كتبت: شروق المليجي

الكبة جهاز بيوفر مجهود ووقت كتير في المطبخ وبتساعد في عمل أكلات كتير مختلفة من أهمها فرم اللحمة، والأرز، وحتى أنواع من الخضروات.

لو عايز تشتري كبة، ياقوطة هتساعدك في المهمة دي وهنقدملك قائمة قصيرة بأهم المواصفات اللي لازم تاخد بالك منها وإنت بتشتري عشان تختار المنتج المناسبة ليك ولاحتياجاتك ولميزانيتك. القائمة دي دليل مختصر ولو عاوز تشتري كبة تقدر تعرف أحسن الأنواع دي من ياقوطة، ممكن تطلبه من خلال موقعنا وهيوصلك في أقرب وقت لحد باب البيت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

حاجات مهم تفكر فيها قبل ما تشتري الكبة

• إنت محتاج الكبة لفرم إيه؟ للحمة ولا الخضار والبصل ولا عايز كبة تنفع لفرم كل الحاجات دي؟
• حدد الميزانية.
• حدد الحجم حسب استخدامك ليها
• لو عايزها لفرم اللحمة يبقى سعتها تكون من ١ لتر للتر ونص أو أكثر وتكون بسلاح مزدوج ويكون ستانلس ستيل عشان يعيش.
• عشان تفرم اللحمة لازم الموتور يكون قوي يستحسن فوق ٥٠٠ وات عشان يفرم كويس.
• لو عايزها للبصل والخضروات ممكن قوتها تكون ٤٠٠ وات ويكون معاها سلاح إضافي لتقطيع الملوخية.
• لو عايزها لكل الاستخدامات يبقى تكون سعتها كبيرة زي بتاعة اللحمة وتكون فيها سرعات مختلفة عشان أنواع الأكل المختلفة وطبعًا يبقى فيها أكتر من سلاح للحمة والخضار والملوخية.
• الدورق يستحسن يكون مصنوع من البلاستيك مش القزاز عشان لو وقع مايتكسرش.
• دور على كبة السلاح بتاعها سهل الفك والتنضيف.
• اتأكد من وجود الضمان عشان لو حصل أي مشاكل في المنتج.
• اشتري من ماركات محترمة ومعروفة زي ميانتا وتورنيدو وتاتش الزنوكي وبراون.

ممكن تشوف أنواع كبة المختلفة من هنا.

وشوف إزاي تشتري كبة من هنا.