مراجعة شاملة عن ريسيفر بريفكس 8000H1
كتبت: منى عوض
هنتكلم النهارده عن ريسيفر Prifix Mini receiver full HD 8000H1، واحد من أكتر أجهزة الريسيفرات شهرة ومبيعًا على ياقوطة. ومن خلال الريفيو ده هنتعرف على مواصفات ومميزات وعيوب الريسيفر ده، ولو عجبك وعاوز تشتريه تقدر من خلالنا تعرف أحسن الأسعار ليه وتقارن بينهم وكمان تطلبه وهيوصل لغاية عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
المواصفات
| العلامة التجارية | بريفيكس |
| موديل الريسيفر | 8000H1 |
| دقة الصورة | Full HD |
| دعم الاتصال بالإنترنت | يوجد. |
| فتح القنوات المشفرة | لا يوجد. |
| دعم البحث العشوائي عن القنوات | يوجد. |
| مدخل USB | يوجد. |
| مدخل HDMI | يوجد. |
| بلد المنشأ | الصين. |
| الضمان | عام. |
المميزات
- الجهاز حجمه صغير ومش بياخد مساحة كبيرة وكمان مزود بشاشة عرض منفصلة وصغيرة الحجم لعرض أرقام القنوات.
- بيقدم صورة Full HD جودتها بتوصل لحد ١٠٨٠ بكسل.
- مزود بمنفذ HDMI عشان توصله بالتليفزيون وتمتع بصورة فائقة الجودة.
- مزود بمنفذ USB اللي من خلاله هتقدر توصل الريسيفر بفلاشة خارجية أو هارد ديسك عشان تقدر تسجل اللي انت عايزه عليها أو تعرض اللي عليها من أفلام وأغاني وصور.
- منفذ IR اللي بيستخدم لنقل البيانات بين بعض الأجهزة.
- الريسيفر بيتيح للآباء والأمهات مراقبة أطفالهم والتحكم في اللي بيشوفوه من خلال ميزة القفل للرقابة الأبوية.
- بيدعم ميزة البحث العشوائي عن القنوات عشان تقدر تنزّل كل القنوات على الريسيفر بسهولة وكمان تقدر تمسح القنوات دي وتنقلها وتعيد تسميتها كمان.
- الريسيفر بيحتوي على ذاكرة قادرة على تخزين وعرض ما يصل إلى ٥٠٠٠ قناة سواء قنوات تليفزيون أو راديو وكمان قادرة على تشكيل العديد من المجموعات المفضلة للقنوات.
- بيدعم تقنية EPG وهي إمكانية هتخليك قادر إنك تعرف معلومات أكتر عن أحداث الفيلم أو البرنامج اللي معروض على كل قناة وكمان هتعرف جدول البرامج اللى هيتم عرضها على القنوات.
- بيقبل توصيل Wifi Dongle لتشغيل شبكة الإنترنت من خلال التليفزيون.
- بيدعم أكتر من لغة، من بينهم اللغة العربية واللغة الإنجليزية.
- بيدعم فك تشفير أي فيديو متقدم بصيغة JPEG أو MJPEG أو MPEG2 أو MPEG4 أو H.264 HD أو SD، وكمان فك ترميز الصوت MP3، MPEG1/11.
- بيدعم مخرجات L/R و S/PDIF.
- بيدعم معايير التليفزيون PAL وNTSC القياسية.
- بييجي معاه كابل HD.
العيوب
- الشاشة المنفصلة المخصصة لعرض أرقام القنوات ممكن تقع لأنها خفيفة الوزن وصغيرة الحجم.
- التنقل بيتم بشكل بطيء بين القنوات.
- الريسيفر أحيانًا مش بيقدر يشغل بعض إمتدادات الملفات.
- الريسيفر غير قادر على تشغيل صورتين أو بمعنى أصح قناتين في نفس الوقت.
- مش بيدعم خاصية Time Shift اللي بتتيح عملية تسجيل البرامج ومشاهدتها مرة تانية.
- مش بيدعم ميزة فتح القنوات المشفرة.
تجربة المستخدم
- الجهاز بيقدم صورة بجودة عالية جدًا ولكنه بطيء في التغيير بين القنوات إلى حد ما وكمان أحيانًا مش بتقدر تلاقي بعض القنوات في القائمة الخاصة بالقنوات.
- السوفت وير بتاع الجهاز متوسط الجودة يعني هيحتاج إنه يتغير من وقت للتاني علشان الجهاز مايبوظش فجأة وكمان الخامات المصنوع منها الريسيفر جودتها مش عالية بشكل كافي.
الضمان وخدمات ما بعد البيع
- ضمان الريسيفر سنة واحدة بس، وشركة بريفيكس ليها سمعة كويسة في خدمات ما بعد البيع، سواء تركيب مجاني للأجهزة أو حتى صيانة.
ممكن تشوف ريسيفر Prifix Mini receiver full HD 8000H1 من هنا.
ممكن كمان تشوف دليل ياقوطة لاختيار الريسيفر المناسب من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا فى تعليق أو من خلال صفحة Yaoota.com على فيسبوك.
عن كاتب المقال
منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل
ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.