كتبه: عمر مدني.

الـ MSI Pulse GL66، مش بس لاب توب، ده رفيقك في كل حاجة! بيقدملك أداء قوي وسرعة عالية، وكمان شكله جذاب. مش هتحتاج تفكر تاني في تقطيع أو تأخير، الـ MSI Pulse GL66 هو الحل. ده الأداء القوي بين إيديك. بيجمع بين القوة والأناقة في آن واحد. معالجه القوي وكارت الشاشة المتميز والذاكرة العالية، كل ده هيخليك تشتغل وتلعب براحة وبدون تقطيع. MSI Pulse GL66، ده الأداء القوي بين إيديك.

في المقال ده هنتعرف على لابتوب MSI Pulse GL66 وهنتعرف على مواصفاته ومتوسط سعره في السوق المصري، ولو اللابتوب عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلال تطبيق شهري.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أول حاجة نفتح علبة لابتوب MSI Pulse GL66:

• أول حاجة هتقابلنا لما نفتح العلبة هو لاب توب MSI Pulse GL66.
• وبعدين أوراق دليل التشغيل والضمان.
• وبعدين الشاحن بقدرة 150 واط.
• مع كابل للشحن بواط عالي.

ثم بعد ذلك إليكم مواصفات لابتوب MSI Pulse GL66:

• أبعاد اللابتوب: 359×259×23.95 مم.
• وزن اللابتوب: حوالي 2.25 كيلوجرام،يعتبر اللابتوب تقيل، لكن ده الطبيعي بالنسبة للابتوب جيمينج، لو متعود على لابتوبات الجيمينج مش هتقابل أي مشاكل فيه وهيعتبر وزنه مثالي بالنسبالك.
• الخامات المصنوع منها الجهاز: اللاب مصنوع من معدن خليط لايق جداً مع بعض بين البلاستيك والمعدن وده بيخلي الوزن خفيف وشكل التصميم شياكة، وعليه كلمة MSI من الظهر بشكل بسيط وطبعاً اللابتوب بياخد شكل الجيمينج سواء في الظهر أو تحت الكيبورد وده بيخليه مميز جداً، وبصراحة أنا بحب التصميمات الجيمينج وبحسها شبابية أكتر.
• اللون: بيجي الابتوب بلون واحد بس وهو لون التيتانيوم.
• الشاشة: شاشة IPS LCD بحجم 15.6 بوصة وبتستحوذ على 84% من جسم الجهاز وبتيجي الشاشة بأبعاد 16:9، وبتيجي الشاشة بدقة 1920×1080 بيكسل فبالتالي الشاشة FHD، كمان الشاشة طبعاً لأنها جيمينج فا بتيجي بتشبع ألوان ممتازو كمان بتيجي بمعدل تحديث فريمات 144 هيرتز، عشان متبوظش تجربتك للألعاب عليه.
• المكونات الداخلية: بيعتمد لابتوب MSI Pulse GL66 على معالج من شركة إنتيل وهو من نوع Core™ i7-12700H وهو من الجيل الحادي عشر الحرف “H” في اسم المعالج Core™ i7-12700H بيعني “High performance graphics”، يعني المعالج ده مصمم عشان يقدم أداء عالي، خصوصاً في الرسومات. المعالجات دي بتتستخدم عادة في اللاب توب اللي بيتعمل عليها ألعاب أو شغل ثقيل. ومن الجدير بالذكر إن الحرف “H” مش بيشير لأداء المعالج نفسه، الحكاية كلها عن الكارت الشاشة المدمج في المعالج واللي بيكون أداؤه عالي. وده بيفيد الناس اللي بتحب تلعب ألعاب الكمبيوتر أو تشتغل على برامج ثقيلة زي برامج التصميم والجرافيك.، وبيجي اللاب مع معالج رسومي الأقوى من شركة NVIDIA وهو NVIDIA® GeForce RTX™ 3070 بحجم 8 جيجابايت الي حرفيا ممكن نقول الجهاز مفيش حاجة تصعب عليه. أما رامات الجهاز فسعتها 16 جيجا بايت رام من نوع DDR4 وفي مكان إضافي تقدر تضيف فيه لحد 16 جيجا بايت تاني وتوصله ل32 جيجا بايت، وبيجي الجهاز بميموري SSD بسعة 1 تيرابايت، وأكيد مفيش كلام على أداء الجهاز الي بيكون أكتر من ممتاز.
• 
• نظام التشغيل: اللابتوب MSI Pulse GL66 بيشتغل بنظام Windows 11.
• كاميرا الويب: كاميرا بدقة 720p مع تصوير فيديو ب30 فريم في الثانية، كاميرا تعتبر مناسبة جداً لمكالمات الفيديو وإجتماعات الأونلاين.
• النظام الصوتي: يُعتبر النظام الصوتي في اللاب من الحاجات المميزة أوي، وبيجي بسماعتين خارجيتين بنظام ستيريو هيقدموا أداء صوت واقعي ومحيط وعالي.
• الشبكات والإتصال: اللاب بيجي بخدمات Wifi 6 بسهل من سهولة وسرعة التوصيل بالشبكة، مع وجود بلوتوث 5 لتوصيل الأجهزة لاسلكي عليه.
• المنافذ: ثلاث من نوع USB A ومنفذ Type-C، بالإضافة إلى مدخل HDMI كمان بيجي اللابتوب ده بمنفذ إيثرنت، وأخيراً منفذ للشحن.
• الكيبورد ولوحة اللمس: لوحة مفاتيح كاملة مع إضاءات RGB تقدر تتحكم في شكلها ولونها زي مانت عايز كمان بيجي الكيبورد كامل مع لوحة الأرقام الي بتكون يمين الكيبورد وتاتش باد كبير.
• البطارية: بطارية اللاب كويسة جدا وممكن تستخدمها لمدة تصل إلى 10 ساعات كما قالت الشركة متواصل من التصفح أو الإستخدام الخفيف من غير ما تحتاج لشحن والشاحن الي بيكون مع اللاب في العلبة هو شاحن ضخم بقدرة 150 واط.

مزايا لابتوب MSI Modern 14 B11M:

• أداء قوي: اللابتوب ده بيتميز بأداء قوي جداً في الألعاب بفضل المعالج Intel الجيل ال12.
• شاشة عالية الجودة: الشاشة Quad HD بتضمن إن الألعاب تظهر بشكل رائع.
• بطارية تدوم طويلاً: البطارية بتقعد كتير للابتوب الألعاب.
• كيبورد مضيئة: الكيبورد بتاعته بتشتغل بالإضاءة ال RGB.
• كارت شاشة قوي: اللابتوب ده بيجي بكارت شاشة NVIDIA® GeForce RTX™ 3070 8GB GDDR6.
• كيبورد متكاملة: الكيبورد بتاعته بتشتغل بالإضاءة ال RGB وبها لوحة أرقام.

أما عن عيوب لابتوب MSI Pulse GL66 :

• تصميم بسيط وثقيل: التصميم بتاع اللابتوب ده بسيط وثقيل شوية ومصنوع من البلاستيك.
• صوت الفان عالي: الصوت بتاع الفان بيعلي شوية.
• مفيش غطاء خصوصية للكاميرا: اللابتوب ده مش بيجي بغطاء خصوصية للكاميرا، اللي بقت ميزة أساسية في كل الكاميرات سواء كانت في لابتوب أو غيره.
• صوت الفانات عالي: الفانات بتصدر صوت عالي.

في الختام، الـMSI Pulse GL66 ده جهاز ممتاز للجيمرز والمحترفين. بيقدم أداء قوي وسريع، وشاشة بجودة عالية، وبطارية تدوم طويل. وكمان التصميم بتاعه جذاب ومريح للإستخدام. يعني لو بتدور على جهاز يقدر يواكب احتياجاتك، الـMSI Pulse GL66 ده هو الخيار الأمثل ليك. متنساش انك تتأكد من الضمان والصيانة قبل ما تشتري، وكده يبقى انت خدت قرارك بكل معلومة واضحة ومن غير مصادر مش موثوقة.

اتعرف على عروض أسعار لابتوب MSI Pulse GL66 من هنا.

اتعرف على عروض أسعار مختلف منتجات MSI المتوفرة على ياقوطة من هنا.

اتعرف على عروض أسعار كل ما يخص اللابتوب على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن الكاتب:

أنا عمر مدني، تقريباً أنا أصغر مراجع تكنولوجيا في مصر بدأت وانا عمري 18 سنة، حالياً أنا خريج Biotechnology، أشتغلت في موقع Mobihull و Mobilesgate وكان لشغفي دور كبير في اختيار مجال التكنولوجيا وبستنى كل جديد عشان أعرف عنه أكتر، أتمنى اني أكون فيدتكم.