دليل ياقوطة للفرق بين الدفاية الكهرباء، والزيت وأبرز موديلاتهم على ياقوطة
كتبت: منى عوض
الشعور بالدفء هو الأولوية الأهم لأي فرد في البرد القارس اللي احنا فيه ده، وده بيخلي كتير مننا يتجه للاعتماد على الدفايات للهروب من البرد ده، وعملية شراء دفاية محيرة لإن – فعلًا- الأنواع كترت قوي، وكتير مننا كمان بيقارن بين الدفايات الكهربا، ودفايات الزيت. ولغننا في ياقوطة بنهتم بيك وبراحتك هنتعرف على أهم مزايا وعيوب كل نوع وكمان الفروق بينهم، وكمان هنتعرف على أهم الموديلات اللي على ياقوطة. ولو عجبك أي دفاية من اللي هنستعرضها وحبيت تشتريها تقدر تعرف أحسن سعر ليها وتقدر كمان تطلبها من خلالنا وهتوصلك في أسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
الدفايات الزيت
المميزات
- الدفايات الزيت بتشتغل بكفاءة عالية واستهلاك أقل للطاقة لأن الزيت اللي موجود جوه الرادياتير بيسخن وبيؤدي لارتفاع درجة حرارة الجدران المعدنية الخاصة بالدفاية، ومن ثم تدفئة الهواء في الغرفة بسرعة كبيرة وإبقائها دافئة لفترة زمنية طويلة، ده بجانب إن الزيت بمجرد ما بيوصل لدرجة حرارة معينة بيفصل لوحده تلقائيًا.
- الدفايات الزيت بتحافظ على دفء الغرفة لفترة زمنية طويلة حتى بعد إيقاف تشغيل الدفاية.
- الدفايات الزيت مش بتسبب أي ضوضاء على الإطلاق وهي شغالة.
- تأثير دفايات الزيت على البيئة محدود جدًا يعني ماتقلقش من إنها تسبب ضرر على البيئة.
- الزيت الموجود داخل الدفاية بيقدر يشتغل لسنوات طويلة، ولكن خد بالك إنه بيُعتبر مادة سامة من الضروري التخلص منها بشكل صحيح لما تحب تعمل صيانة للدفاية وتغير الزيت بتاعها عشان تشتغل بكفاءة أعلى.
العيوب
- الدفايات الزيت بطيئة جدًا في الوصول لدرجة الحرارة المطلوبة وبطيئة في تدفئة الغرفة وده لأنها بتعتمد على تسخين الزيت السائل قبل انتقال الحرارة للجدران المعدنية ثم إلى الهواء.
- الدفايات الزيت بطيئة أيضًا في انخفاض درجة حرارتها وهو الأمر اللي ممكن يسبب مشاكل لو حابب تنقلها من مكان لآخر أو لو فيه أطفال في المكان ممكن فضولهم ياخدهم لمحاولة لمسها.
- دفايات الزيت مش مناسبة للمساحات الكبيرة يعني مش هتقوم بدورها بفعالية كبيرة عندما يتعلق الأمر بتدفئة الغرف الكبيرة على عكس الغرف الصغيرة هتلاحظ إنها بتدفي المكان بكفاءة عالية.
- دفايات الزيت عادة ما بتكون ثقيلة الوزن وده بيصعب من تحريكها والتنقل بيها من مكان لآخر.
الدفايات الكهرباء
المميزات
- الدفايات الكهربائية بتسخن بسرعة جدًا وبتدفي الجو المحيط بسرعة جدًا.
- الدفايات الكهربائية خفيفة الوزن وفيه منها دفايات محمولة وده معناه أنه من السهل التنقل بيها من مكان لآخر.
العيوب
- رغم التدفئة السريعة اللي بتوفرها، إلا أن الدفايات الكهربائية بتفقد الحرارة الدافئة بمجرد فصل التيار الكهربائي عنها.
- الدفايات الكهربائية مش الأكثر آمانًا، فهي ممكن تسبب حرائق في بعض الأحيان لو تم وضعها جنب مواد قابلة للاشتعال زي الستائر والمفروشات، ده بجانب إنها ممكن تسبب حروق للإنسان إذا تم لمسها.
- كثير من الدفايات الكهربائية بتسبب ضوضاء طول ما هي شغالة وعادة الضوضاء دي بتكون ناتجة عن حاجة السخان الكهربائي إلى العمل باستمرار للحفاظ على الحرارة الدافئة في جميع أنحاء المكان.
- الدفايات الكهربائية بتستهلك كميات كبيرة من الطاقة الكهربائية.
المقارنة بين الدفايات الزيت والدفايات الكهربائية
- الدفايات الزيت بتستهلك كميات أقل من الطاقة مقارنة بنظيرتها الكهربائية.
- الدفايات الزيت بتحافظ على دفء الغرفة لفترة زمنية طويلة، على عكس الدفايات الكهربائية.
- الدفايات الزيت مش بتسبب ضوضاء طول ما هي شغالة على عكس الدفايات الكهربائية.
- الدفايات الزيت آمنة بشكل أكثر على البيئة وعلى الإنسان من الدفايات الكهربائية.
- الدفايات الكهربائية بتشتغل أسرع من دفايات الزيت وبتدفي الجو أسرع كمان.
- دفايات الزيت أثقل وزنًا من الدفايات الكهربائية.
أشهر موديلات الدفايات على ياقوطة
دفاية زيت 9 ريشة من جاك
- الدفاية 9 ريشة وده بيساعد في تدفئة الغرفة بشكل أسرع.
- الدفاية زيت وده معناه أنها صديقة للبيئة وهتوفرلك تدفئة لفترة زمنية أطول حتى بعد إغلاق الدفاية.
- الدفاية مزودة بثلاث مستويات مختلفة لدرجة الحرارة عشان تقدر تختار الأنسب ليك منهم.
- الدفاية بتدعم خاصية الإيقاف التلقائي بمجرد ما توصل لدرجة حرارة معينة وبعدين ترجع تشتغل تاني عند انخفاض درجة حرارة الغرفة، ودي خاصية بتدل على إن الدفاية موفرة للطاقة الكهربائية.
- الدفاية بتفتقر لوجود تايمر لتحديد وقت تشغيلها وقفلها.
- الدفاية مش بتسبب أي ضوضاء على الإطلاق.
- الدفاية مزودة بعجلات لتسهيل تحريكها، ولكنها بتفتقر لوجود مقبض لنقلها بشكل أسهل.
ممكن تشوف دفاية زيت 9 ريشة من جاك من هنا.
دفاية هالوجين 4 شمعات من Kumtel
- الدفاية مزودة بأربع شمعات عشان تسهل من تدفئة الغرفة وتسرع منها.
- الدفاية مزودة بترموستات للتحكم في درجة الحرارة.
- من السهل التنقل بالدفاية من مكان لآخر وكمان من السهل تخزينها.
- الشمع ممكن يسبب مشاكل في التنفس بمرور الوقت.
- الدفاية غير آمنة لأنها ممكن تسبب حرائق لو وضعت بالقرب من المواد سريعة الاشتعال وممكن كمان تلسع أي حد يلمسها طول ما هي شغالة.
ممكن تشوف دفاية هالوجين 4 شمعات من Kumtel من هنا.
دفاية مروحة كهربائية من ميدياتك MT-001
- الدفاية بتوزع درجة الحرارة على الغرفة بشكل فعال جدًا.
- الدفاية مصنوعة من هيكل بلاستيك قوي ومقاوم للحريق.
- الدفاية مزودة بترموستات قابلة للتعديل.
- الدفاية مزودة بخاصية الحماية من الحرارة الزائدة.
- الدفاية بتحتوي على مؤشر ضوئي عشان يوضحلك هي شغالة ولا لأ.
- مزودة بمروحة لسرعة توزيع الهواء في المكان.
شوف دفاية مروحة من ميدياتك كهربائية من هنا.
دفاية كهربائية من هيونداي
- الدفاية بتيجي بـ 2 شعلة.
- الدفاية مزودة بمنظم حراري بيئي T90.
- الدفاية مزودة بترموستات للأمان بتعمل على قطع التيار الكهربائي لو الدفاية وقعت أو اتحركت من مكانها.
- الدفاية مزودة بمؤشر ضوئي لإيضاح ما إذا كانت شغالة ولا لأ.
- الدفاية بتيجي بمحرك قوي قادر على توزيع الهواء الدافئ في جميع أنحاء الغرفة بفعالية وكفاءة عالية.
ممكن تشوف الدفاية الكهربائية من هيونداي من هنا.
عايز تشتري دفاية ومحتار تختار إزاي، يبقى لازم تقرأ مقال بعنوان دليلك لشراء دفاية.
وده بقى دليلك الأمثل لاختيار دفاية الزيت المناسبة.
المقال ده بقى بيقدم قائمة بأهم مواصفات ومعايير اختيار الدفاية.
ممكن كمان تشوف مقال بعنوان نصائح للتغلب على أضرار بعض أجهزة المنزل الكهربائية المهمة.
والمقال ده بيُعتبر الجزء الثاني لمقال نصائح للتغلب على أضرار بعض أجهزة المنزل الكهربائية المهمة.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.