كتبت: منى عوض

برودة الشتا اللي كلنا حاسين بيها بتخلينا نفكر في حلول وطرق للحفاظ على درجة حرارة معتدلة ودافية للمكان اللي احنا فيه. وواحد من الحلول اللي كتير مننا بيعتمد عليها هي الدفاية. والدفايات أشكال وأنواع متعددة. زي الزيت والكهرباء، وفيه كمان نوع جديد هو الدفايات السيراميك. ودي هتكون موضوع مقالنا النهارده، واللي من خلاله هنتعرف على الدفايات دي واستعراض سريع لأهم أنواعها مع ذكر مواصفاتهم. ولو عجبك منتج منهم وعاوز تشتريه تقدر من خلال ياقوطة تعرف أحسن أسعاره وتقارن بينهم من خلالنا وتطلبها كمان وتوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

إيه هي الدفايات السيراميك؟

تعتبر الدفايات السيراميك واحدة من أنواع الدفايات واللي بتشتغل من خلال ألواح مصنوعة من السيراميك والألومنيوم، مع العلم إن الألمونيوم ده بيسخن بمجرد توصيل التيار الكهربائي، وكمان النوع ده من الدفايات بيحتوي على مروحة صغيرة بداخلها عشان تقدر تدفع الهواء الساخن إلي خارج الدفاية وتوزعه في جميع أنحاء الغرفه وبالتالي تدفئة المكان بالكامل.

وخلينا نوضح إن النوع ده من الدفايات بيُعتبر مناسبة جدًا للاستخدام في الأماكن الصغيره المساحة.

مميزات وعيوب الدفايات السيراميك

المميزات

• الدفايات السيراميك بتعمل على تدفئة المكان بشكل سريع جدًا.
• الدفايات السيراميك عادة بيكون حجمها مناسب وبالتالي بيبقى من السهل التنقل بيها من مكان لآخر.
• الدفايات السيراميك أكثر أمانًا من أنواع الدفايات التانية، اللي ممكن تسبب حرائق أو أضرار على الصحة.
• الدفايات السيراميك مزودة بمروحة صغيرة قادرة على توزيع الهواء الدافئ بكفاءة عالية.
• الدفايات السيراميك مناسبة للأماكن ذات المساحة الصغيرة فقط.
• فيه بعض أنواع دفايات السيراميك بتسمح باستخدام المروحة فقط وفصل العنصر المُصدر للحرارة الدافئة وبالتالي من الممكن استخدام المروحة دي في الصيف.
• فكرة إن الدفايات السيراميك بتبرد بسرعة بمجرد ما تفصل الكهرباء عنها مريحة وعملية جدًا خاصة بالنسبة للعائلات اللي عندها أطفال ممكن يلعبوا في الدفاية أو يقربوا منها.
• الدفايات السيراميك بتتميز بأحجام وأشكال مختلفة ومتنوعة.

العيوب

• الدفايات السيراميك بتستهلك كميات كبيرة الطاقة الكهربائية.
• الدفايات السيراميك بتصدر صوت لأنها بتحتوي على مروحة داخلية.
• الدفايات السيراميك عاملة زي الدفايات اللي بتشتغل بالشمع يعني مش بتقدر تحافظ على مستوى الدفء في الغرفة لفترة طويلة وده طبعًا بيكون بعد ما تفصل عنها الكهرباء.
• عادة بيكون من الصعب استخدام الدفايات السيراميك في الأماكن اللي مساحتها كبيرة.
• عادة بيكون من الصعب تنظيف الأجزاء الداخلية للدفايات السيراميك وبالتالي من الضروري الحفاظ عليها بعيدًا عن الغبار وأي حاجة ممكن تضرها.

دليل اختيار الدفاية السيراميك

المساحة

مهم نعرف إن الدفايات السيراميك مناسبة للمساحات الصغيرة. وبالتالي إذا كان الشرط ده متوفر عندك يبقى اختار الدفاية المناسبة ليك على طول، ده بجانب إن فكرة تحديد مساحة المكان اللي هستخدم فيه الدفاية بتساعد بشكل كبير في تحديد مقدار الطاقة اللي هحتاجها من الدفاية، فكلما زادت مساحة الغرفة كلما زادت الحاجة لمزيد من الطاقة.

المؤقت

يفضل اختيار دفاية عملية مزودة بمؤقت زمني يساعدك في تحديد وقت تشغيل الدفاية وتفصل بعد قد إيه وهكذا ومن الممكن استخدام التقنية دي وإنت نايم عشان تحس بأمان أكبر.

عوامل السلامة والأمان

الدفايات السيراميك معروفة بكونها أكثر الدفايات أمانًا لأنها مش بتسبب حرائق ولا بتسبب حروق جلدية لأي شخص يقرب منها ولا بتسبب كمان أضرار على الصحة، بس يفضل دايمًا التأكد من أنها بتحتوي على عامل سلامة مهم جدًا يعني زي زيادة احتياط والعامل ده هو إنها تكون بتفصل لما تقع أو توصل لدرجة حرارة معينة.

مميزات إضافية

المميزات دي ممكن تكون شاشة LED عشان توفرلك إمكانية التحكم في الدفاية بشكل أكبر وممكن تكون ريموت كنتيرول للسهولة التحكم فيها عن بعد وممكن تكون سلك طويل عشان توفرلك مرونة أكبر وفيه أنظمة توفير الطاقة وهكذا.

السعر

مهم تحدد ميزانيتك قد إيه عشان تعرف هتختار أنهي نوع من أنواع الدفايات السيراميك خصوصًا أن السوق مليان أشكال وألوان.

أشهر موديلات الدفايات السيراميك على ياقوطة

دفاية سيراميك من تورنيدو TPH-2000W

• الدفاية شكلها شيك جدًا وبتناسب أي ديكور عصري.
• الدفاية عملية جدًا وبتغطي مساحة تصل إلى 16 متر.
• الدفاية بتيجي بقدرة 2000 وات عشان توفرلك كفاءة تشغيل أعلى.
• الدفاية بتسمح بإمكانية التحكم في درجة الحرارة من خلال أربع مستويات مختلفة.
• الدفاية مزودة بشاشة LED رقمية تعمل باللمس ومزودة كمان بريموت كنترول.
• الدفاية بتوفر إمكانية التحكم فى الحركة الترددية للهواء لتوزيعه داخل الغرفة.
• الدفاية بتفصل تلقائيًا بمجرد ما توصل لدرجة حرارة معينة وكمان بتفصل بمجرد ما تقع أو تميل.
• الدفاية فيها فلتر داخلي لتنقية الهواء من الأتربة.
• الدفاية بتدعم نظام توفير الطاقة ECO.
• الدفاية مزودة مؤقت زمني لحد 24 ساعة.
• الدفاية مزودة بسلك طوله 1.5 متر.
• الدفاية فيها إيد عشان تسهل من حملها والتنقل بيها من مكان لآخر.

ممكن تشوف دفاية سيراميك من تورنيدو TPH-2000W من هنا.

دفاية هواء سيراميك موديكس PTC 5300

• الدفاية شيك جدًا وممكن تناسب أي ديكور عصري.
• الدفاية بتيجي بقدرة 2200 وات لتوفير تدفئة لمساحة أكبر وبكفاءة أعلى.
• الدفاية بتفصل تلقائيًا بمجرد ما توصل لدرجة حرارة معينة أو بمجرد ما تقع.
• الدفاية مزودة بشاشة ديجيتال وفيها زراير لسهولة التحكم فيها وفي درجة الحرارة وهكذا.
• الدفاية مزودة بريموت كنترول للتحكم فيها عن بعد.
• الدفاية فيها مؤقت زمني لحد 24 ساعة.
• الدفاية فيها فلتر داخلي لتنقية الهواء من الأتربة.
• الدفاية مزودة بقاعدة عشان توفرلها ثبات أكبر وبالتالي درجة أمان أعلى، وكمان فيها إيد لسهولة حملها ونقلها.

ممكن تشوف دفاية هواء سيراميك موديكس PTC 5300 من هنا.

دفاية سيراميك من مارتل Ma004

• الدفاية آمنة تمامًا عند الاستخدام لأنها بتفصل بمجرد ما توصل لدرجة حرارة معينة وبتفصل كمان لو وقعت أو اتخبطت.
• الدفاية بتيجي بقدرة 1500 وات.
• الدفاية مزودة بنظامين لدرجة الحرارة للاختيار بينهما.
• الدفاية مش بتسبب أي إزعاج طول ما هي شغالة.
• سعرها اقتصادي ومناسب جدًا لكتير من الناس.

ممكن تشوف دفاية سيراميك من مارتل Ma004 من هنا.

المقال ده بقى بيُعتبر دليلك الشامل لشراء الدفاية.

أما المقال ده بقى فهو عبارة عن دليلك الأمثل لاختيار دفاية الزيت المناسبة.

أما ده فهتلاقي أنه بيقدم قائمة بأهم معايير اختيار الدفاية.

المقال ده بيحتوي على شوية نصائح للتعامل مع الدفاية والسخان في الشتاء.

المقال ده بيقدملك أهم النصائح اللازمة للتغلب على أضرار بعض أجهزة المنزل الكهربائية المهمة.

أما المقال ده فهو الجزء الثاني من أهم النصائح للتغلب على أضرار بعض أجهزة المنزل الكهربائية المهمة.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.