كتبت: منى عوض

ناس كتير بتحب تعمل أكلها بنفسها في البيت عشان تضمن إنه آمن تمامًا على الصحة وتضمن طعمه اللذيذ وتوفر في الفلوس كمان، عشان كده ظهرت اختراعات كتير ومنها آلة صنع الوافل واحدة من الاختراعات دي.

وعشان ياقوطة بتواكب التطور التكنولوجي دايمًا،  هتقدملكم دليل اختيار ماكينة صنع الوافل، عشان تقدروا تحصلوا في النهاية على المنتج الأفضل واللي يكون متوافق تمامًا مع توقعاتكم.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

تعريف الوافل وآلة صنع الوافل

خلينا نوضح في الأول إن الوافل ده حلوى من الحلويات الغربية المشهورة فهو مجرد كعكة أو بسكويت واخد شكل شبكة مميزة، ومن الممكن تناوله في الوقت اللي إنت عايزه، خاصة في وجبة الإفطار، وبالشكل أو بالإضافات اللي إنت عايزها بمعنى إن فيه ناس بتحب تضيف فوقه مربى أو عسل وفيه ناس بتحب الوافل المحشي بالكريمة أو المربى أو أي نوع حشوة في العموم وغيرهم.

عملية صنع الوافل ممكن تتم بشكل يدوي في البيت عادي جدًا وفيه ناس تانية بتحب تستخدم آلة صنع الوافل لأنها بتسهل صنع الوافل وبتضمن إنه يكون شهي وصحي ومصنوع بشكل جيد.

معايير اختيار آلة صنع الوافل

سُمك الوافل

سُمك الوافل هيفرق كتير جدًا عند اختيار آلة صنع الوافل ده لأن فيه آلات بتصنع الوافل رفيع غير قابل للحشو وفيه آلات تانية بتصنع وافل سميك ممكن تحط فيها حشوة من الفواكة أو المربى أو الكريمة أو أي حاجة تحبها.

حجم الوافل

حجم الوافل هيفرق كمان في اختيار آلة صنع الوافل ده لأن فيه آلات كبيرة الحجم ممكن تصنع وافل كبير أو تسمحلك بصنع أكتر من شطيرة وافل في نفس الوقت وفيه آلات صغيرة هتخليك تعمل وافل بحجم صغير.

شكل الوافل

آلات صنع الوافل أشكال وألوان والاختلاف هنا بيكمن في شكل الوافل يعني بتحبه على شكل دائرة ولا مربع ولا على شكل قلب وغيرهم.

وخلينا نوضح كمان إن في الوقت اللي هتلاقي فيه آلات بتقدم وافل بشكل وحجم محدد هتلاقي آلات تانية بتقدم وافل بأحجام مختلفة عشان يناسب كل الأذواق.

طريقة التشغيل

من الضروري تحديد الطريقة اللي عايز آلة الوافل تشتغل بيها يعني من خلال الكهرباء ولا عايز ممكن تستخدمها على النار، بس لازم تبقى عارف إن آلات صنع الوافل على النار بتفقد كتير من المميزات اللي بتتمتع بيها الآلات الكهربائية زي إطلاق صافرة إنذار أو التنبيه بمجرد ما تصبح الوافل جاهزة أو التحكم في الحرارة زي ماإأنت عايز وتوزيع الحرارة بشكل متساوي على كافة أجزاء الوافل وهكذا.

سطح آلة صنع الوافل

وإنت بتختار آلة صنع الوافل المناسبة من الضروري تعرف إن سطحها لازم يكون مغطى بمواد مانعة للالتصاق عشان تقدر تحصل على شطيرة وافل سليمة مش أجزاء صغيرة من الوافل باظت نتيجة أنها لزقت في سطح الآلة.

التنظيف

أكيد محدش فينا عايز يشتري حاجة ويتعب في تنظيفها، عشان كده لازم تعرف إن تنظيف آلالات الوافل المزودة بسطح مانع للالتصاق أسهل بكتير من نظيرتها اللي بتفتقر للسطح ده، لأن في كلا الحالتين الآلة دي هتنظف من خلال فوطة مبلولة بشوية ماية وتمسحها بشكل كويس وممكن كمان تستخدام أعواد تنظيف الأذن في تنظيف الأماكن الضيقة أو اللي من الصعب الوصول إليها.

ولازم تعرف كمان إن بعض أنواع آلات صنع الوافل بتكون مزودة بشبكة قابلة للإزالة والشبكة دي بقى سهلة جدًا في تنظيفها لأنك ممكن تغسلها تحت المياه وممكن تنظفها في غسالة الأطباق.

لازم تاخد بالك كمان إن كل آلة ليها إرشادات استخدام وتنظيف خاصة بيها عشان كدا لازم تحرص على قراءة الإرشادات دي.

مميزات إضافية

من الضروري يكون مقبض آلة صنع الوافل عازل للحرارة، وكمان لازم تحدد أن كنت محتاج جهاز إنذار ينبهك بانتهاء صنع الوافل ولا لأ أو آلة وافل بتفصل بمجرد الانتهاء من طهي الوافل.

ولازم تاخد بالك كمان من وجود مؤشرين ضوئيين يعملان أثناء عمل أو توقف آلة صنع الوافل.

شوف ماكينات صنع الوافل من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.