مواصفات ومزايا ثلاجة كريازي توب ماونت ١٤ قدم
كتبت: أمنية عزمي
بتتميز ثلاجة كريازي بتصميمها الأنيق ومساحتها الواسعة ١٤ قدم واللي التصميم الداخلي فيها بيمنحك حيز كبير ومرونة في تعديل الحيز دا بما يتوافق مع احتياجاتك، وفريزر علوي بمساحة كبيرة هتقدر تستغلها كلها لأنه نوفروست وبالتالي مفيش تكوينات تلج هتاخد من مساحة الفريزر، بالإضافة لقدرته الهائلة على التجميد واللي بيخلي الأطعمة المحفوظة فيه دايما طازجة.
تعالوا مع ياقوطة نتكلم بشكل مفصل أكتر عن الثلاجة كريازي KH335NV/2- توب ماونت ١٤ قدم فضي ونتعرف على أهم مواصفاتها ومميزاتها وعيوبها ورأي المستخدمين فيها علشان نساعدك تكون فكرة كاملة عنها، ولو عجبتك وحبيت تشتريها هتلاقي عندنا أحسن الأسعار ليها وتقدر تقارن بينهم بنفسك وتقدر كمان تطلبها من خلالنا وهتوصلك لغاية عندك في أقرب وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
المواصفات
| الكود التعريفي للمنتج | KI693HL0Q3F4WNAFAMZ |
| السعة اللترية | ٣٣٥ لتر. |
| اللون | فضي ميتالك. |
| خامة الصنع | معدن. |
| مدة الضمان | ٥ سنوات. |
| أبعاد المنتج | ٦٦ × ٦٦٫٥ × ١٦٨٫٤ سم. |
| الموديل | KH335NV/2 |
المميزات
- تعمل بتقنية نوفروست اللي بيدوب التلج بشكل أتوماتيكي وبيوفر عليك مجهود كبير.
- تقنية النوفروست فيها بتحافظ على البرودة المطلوبة وبترجعها أسرع بنسبة ٤٠٪ علشان تحافظ على مستوى التبريد وعلى الأغذية طازجة بشكل دائم.
- حجمها ١٤ والحجم ده من الفئات اللي عليها طلب عالي، بالإضافة لأن سعتها اللترية ٣٣٥ لتر للتلاجة و ٨٣ لتر للفريزر.
- مصنفة من الفئة A اللي معروفة بقوة موتورها وسرعة تبريدها، وكمان توفيرها للطاقة.
- الأرفف الداخلية للتلاجة مصنعة من الكريستال الغير قابل للكسر واللي بيتحمل الأوزان وقابل لتعديل مكانه بالشكل اللي يتناسب مع الأحجام المختلفة.
- مزودة بمواد عازلة بتمنع تسريب البرودة وبتحافظ على الحرارة الداخلية وبالتالي بتقلل من استهلاكها للكهرباء.
- مزودة ببابين وتصميم المقابض فيهم مريح ولونها الفضي الميتالك بيخليها قطعة أثاث أنيقة بتضيف جمال لأي مكان تكون فيه.
- فيها إضاءة داخلية بتنور التلاجة بالكامل علشان تمنحك رؤية أوضح.
- لها قدرة على تحمل العمل في درجات الحرارة المختلفة والتأقلم عليها.
- كريازي بتعتمد في تصنيعها لجميع منتجاتها على نظام لمعالجة الصدأ اللي بيحافظ على التلاجة من أي عوامل رطوبة أو تعرض للمياه.
- تعمل بنظام تنقية الهواء من البكتيريا والروائح الغير مستحبة وبالتالي بتحافظ على كل ما بداخلها طازج وصحي لأطول فترة.
- تقسيمتها من الداخل مريحة وفيها أرفف في الباب بمساحات مختلفة لزجاجات المية والعصائر ومكان للبيض ودرج للزبدة غير أدراج الخصار والفاكهة الشفافة اللي بتقدر تكشف المحتويات جواهات بسهولة.
- مزودة بوحدتين داخليتين لصناعة مكعبات الثلج.
- ضمانها ٥ سنوات.
العيوب
- مش بتحتوي على شاشة ديجيتال.
- تقنية النوفروست بتستهلك الكهرباء بشكل عالي.
- ليها أعطال كتير بسبب سوء الاستخدام وفي حالة انقطاع التيار الكهربائي ورجوعه.
خدمة العملاء
- قطع الغيار متوفرة بالضمان.
- في بعض الشكاوى من المستخدمين بأن الخدمة مش بالمستوى المطلوب.
تجربة المستخدم
- ناس كتير اشتكت إنها بعد فترة بتسقط مية من جوة وكان الرد من الصيانة إن أي شيء في التلاجة أو الفريزر لازم يكون معلب ومحكم الغلق لأن اللي بيحصل إن بينزل بقايا أكل ويسد المواسير وبالتالي بتنزل مية.
- فيه شكاوى متعددة من مستوى المعاملة من خدمة العملاء وإنها دون المستوى.
شوف ثلاجة كريازي KH335NV/2- توب ماونت ١٤ قدم فضي ميتالك من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال