دليل ياقوطة لاختيار سماعات الأذن المثالية
كتب: أحمد هاني
سماعات الأذن بقت منتشرة جدًا في الفترة الأخيرة وبقى عادي علينا إننا نشوفها الصبح مع اللي بيجري وبيمارس رياضة، أو لو كنا في مكان زحمة ومش عارفين نسمع الصوت كويس من الموبايل بنركب سماعات الأذن علشان نسمع الصوت بشكل أوضح.
والسؤال بقى، هل كل موديلات سماعات الأذن نفس النوع، وهل اختلاف الأشكال والأحجام ده بيكون شكل وبس ولا كل حجم وشكل له ميزة مش موجودة في الموديلات والأشكال التانية؟
إحنا في ياقوطة هنساعدك تعرف وتميز بين كل شكل والتاني، وكمان هنقولك أشهر أنواع سماعات الأذن، وتقدر تعرف ميزة وعيب كل نوع فيهم، ومش بس كده لو عجبك موديل فيهم تقدر تعرف أفضل سعر ليه وتطلبه كمان ويوصل لغاية عندك.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
سماعات الأذن ليها أكتر من نوع وموديل، ومن الأنواع دي:
١- سماعات الأذن التقليدية Earbuds headphones
وهي السماعات الأشهر من سنين كتيرة ورغم كده تُعتبر أقل نوع مُستخدَم الفترة دي، بيتميز النوع ده بصغر حجمه وأسعاره المعقولة، وطبعًا له مشاكل زي عدم قدرته على عزل ضوضاء الأماكن العامة وده بيصعب عملية الاستماع للأغاني والمكالمات بجودة كويسة. وحجمها مش بيناسب أذن كل واحد، وكتير مننا ما بيقدرش يثبتها في ودنه لمدة طويلة لإنها كتير بتقع مننا.
٢- سماعات تُثبت داخل الأذن In-ear headphones
وهي السماعات الأكثر شعبية. تتميز بأنها الأصغر حجمًا بين كل الأنواع التانية، ومش بتستحوذ على مكان كبير للتخزين وسهل تشيلها في الجيب. ومش بتحتوي على أجزاء صلبة لإنها عبارة عن سلك بينتهي بقطعتين صغيرتين من السماعات، وده بيخلي وزنها خفيف. وكونها بتدخل بالكامل في الأذن فده بيسهل من وظيفتها في منع الضوضاء والأصوات العالية. وده بيديك فرصة أكبر في إنك تسمع الموسيقى اللي بتحبها بشكل أسهل. ومن مميزاتها كمان إنك تقدر تغير القطع البلاستيكية اللي بتغطى السماعة وتستبدلها بقطعة تانية بأي حجم مناسب ليك. مشكلة النوع ده إنها بتزود من طبقة الشمع في الأذن على المدى الطويل واللي بيعمل مشاكل.
موديلات مختلفة لسماعات تُثبت داخل الأذن
النوع |
المواصفات |
تجربة المستخدم |
Remax 515 |
|
|
Genius GHP-200A |
|
|
Remax RM-610D |
|
|
Skullcandy S2DUDZ-058 JIB Rasta |
|
|
Philips SHE3595BK |
|
|
Wraps natural |
|
|
٣- السماعات الرياضية
كتير مننا بيشتكي من انزلاق السماعات من أذنهم وقت ممارسة الرياضة أو من صعوبة التحكم في اللي بتسمعه من خلال السماعة. لو كنت واحد منهم بنعرفك بسماعات الأذن الرياضية، اللي بتتميز بإنها مثبتة بإحكام لإنها بتكون ملفوفة حوالين الأذن. يعني مش هتحتاج تعدلها كل شوية وكمان بتكون متثبتة بشكل كويس فمش هتقع منك. وبتتميز كمان بمقاومتها للتعرق وده بيطول من عمر استخدامها، ومن مزاياها المهمة جدًا قدرتها الكبيرة على عزل الأصوات المحيطة بيك وبتأثر على استماعك لمكالماتك المهمة أو الموسيقى اللي بتحبها، خصوصًا لو كنت من مدمني ممارسة الرياضة في النادي أو بتحب الجري كل يوم الصبح.
موديلات مختلفة للسماعات الرياضية
النوع |
المواصفات |
تجربة المستخدم |
Avantree Hippocampus Waterproof |
|
|
Remax RM S1 Pro Sporty |
|
|
AUKEY Bluetooth headphones |
|
|
٤- سماعات تثبت على الأذن On-ear headphones
وتعتبر السماعة دي «سماعة رأس»، بتتثبت على الرأس وبتدور حواليها بجزء صلب. أما القطعتين المثبتتين على الأذن (السماعات) فهم متوسطي الحجم ومبطنين بالجلد في الغالب. وتُثبت القطعتان فوق قناة الأذن بس، وما تعتبرش كبيرة بشكل كافي لتغطية الأذن تمامًا. بتتميز بوزنها الخفيف وتعتبر أخف وزنًا من السماعات الـ Over-Ear لكن يُعاب عليها إنها بتتأثر بالضوضاء الخارجية، لأنها مش بتلتف تمامًا حوالين الأذن. وللأسف ممكن تنزلق لو كنت كتير الحركة.
موديلات مختلفة لسماعات تثبت على الأذن
النوع |
المواصفات |
تجربة المستخدم |
Generic On-Ear headphones |
|
|
Skullcandy Uproar Tap Tech |
|
|
Lamborghini On-Ear Headphones with Super Stereo Sound |
|
|
Bose Soundtrue On-Ear Headphone |
|
|
Beats EP On-Ear Headphone |
|
|
Bose Soundlink On-Ear Headphone |
|
|
٥- سماعات تثبت فوق الأذن Over-ear headphones
النوعية دي من سماعات الرأس ما بتختلفش كتير عن الـ On-ear headphone. هي كمان بتتثبت فوق الرأس لتنتهى بقطعتين (السماعات) حول الأذن. ولكن الاختلاف إن قطعتين السماعات هنا أكبر في الحجم وبتغطى الأذن بأكملها. فالأذن لا تظهر من أسفلها. أهم مميزاتها هو عزل ضوضاء الخارج والتمتع بنقاء وجودة صوت متميزة. لكن يُعاب عليها وزنها التقيل والتنقل بيها يُعتبر صعب شوية. وارتفاع أسعارها بيخليها تعتبر من السلع الترفيهية.
موديلات مختلفة لسماعات تثبت لفوق الأذن
النوع |
المواصفات |
تجربة المستخدم |
Sennheiser HD 201 |
|
|
Sennheiser HD 451 Closed Over-Ear Headphone |
|
|
Beats Studio 2.0 Over-Ear Headphones |
|
|
Bose 741158-0010 – SoundLink Around-Ear |
|
|
عرضنالك في المقال ده أبرز أنواع السماعات، ولو عاوز تشوف موديلات أكتر ياقوطة بتوفرلك أكتر من موديل تقدر تختار منهم اللي يناسبك وتعرف أفضل سعر ليه.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.