كتبت: أمنية عزمي

الشاشات ال LED هي التطور لشاشات LCD بشكل أكثر نحافة وموفرة للطاقة بشكل أكبر وبتعتمد على الإضاءة الخلفية، وفي السنوات الأخيرة ظهرت مجموعة أسماء منافسة بأسعارها اللي متنازل الجميع تقريبا، من الأسماء دي Hoho اللي بيقدم من ضمن منتجاته شاشة Hoho 32 بوصة إتش دي- ليد- باللون الأسود واللي هنتكلم عليها النهارده في موضوع مراجعتنا مع ياقوطة وهنتعرف على أهم مواصفاته ومميزاته وكمان عيوبه ورأي المستخدمين فيه ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• نوع العرض: HD|LED
• بلد المنشأ: مصر.
• اللون: أسود.
• الكود التعريفي للمنتج: HO179EL1IDUZSNAFAMZ
• أبعاد المنتج: 80.4×14.9×52.3
• فترة الضمان: سنتين.
• حجم الشاشة بالبوصة: 32.

المميزات

• الشاشة مصممة بحواف رفيعة وشكل جميل، وحجمها مناسب لدقتها الإتش دي اللي وضوحها بيكون بدقة 1366× 720 بكسل بيظهرجمال الصورة والألوان.
• شاشة ليد بإضاءة خلفية، بيظهر فيها تباين اللون الأسود وكمان بتظبط سطوع الشاشة بشكل أتوماتيكي وبتديك جودة عالية للصورة واقتصادية في سعرها.
• تقنية IPS اللي بتزود وضوح الألوان وبتتحكم في درجة سطوع الشاشة بشكل أفضل وبتكون من الشاشات المميزة في الألعاب والمشاهد اللي بتتميز بالحركة السريعة زي الماتشات.
• بتتميز بزاوية رؤية 178/178 درجة بدون أي تشوهات في الصورة.
• التليفزيون مزود بمنفذين HMDI علشان يسهل عليك توصيله بأي أجهزة تانية وبأجهزة الألعاب وتشغيل الأصوات ومقاطع الفيديو من خلاله والاستمتاع بها من خلال الشاشة بحجمها الكبير ووضوحها العالي.
• مزود بمنفذ VGA بتقدر توصل الشاشة من خلاله بالكمبيوتر وتشوف محتوى الكمبيوتر على شاشة التلفزيون.
• مزود بمدخلين يو اس بي اللي بتوصل الفلاشة من خلالهم وتقدر تتفرج على صورك أو أفلامك المفضلة أو تستمع بالأغاني اللي بتحبها.
• سمك الشاشة رفيع جدا ودي ميزة تساعدك انك تعلقه عالحائط وبالتالي تستغل مساحة المكان بشكل أفضل.
• مزود بريموت كنترول بتتحكم فيه عن طريقه من بعد وانت في كامل استرخائك وراحتك.
• يحتوي على منفذ RF الخاص بالإيريال الأرضي.

العيوب

• الألوان جيدة لكن مش الأروع بين الشاشات.
• مش بيدعم الترجمة على الفيديوهات بسهولة من خلال الفلاش ميموري.
• تصميم القاعدة مش بالثبات المطلوب ومعرضة للوقع والصدمات وحل تعليقها على الحائط هيكون أنسب ليها.
• التليفزيون بييجي بضمان سنتين بس، وده قليل مقارنة بالمنافسين.

خدمة العملاء

• أرقام مركز الخدمة والصيانة لأجهزة 01016002740
• فروعهم متوفرة في القاهرة والاسكندرية والدلتا ووجه قبلي.

تجربة المستخدم

• الحقيقة ما توصلناش غير لرأي من شخصية واحدة فقط وكان بيشكر في الشاشة وان سعرها حلو جدا بالنسبة لمواصفاتها ومقابلش معاها مشاكل.

شوف تليفزيون Hoho- 32 بوصة- إتش دي ليد- أسود من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال

أمنية عزمي، بكتب من سنة ونص. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويسة جدا.