقدر تشوف بكرة فوم للتدليك من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.