كتبت: منى عوض

هنتكلم النهارده عن غسالة الأطباق إل جي بالبخار سعة الـ ١٤ فرد، واحدة من أكتر غسالات الأطباق شعبية على ياقوطة. ومن خلال الريفيو ده هنتعرف على  مواصفات ومميزات وعيوب الغسالة دي وكمان أحسن سعر ليها ولو عجبتك وعايزة تشتريها تقدري تطلبيها من خلال ياقوطة وهتوصل لحد عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

المميزات

• مزودة بتقنية البخار الحقيقي (TrueSteam) اللي بتساعد في إزالة البقع والدهون بسرعة ومن غير ما تحتاج إنك تشطف الأطباق قبل ما تحطها في الغسالة، وده بفضل وجود رشاش البخار المزدوج.
• مزودة بتقنية الرف الذكي (SmartRack) اللي بتوفرلك مساحة داخلية أكبر، ده لأنها بتديك الحرية الكاملة في تعديل شكل السلات جوة الغسالة عشان تحط فيها أنواع وأحجام مختلفة من الأطباق والكوبايات والسكاكين وغيرها.
• غسالة الأطباق دي بتعتبر صديقة للبيئة وده بسبب مستوى كفاءه الطاقه A++ اللي بيعني توفير كبير جدًا في استهلاك الكهرباء، ده بجانب إنها موفرة كمان في استهلاك المياه.
• مستوى الضوضاء بتاعها قليل ٤١ ديسيبل، وبالتالي مش هتسببلك أي إزعاج أو ضوضاء ساعة التشغيل.
• بتدعم ٧ برامج غسيل اللي بيتم اختيارها دايمًا حسب درجة اتساخ الأطباق، وبتشتمل البرامج دي على البرنامج الاقتصادي اللي بيعمل على توفير الكهرباء والوقت المستهلك في عملية التنظيف بنسبة ١٥٪، والبرنامج التلقائي اللي بيحدد دورة الغسيل المناسبة لدرجة اتساخ المواعين، وغيرها من البرامج.
• الغسالة بتدعم خاصية نصف الحمولة اللي بتوفر في استهلاك الكهرباء والمياه لو هتشغل الغسالة وهي مش مليانة على الآخر.
• مزودة بقفل أمان ضد عبث الأطفال.
• بتدعم وجود شاشة رقمية LED عشان توضحلك برنامج الغسيل اللي شغال وفاضل قد إيه على دورة الغسيل، وكمان هتقدر تختار البرامج اللي انت عايزها عن طريق لوحة بتشتغل باللمس.
• مزودة بتقنية التشخيص الذكي (Smart Diagnosis) اللي بتُعتبر أفضل وأسرع طريقة لمعرفة أي أخطاء أو أعطال ميكانيكية بتعاني منها الغسالة بدون ما تحتاج إنك تتصل بالفني، كل اللي عليك إنك تتصلي بمركز خدمة عملاء LG في أي وقت وتحط التليفون على الغسالة عشان يتم تواصل بين الجهازين وبالتالي تحديد العطل خلال ثواني وتقديم الحل المناسب‏. ‏
• الغسالة حجمها كبير، وده بيعتبر ميزة وعيب في نفس الوقت لأنها هتخليك تغسل عدد كبير من الأطباق والأكواب والحلل وغيرها لكونها بتستوعب لحد ٣ أرفف جواها.

العيوب

• سعر الغسالة عالي جدًا، وكمان بتحتاج مسحوق خاص بيها وتمنه غالي شوية.
• حجمها كبير جدًا، فممكن متنفعش مع الأماكن الضيقة.

تقييم خدمات ما بعد البيع

• تقدر تتواصل مع خدمة عملاء إل جي بكل سهولة وفي أي وقت من خلال أرقامهم وموقعهم الإلكتروني وكمان فروعهم الموجودة في أماكن كتير في مصر عشان تستفسر منهم عن أي حاجة إنت عايزها، أما بالنسبة لقطع الغيار فهي بتكون متوفرة في السوق دايمًا، لأن تجميع منتجات شركة إل جي بيتم دايمًا في مصر على الرغم من إنها كورية الصنع.

شوف غسالة الأطباق إل جي بالبخار من هنا.

شوف أنواع تانية من غسالات الأطباق من هنا.

لو عايز تعرف إزاي تختار غسالة الأطباق المناسبة ليك شوف المقال ده.

لو جربت غسالة الأطباق ممكن تشاركنا بيها في كومنت.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.