مراجعة غسالة وايت بوينت الـ ٨ كيلو
كتبت: منى عوض
الغسالة من أكتر الأجهزة اللي وجودها بيسهل كتير من الوقت وبيوفر كمان مجهود كبير. وطبعًا السوق مليان أشكال وأنواع كتيرة من الغسالات اللي ليها مواصفات مختلفة، وده بيصعّب على المشتري إنه يعرف النوع المناسب لاحتياجاته.
عشان كده ياقوطة هتسهلها عليك وهتكلمك عن غسالة وايت بوينت تحميل علوي سعة الـ ٨ كيلو، واحدة من أهم الغسالات وأكترهم شهرة على موقع ياقوطة، وفي الريفيو ده هنعرف أهم مواصفاتها، ومميزاتها، وعيوبها، ولو عجبتك وعايز تشتريها من خلالنا تقدر تعرف أحسن الأسعار ليها وتقارن بينهم وتطلبها كمان وهتوصل لغاية عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
المواصفات
| موديل الغسالة | WPTL 8 DG |
| الوظائف | غسالة ومجفف. |
| السعة | ٨ كيلو. |
| نوع الغسالة | غسالة تحميل علوي. |
| عدد البرامج | ١٠ برامج غسيل. |
| الخامة المصنوع منها الغسالة | الأنامليد. |
| البلد المنشأ | الصين. |
| الضمان | ٥ سنوات. |
المميزات
- الغسالة عملية جدًا لإنها بتدعم ٣ وظائف وهم الغسيل والشطف والعصر، وكمان اقتصادية جدًا في استهلاك الكهرباء والمياه، وكمان مسحوق الغسيل. لأنها هتخليك تقدر إنك تستخدم كل أنواع المساحيق العادية اللي سعرها عادةً بيكون مناسب وموفر بشكل كبير في الميزانية بالمقارنة مع المسحوق الأتوماتيك.
- على الرغم من إنها غسالة أوتوماتيك، فتقدر تضيف كل الغسيل اللي انت عايزه في أي وقت حتى والغسالة شغالة من غير ما تحتاج إنك تستنى دورة الغسيل تخلص أو تضطر توقف الغسالة، ده لأنها غسالة تحميل علوي.
- بتدعم وجود شاشة رقمية عشان تظهرلك أي تفاصيل عن الغسيل مثلًا زي فاضل قد إيه على انتهاء دورة الغسيل وبرنامج الغسيل اللي شغال.
- بتتميز بـ ١٠ برامج غسيل عشان تقدر تختار أكتر برنامج مناسب لاحتياجاتك بكل حرية.
- مزودة بمضخة للصرف عشان تسحب وتصرف المياه اللي موجودة في الغسالة بشكل تلقائي بمجرد انتهاء دورة الغسيل.
- مزودة بخاصية تجفيف الهواء اللي هتخليك تغسل الهدوم من غير إضافة مياه، وده بفضل نظام التهوية القوي وبالتالي توفير الوقت والجهد.
- مزود بخاصية مضاد لرغوة الصابون عشان تحافظ على الأجزاء الداخلية للغسالة من التعرض للصدأ.
- بتتميز بوجود مدخلين واحد مخصص للمياه الباردة والتاني للمياه الساخنة.
- هتقدر تحدد مستوى المياه في الغسالة من ١ لحد ٥. سواء بشكل تلقائي أو يدوي.
- الحوض الداخلي للغسالة مصنوع من مادة الاستانلس ستيل المقاومة للصدأ، وده معناه إنه متين ويقدر يستحمل كل الكميات اللي هتحطها في الغسالة.
- صوت الغسالة هادي ومش بيتسبب في أي إزعاج وهي شغالة.
- الغسالة حجمها مش كبير، يعني من السهل تخزينها حتى لو كانت المساحة صغيرة، وكمان الجسم الخارجي بتاعها مصنوع من مادة الأنامليد.
العيوب
- سعة الغسالة متوسطة يعني ممكن ماتبقاش مناسبة بالنسبة لناس كتير أو للعائلات اللي عدد أفرادها كبير.
- مش مزودة بسخان داخلي عشان يسخن المياه خلال الغسيل يعني لو احتاجت تغسل الغسيل بمياه سخنة لازم تضيفها بنفسك، أو توصل وصلة للمياه السخنة من السخان.
خدمات ما بعد البيع
- الغسالة بتيجي بضمان خمس سنين من العبد اللي بيُعرف بكونه ضمان مميز وفيه فنيين كفاءتهم عالية، أما بالنسبة لقطع الغيار فهي بتكون متوفرة مجانًا طول فترة الضمان.
شوف غسالة وايت بوينت الـ ٨ كيلو من هنا.
شوف أهم ٧ غسالات ملابس على ياقوطة في عام ٢٠١٧ من هنا.
شوف أهم ٧ منتجات على ياقوطة في شهر فبراير من هنا.
لو عايز تعرف إزاي تحافظ على أجهزتك المنزلية وتخليها تعيش لفترة أطول اقرأ المقال ده.
ولو عايز تعرف تاريخ الغسالات من أول اختراعها شوف المقال ده.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال