كتبت: منى عوض

السجاد والستائر من أكثر الديكورات أهمية في أي بيت عصري، بس على قد الأهمية دي على قد ما هتلاقي إنهم بيجمعوا أتربة وأوساخ بشكل سريع جدًا وبالتالي ده ممكن يحولهم إلى بيئة خصبة للحشرات والميكروبات والبكتيريا.

وعشان ياقوطة يهمها دايمًا راحة وصحة متابعينها، هنتكلم النهارده شوية نصائح للعناية بالسجاد والستائر، وكمان هتقدم أهم أدوات التنظيف اللي ممكن استخدامها في العناية وتنظيف السجاد والستائر، ولو عجبك أي حاجة من اللي هنستعرضها في مقال النهاردة وحبيت تشتريها تقدر تعرف أحسن سعر ليها وتقدر كمان تطلبها من خلالنا وهتوصلك في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

نصائح للعناية بالسجاد والستائر

السجاد

• يفضل استخدام المكنسة الكهربائية من مرة إلى مرتين يوميًا في تنظيف وشفط الأتربة وأي أوساخ أخرى من سجاد المنزل كله، خاصة غرف الأطفال والمعيشة لأن السجاد بتاعهم عادة بيكون أكثر عرضة للاتساخ، وده كمان عشان تضمن النظافة التامة للسجاد بشكل مستمر.
• يفضل تجنب غسل السجاد بشكل متكرر عشان تضمن إنه يعيش لفترة زمنية أطول، يعني لما نغسله مرتين في السنة باستخدام فرشاة تنظيف ناعمة ومساحيق مناسبة.
• حاول بقدر الإمكان منع أي فرد من السير أو وضع الأحذية المتسخة على السجاد عشان تقدر تحافظ على نظافة السجاد وعمرها الافتراضي لأطول وقت ممكن.
• يفضل إزالة أي بقع تقع أو تظهر على السجاد على الفور وعدم تأجيلها على الإطلاق عشان ماتسيبش علامة أو إزالتها تبقى أصعب.
• حاول دايمًا تجنب استخدام الفرشاه الخشنة في تنظيف السجاد عشان السجادة ماتتلفش بسرعة أو لونها يبهت بسرعة.
• حاول تنفض السجاد من الظهر باستحدام أداة خاصة للتنفيض مع تركه تحت أشعة الشمس لمدة ساعتين بشكل منتظم عشان تضمن إن السجاد خالي تمامًا من أي جراثيم أو ميكروبات عالقة فيه ده غير أن أشعة الشمس بتساعد في استعادة السجاد لبريقه.
• من الضروري تهوية السجاد بشكل يومي وده ممكن يتم من خلال فتح النوافذ المنزلية يوميًا لبعض الوقت.
• لو كان فيه أي روائح كريهة في السجاد هتلاقي إن الحل الأمثل في الحالة دي هو رش شوية بيكربونات الصوديوم على السجاد وتركه لمدة نصف ساعة وبعدين استخدم المكنسة الكهربائية في إزالة البيكربونات.
• حافظ على السجاد بقدر الإمكان بعيدا عن أي رطوبة أو ماء لأن العاملين دول بيتسببوا في تغير لون السجاد وكمان ظهور روائح كريهة منه لفترات طويلة وممكن الروائح دي ماتختفيش مع إضافة المعطرات أو غسل السجاد.
• لو هتشيل السجاد، يعني هتخزنه لفترة من الوقت، يفضل إنك تلفه بشكل أسطواني وبعدين تربطه بشرائط من الأطراف والوسط ومتحاولش بأي شكل من الأشكال أنك تطبقه عشان مايتكسرش أو تظهر عليه علامات طي.

الستائر

• يفضل تنظيف الستائر بشكل دورى من خلال نفضها بشكل خفيف وهي متعلقة أو استخدام الفرشاه الخاصة بتنظيف الستائر اللي بتيجي مع أدوات المكنسة الكهربائية أسبوعيًا فالخطوات دي بتخلص الستائر من الأتربة العالقة في ثنايها، بس خد بالك لازم الستائر تكون متثبتة بشكل كويس جدًا في الحائط عشان ماتقعش عليك.
• يفضل عدم غسل الستائر على فترات متقاربة عشان ماتفقدش جمالها ورونقها وعشان لونها مايبهاتش، وبالتالي يفضل غسلها من مرتين إلى ثلاث مرات سنويًا.
• يفضل تنظيف النوافذ أو الأبواب اللي الستائر بتغطيها بشكل دوري من خلال قطعة قماش مبللة بالماء والصابون، وده عشان الأتربة والغبار ماينتقلوش منها إلى الستائر.
• يفضل عدم التدخين في الغرف اللي الستائر موجودة فيها وده لأن الستائر بتمتص أي روائح أو دخان بشكل سريع والروائح دي بتفضل عالقة في الستائر لغاية ما يتم غسلها.
• التنظيف بالبخار هو الخيار الأمثل والأنسب لتنظيف الستائر لأنك هتضمن أنها مش هتفقد بريقها ولا مظهرها الجمالي ولا لونها هيبهت.
• برنامج الغسيل أو مدة الغسيل أو نوع المساحيق اللي بتستخدمها في تنظيف الستائر بيتوقف كله على نوع القماش اللي مصنوع منه الستائر.

أهم أدوات تنظيف السجاد والستائر على ياقوطة

منظف الستائر والمفروشات بدون رغوة من ماي واي

المنظف ده بيجي بسعة 700 مل عشان تقدر تستخدمه لفترات طويلة في تنظيف الستائر والمفروشات، بس الأهم من كده إنه آمن تمامًا على المفروشات ومش هيخلي ألوانها تبهت ولا مظهرها الجمالي يضيع.

ممكن تشوف منظف الستائر والمفروشات بدون رغوة من ماي واي من هنا.

منظف جينيريك للبقع

منظف جينيريك بيعمل على إزالة كافة أنواع البقع خاصة الدهنية من السجاد والستائر والأقمشة وده بيتم بشكل سريع جدًا.

ممكن تشوف منظف جينيريك للبقع من هنا.

منظف سائل للسجاد والمفروشات من فاست

منظف فاست مناسب وآمن جدًا للاستخدام مع البقع الموجودة على السجاد والمفروشات والأرضيات.

ممكن تشوف منظف سائل للسجاد والمفروشات من فاست من هنا.

شامبو ومعطر سجاد وملمع خشب بخاخ من Opal

شامبو ومعطر السجاد بيجي بحجم 550 مللي وبيعمل على إزالة أي أوساخ من السجاد وبيحافظ على المظهر الجمالي ليه وكمان بيضفي عليه روائح عطرية رائعة لساعات طويلة.

وبالنسبة لملع الأثاث الخشبي فهو بيجي بحجم 500 مللي وبيُستخدم في تلميع الأثاث الخشبي بأكمله يعني زي غرف النوم والسفرة وكمان الأرضيات الخشبية والباركيه، ده غير أنه بيعمل على إزالة الأتربة والأوساخ من الخشب بكل سهولة وسرعة.

ممكن تشوف شامبو ومعطر سجاد وملمع خشب بخاخ من Opal من هنا.

تنظيف السجاد والستائر مش هيكمل غير بمكنسة كهربائية مميزة، عشان كدا ياقوطة قدمتلكم في المقال ده دليل شراء المكنسة الكهربائية.

ممكن كمان تشوف دليل ياقوطة لشراء سجادة اليوجا المثالية.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.