كتب: محمد عبد الرحمن

بمبيعات أكتر من ٣١ مليون موبايل في سنة ٢٠١٧، قدرت شركة أوبو إنها توصل للمركز الرابع عالميًا، وأثبتت نفسها واحدة من أجدد وأكتر الشركات انتشارًا في العالم.

هنتكلم النهارده على موبايل Oppo A71، واللي يُعتبر أول موبايل أنتجته Oppo بأحدث نظام تشغيل أندرويد نوجا. ومن خلال ياقوطة هنتعرف على مميزات وعيوب الموبايل، وتقدر كمان تعرف أحسن الأسعار للموبايل من خلالنا، وتقدر تطلبه كمان ويوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

مواصفات موبايل Infinix Note 4 Pro

*ممكن تشوف مواصفات الموبايلات بالتفصيل من mobihub من هنا.

موقع mobihub هو موقع مصري بيعرض عليك تشكيلة كبيرة من الموبايلات لأكبر وأشهر الشركات في مصر والعالم وتقدر تعرف من خلاله مختلف أنواع الموبايلات وإمكانياتها ومميزاتها وعيوبها وكمان أسعارها وتقدر تقارن بين أسعار الموبايلات من عليه.

وصف الموبايل

• تصميم الموبايل من البلاستيك.
• الجهة اليمنى للموبايل هنلاقي زرار الباور، ومنفذين للشريحة والميموري الخارجي.
• الجهة الشمال للموبايل موجود فيها زراير التحكم في الصوت.
• الجهة العليا للموبايل هنلاقي منفذ لسماعات الأذن.
• الجهة السفلية للموبايل هنلاقي ميكروفون المكالمات، ومنفذ الشحن، وسماعة الموبايل الخارجية.
• شاشة الموبايل فيها كاميرا سيلفي، وفيه لمبة إشعارات Led.

الشاشة

المزايا

• شاشة الموبايل بتيجي بحجم ٥٫٢ بوصة، ودقة وضوح ١٢٨٠×٧٢٠ بكسل.
• الشاشة بتدعم اللمس المتعدد.

العيوب

• كثافة بكسلات الشاشة قليلة شوية ٢٨٢ بكسل.
• الشاشة مش مزودة بطبقة حماية ضد الكسر أو الشرخ.

تجربة المستخدم

• حجم شاشة الموبايل مقبول لمشاهدة الصور والأفلام.
• رغم إن كثافة بكسلات الشاشة تعتبر قليلة، فالمستخدم مش هيلاحظ ده والصور هتتعرض على الشاشة بشكل مريح للعين، وإن كانت الجودة والنقاء ده هيقل شوية في الإضاءة الخارجية وأشعة الشمس.
• أزرار التحكم في الموبايل موجودة أسفل الشاشة، لكنها للأسف مش مضيئة.
• بييجي مع الموبايل اسكرينة عادية لحماية الشاشة، وبييجي كمان كوفر خالفي شفاف لحماية الموبايل من الصدمات وبصمات الأصابع لإن جسم الموبايل الخلفي بيلقط البصمات بشكل واضح.
• لمبة إشعارات الموبايل بتنوّر بلون واحد، هو الأبيض بس ومفيش ألوان تانية للتمييز بين الإشعارات المختلفة.

الأداء

المزايا

• الموبايل بييجي ببروسيسور ثماني النواة Mediatek MT6750، ورام داخلي بسعة ٣ جيجابايت، وتقدر تشغل على الموبايل شريحتين اتصال وميموري خارجي في نفس الوقت.
• الموبايل بييجي بنسخة أندرويد نوجا وجيروسكوب، وكمان بيدعم تشغيل شبكات الجيل الرابع 4G، والبوصلة.
• الموبايل بيدعم توصيل فلاشة خارجية OTG.

العيوب

• صغر مساحة الميموري الداخلي للموبايل ١٦ جيجابايت.
• الموبايل مش مزود بمستشعر بصمة الإصبع.

تجربة المستخدم

• واجهة Oppo المستخدمة خفيفة والتنقل من خلالها بين البرامج والتطبيقات بيتم بصورة سلسة.
• للأسف Oppo عملت شريط التحكم في إعدادات الموبايل من تحكم بالواي فاي والبلوتوث وتفعيل شبكة الـ 4G، وغيرها من الوظايف عن طريق السحب من تحت الشاشة لأعلاها، وكتير من المستخدمين اشتكوا من الطريقة دي لإنهم مش متعودين عليها في الموبايلات اللي بتشتغل بنظام الأندرويد.
• الموبايل بييجي بسماعة وحيدة تحت الشاشة ناحية اليمين ودي ميزة حلوة لإنه من الصعب كتمه عند ممارسة الأبعاب المختلفة، والجهة المقابلة ليها شكل سماعات فاضي للحفاظ على الشكل الجمالي للموبايل.
• ميزة حلوة وبتدي إحساس للتميز لكل محبي Oppo وهي إن الشركة أضافت تقنية Oppo Share واللي بتسمح بنقل سريع للملفات بين موبايلات Oppo المختلفة.
• كمان الموبايل تقدر من خلاله تعمل نسختين من برامج واتساب.
• تقدر تقسم شاشة الموبايل بالعرض علشان تشغل برنامجين مختلفين.
• واحدة من نقط ضعف الموبايل هي الميموري الداخلي، واللي بتكون بسعة ١٦ جيجابايت بس وبيتبقى للمستخدم منهم ٩ جيجابايت بس، والوحش إن المستخدم مش هيقدر ينقل البرامج على الميموري الخارجي واللي بتكون بسعة ٢٥٦ جيجابايت.
• رغم إن الموبايل مش مزود بمستشعر بصمة، فأوبو وعن طريق الإعدادات بتاعة الموبايل بتدي ميزة حماية بعض الملفات المختلفة.
• أداء الموبايل عمومًا متوسط، والتنقل بين البرامج بيكون سريع وخفيف.
• صوت المكالمات للموبايل قوي ومميز، وده لإن الشريحتين بيدعموا الاتصال بالجيلين التالت والرابع، مش التاني.

الكاميرا

المزايا

• الموبايل بييجي بكاميرا خلفية بدقة ١٣ ميجابكسل وفتحة عدسة F2.0، وفلاش Led.
• الكاميرا بتصور فيديوهات بدقة ١٠٨٠ بكسل.

العيوب

• الكاميرا السيلفي للموبايل بتيجي بدقة ٥ ميجابكسل، وفتحة عدسة F2.4، وللأسف مش مزودة بفلاش.

تجربة المستخدم

• دقة وألوان الصورة مقبولة في الإضاءة العالية، لكن بيكون فيها Noise واضح، واللي بيزيد بطبيعة الحال في الإضاءة المنخفضة.
• الكاميرا السيلفي للموبايل صورها بتقضي الغرض بتاعها لكن في الإضاءة المنخفضة الصور بتكون مش واضحة بشكل كافي.

البطارية

المزايا

• بطارية الموبايل بتيجي بقوة ٣٠٠٠ مللي أمبير.

العيوب

• البطارية غير قابلة للإزالة.
• البطارية مش بتدعم الشحن السريع.

تجربة المستخدم

• بطارية الموبايل بتتشحن شحنة كاملة في ٣ ساعات تقريبًا، ودي مدة طويلة شوية.
• البطارية بتكفي مع المستخدم لغاية يوم كامل.

شوف موبايل Oppo A71 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.