كتب: خالد عاصم

اشتريت كاميرا احترافية DSLR جديدة أو عندك أصلًا كاميرا جديدة ومحتاج إنك تحدث إمكانياتها، يبقى لازم يكون تفكيرك دلوقتي منصب ومركز على اختيار عدسات الكاميرا المناسبة ليك، فالاستثمار في مجموعة متميزة من عدسات الكاميرا هو العنصر الأساسي في ترقية الكاميرا بتاعتك والأهم إن هو ده العنصر اللي هيساعدك على تطوير أسلوبك في التصوير.

ولأن عالم عدسات الكاميرا كبير ومتنوع وفيه عدد كبير جدًا من العدسات المختلفة واللي كل واحده فيهم ليها استخام مختلف وأهمية مختلفة، ولان ده بيخلي اختيار العدسة المناسبة صعب أحيانًا، ففي المقال ده هنساعدك على إنك تفهم أنواع العدسات المختلفة وتقدر تختار منهم اللي يناسبك احتياجاتك وكمان هنتعرف على مجموعة من عدسات الكاميرا الاحترافية المختلفة المتوفرة على ياقوطة.

ولو عجبتكم أي عدسة هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

ازاي تقدر تختار عدسات الكاميرا الاحترافية المناسبة

العدسة الثابتة والعدسة المقربة

أول حاجة محتاجين نفهمها عن العدسات هي إنها بتنقسم لنوعين أساسيين، العدسة الأساسية أو الثابتة Prime أو Fixed والعدسة المقربة اللي بتستخدم في الزووم Zoom او Range. والعدسة الثابتة Prime هي اللي بيكون ليها بعد بؤري واحد ثابت زي مثلًا ٥٠ مم، أما العدسة المقربة فالطول البؤري ليها بيكون متغير زي مثلًا ٢٤-٧٠ مم، كمان بتكون العدسات الثابتة جودتها أعلى وده لان العناصر المتحركة جواها بتكون قليلة وكمان الجودة العالية جدًا للزجاج المستخدم فيها بيخلي الصور أكثر حدة ووضوح، وكمان العدسات الثابتة بتيجي بفتحة عدسة ثابتة محددة، على عكس العدسات المقربة اللي أغلبها بيكون ليه فتحة عدسة متغيرة، وفي المجمل العدسات الثابتة بيكون سعرها أعلى من العدسات المقربة بسبب الفتحة الثابتة وكمان الاعتماد على عناصر زجاجية فائقة الجودة.

عشان نفهم الاختلاف في الاعتماد على فتحة العدسة الثابتة أو المتغيرة، فخليني نقول إن الفتحة الثابتة معناها إن العدسة ليها فتحة ثابتة بحد أقصى زي مثلًا f/2.8، وأغلب المصورين المحترفين بيفضلوا إنهم يشتروا عدسات مقربة بفتحة عدسة ثابتة حتى لو هتكلفهم أكتر لأن ده بيريحهم من تعديل سرعة الشاتر والتعديل على معدلات ISO لما بييجي يصوروا بالاعتماد على التقريب البصري وده لأنهم بيقدروا بكده يوصلوا لأحسن إعدادات تعريض ممكنة، أما عدسات التقريب الرخيصة فعلى الأغلب بيكون ليها فتحة متغيرة عشان تقدر تحافظ على انخفاض سعرها، وفي المجمل بتختلف فتحة العدسات المقربة ما بين f/3.5 لحد f/5.6 باختلاف طولها البؤري.

وزي قواعد كير في التصوير فلكل قاعدة استثناء، فمثلًا العدسات اللي اتكلمنا عنها من شوية واللي بطول بؤري ٥٠ مم و٢٤ إلى ٧٠ مم هما مثالين كويسين جدًا للاستثناء ده، فأكبر الشركات اللي بتشتغل في تطوير الكاميرات واللي هما نيكون وكانون، بيقدموا مجموعة كبيرة من العدسات بطول بؤري ٥٠ مم، فشركة نيكون وكانون بيقدموا العدسة نفسها بفتحات f/1.8 وf/1.4 بالإضافة لنسخة f/1.2 كمان.

العدسات والطول البؤري

في الفقرات اللي جاية هنتعرف على أشهر أنواع عدسات الكاميرا المختلفة من حيث الطول البؤري واللي هنقدر نتعرف على الفروق ما بينهم بالصور كمان.

عدسة عين السمكة Fisheye بطول بؤري ٨ مم – ١٦ مم

العدسة بالغة العرض Super wide-angle بطول بؤري ١٦ مم – ٢١ مم

العدسة العريضة Wide-angle بطول بؤري ٢١ مم – ٣٥ مم

العدسة الأساسية/القياسية Standard بطول بؤري ٣٥ مم – ٧٠ مم

العدسة المقربة Telephoto بطول بؤري ٧٠ مم – ١٣٥ مم

العدسة فائقة التقريب بطول بؤري ١٣٥ مم – لأكتر من ٤٠٠ مم

ممكن تختلف العدسات اختلافات بسيطة باختلاف الشركة المطورة ليها، بس في المجمل العدسات بالغة العرض بتستخدم أكتر في تصوير المنشآت الهندسية والمعمارية، أما العدسة العريضة فهي الأنسب للمساحات الخضراء والأماكن الخارجية، والعدسات القياسية أفضل لتصوير الشوارع والتصوير الوثائقي، أما العدسات المقربة فهي المناسبة للصور الشخصية (البورتريه) وأخيرًا العدسات فائقة التقريب مثالية للرياضة وللحياة البرية.

لازم كمان ناخد بالنا إن كل ما العدسة طولت كل ما احتمالية إن الكاميرات تتهز هيكون كبير وعشان كده يفضل الاعتماد على سرعة شاتر تساوي أو أعلى من فتحة العدسة، يعني لو العدسة طولها البؤري ما بين ٢٠٠ إلى ٢٥٠ مم فيفضل تكون سرعة الشاتر تقريبًا 1/250.

العدسات التخصصية

عدسة Macro

عدسة الماكرو هي العدسة الل بتستخدم في التصوير عن قرب جدًا وتقدر تلقط بتركيز وتفاصيل أفضل من العدسات القياسية العادية في حالة التصوير عن قرب، وبتستخدم الصور دي في تصوير الأشياء الصغيرة جدًا ومن عن قرب جدًا.

عدسة Tilt shift

العدسة دي مثالية في تصوير الأماكن السياحة والمنشآت المعمارية والهندسية وبتتمتع بمكونات داخلية لتصحيح المنظور وكمان تركيزها ممكن يتعدل ويتغير محوره عشان يخلي الصور تظهر زي الصورة اللي تحت كده، فيظهر المبنى أو المعلم السياحي كأنه في مدينة صغيرة مصنوعة مثلًا.

ملاحظة هامة

قبل ما تشتري عدسة جديدة للكاميرا بتاعتك لازم الأول تعرف إن كانت الكاميرا بمستشعر كامل الإطار أو مستشعر مقصوص يعني Full Frame ولا Crop Frame (APS-C)، والكاميرا ذات المستشعر كامل الإطار بيكون مستشعرها بمقاس ٣٥ مم، اما مستشعر Crop بيكون المستشعر أصغر وتقريبًا بمقاس ٢٤ مم، وده معناه إن عدسة الإطار الكامل هيكون ليها طول بؤري أقصر في حالة استخدامها مع الكاميرات Crop من استخدامها مع الكاميرات كاملة الإطار، وده معناه إن عدسة بطول بؤري ٥٠ مم في الكاميرا كامية الإطار بيساوي ٣١٫٣ مم بس في الكاميرات التانية.

مجموعة من عدسات الكاميرا الاحترافية المتوفرة على ياقوطة

عدسة Canon EF STM بطول بؤري ٥٠ مم وفتحة f/1.8

عدسة بطول بؤري ٥٠ مم مخصصة للكاميرا APS-C بطول بؤري مكافئ ٨٠ مم، العدسة بفتحة f/1.8 وبتعتمد على محرك متدرج من نوع STM وبتتميز بمجموعة من العناصر البصرية المتميزة.

اتعرف على عروض أسعار عدسة Canon FE STM بطول 50 مم وفتحة f/1.8 من هنا.

عدسة نيكون Nikkor AF-S مقاس ٢٤-١٢٠ مم بفتحة f/4

عدسة مثالية للمناظر الطبيعية والصور الشخصية والحفلات والمناظر البعيدة، بتتمتع العدسة بطول بؤري متغير ما بين ٢٤ مم لحد ١٢٠ مم وبفتحة عدسة قصوى f/4 والعدسة بتتميز بحفاظها على إعدادات التعريض المثالية على طول مدى الزوم وكمان فيها محرك لتقليل الاهتزاز.

اتعرف على عروض أسعار عدسة Nikkor AF-S بطول 24-120 مم فتحة f/4 من هنا.

عدسة سيجما DC Macro OS HSM بطول ١٧-٧٠ مم بفتحة f/2.8-4

عدسة زووم قياسية للكاميرا الاحترافية من نيكون بمستشعرات APS-C وهي ممتازة لعدد كبير من سيناريوهات وظروف التصوير بما فيها تصوير الماكرو اللي بيعتمد على التصوير من مسافات قريبة جدًا، والعدسة بتتميز بعناصر بصرية ممتازة ومجموعة من المحركات المتميزة زي محرك Hyper Sonic AF.

اتعرف على عروض أسعار عدسة سيجما DC Macro OS HSM من هنا.

مجموعة عدسات Canon Cinema Prime EF

مجموعة من العدسات السينمائية الثابتة بتتميز بإنها بتغطي الإطار الكامل للكاميرات مقاس ٣٦ مم × ٢٤ مم وبتتميز بأجهزة استشعار فائقة، والعدسات بتتميز بحساسبة عالية جدًا للضور وبتقدر تلتقط الإطار الأوسع مع الحد الأدنى من تشويه الحواف، ومن خلال تفاصيل العدسات المكتوبة في صفحتها على موقع ياقوطة هتقدر تعرف كل التفاصيل الخاصة لكل عدسة.

اتعرف على مجموعة عدسات Canon Cinema Prime EF من هنا.

اتعرف على عروض أسعار مختلف العدسات المتوفرة على ياقوطة من هنا.

اتعرف على عروض أسعار كل حاجة متعلقة بالكاميرات من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.