كتبت: ميّ نور

معظم الناس دلوقتي بقت بتتجه لشراء اللاب توب بدلًا من أجهزة الكمبيوتر، ده لأن أجهزة اللاب توب دلوقتي بقت عملية أكتر، ونقدر ننقلها معانا لأي مكان، وبتسعفنا في أي وقت بره البيت، كمان اللاب توب دلوقتي يعتبر من الأجهزة اللي مفيش غنى عنها في أي بيت أي أو أي مكتب.

ونظرًا لانتشار موديلات اللاب توب المختلفة في الأسواق، واللي بيخلي المشتري محتار ومش عارف يقرر الموديل المناسب لاحتياجاته، قررنا النهارده في ياقوطة نقدملكم واحد من أشهر أجهزة اللاب توب في الأسواق، وهو لاب توب Dell Inspiron 15-5570 الـ ٤ جيجا رام، وهنستعرض أهم مواصفاته ومميزاته وعيوبه، ولو عجبك الموديل ده وعاوز تشتريه تقدر من خلالنا تعرف أحسن الأسعار ليه وتقارن بينهم وممكن كمان تطلبه وهيوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• موديل اللاب توب:  5570‎-i5‎-4‎-1t‎-v2‎-fhd‎-ubuntu.
• معالج اللاب توب من نوع Intel ومن فئة i5‎-8250U (الجيل الثامن)
• سرعة المعالج: ١٫٦٠ جيجاهرتز.
• نوع نظام التشغيل المُثبت: أوبونتو.
• كارت الشاشة AMD Radeon 530 عالي الدقة، بمساحة تخزينية ٢ جيجابايت.
• اللاب توب بيدعم رامات تصل إلى ٤ جيجابايت.
• الهارد ديسك الخاص باللاب توب من نوع SATA مساحته بتوصل لحد ١ تيرابايت، أو بالتحديد ١٠٢٤ جيجابايت.
• شاشة LED‎-Backlit بوضوح Truelife و Full HD حجمها ١٥٫٦ بوصة بدقة ١٩٢٠ × ١٠٨٠ بكسل.
• أبعاد الجهاز ٣٨٠ × ٢٥٨ × ٢٢٫٧ ملم، ووزنه حوالي ٢٫٢ كيلوجرام.
• الجهاز بيتصل بالإنترنت من خلال شبكات الواي فاي بمعيار الجيل الثاني المتطور 802.11ac، وبيتصل بالأجهزة الثانية من
• خلال البلوتوث من إصدار 4.1.
• الجهاز بيجي مع منفذين USB 3.0، و USB 3.1 من نوع A، بالإضافة لمنفذ تالت USB 2.0.
• الجهاز بيدعم منفذ واحد HDMI لتوصيل اللاب توب بشاشات التليفزيون.
• كمان بيجي مع منفذ قارئ لأي كارت ميموري خارجي من أنواع SD‎ أو ‎ SDHCأو ‎ SDXC، ومنفذ لتوصيل سماعات الرأس الخارجية أو الميكروفون الخارجي بقطر 3.5 ملم.
• بيدعم منفذ لتوصيل سلك الإنترنت.
• اللاب توب فيه قارئ للاسطوانات من نوع CD و DVD.
• السماعات: اللاب توب بيدعم سماعتين سبيكر Waves MaxxAudio® Pro.
• الكاميرا: اللاب توب بيجي مع كاميرا ويب أمامية HD بجودة ٧٢٠ بكسل.
• اللاب توب بيدعم ميكروفون مزدوج.
• لوحة المفاتيح: حجم كامل ، مقاومة للميّه، وبيدعم ١٠ مفاتيح للأرقام.
• لوحة اللمس: Touchpad بتيجي مع خاصية اللمس Multi-Touch المتعدد والتمرير الكامل.
• بطارية اللاب توب مكونة من ٣ خلايا.
• بلد الصناعة: الصين.
• مدة الضمان: سنة واحدة.

المميزات

• معالج اللاب توب متميز وقوي وبيقدم أداء عالي في مختلف المهام.
• كارت الشاشة كويس جدًا وعالي الجودة، وبيسمح للمستخدم إتمام كتير من المهام العبة، وكمان مناسب لتشغيل الألعاب الإلكترونية، خصوصًا الألعاب التقيلة والحديثة اللي بتحتاج جرافيك عالي.
• حجم الشاشة كبير ومناسب جدًا لو انت بتحب تتفرج على أفلام أو بتحب تلعب ألعاب كتير ومحتاج شاشة كبيرة ومريحة لعينيك. وكمان نوعها وجودتها ودرجة سطوعها عاليين، وتقدر تقلل درجات السطوع خالص عشان تكون مناسبة للاستخدام قبل النوم و في الإضاءات المنخفضة.
• بطارية الجهاز قوية جدًا ومكونة من ٣ خلايا وبتستمر فترة طويلة مع الاستخدام.
• الجهاز بيدعم مجموعة كبيرة من المنافذ المختلفة اللي بتقبل توصيل اللاب توب بأجهزة مختلفة زي منفذ الـ USB والسماعات ومنفذ الميموري و الـ HDMI.
• الماوس بتاع اللاب توب Touchpad مزود بتقنية اللمس المتعدد Multi-Touch يعني هتقدر تستخدم أكتر من بصمة إصبع في نفس الوقت عشان تخلص أي عملية بتقوم بيها بكل سهولة.
• جودة الكاميرا الخاصة بالجهاز عالية وممكن تتفوق على كاميرات كتيرة في نفس الفئة السعرية.
• نظام التشغيل اللي بيجي مع الجهاز هو نظام الأوبنتو المعروف بدرجة الأمان العالية اللي بيقدمها، والسرعة والجودة في الأداء وبساطة واجهة المستخدم الخاصة بيه، لكن يعيبه بس إنه نظام مقفول على نفسه شوية ومش بيدعم كتير من الأبليكيشن زي نظام الويندوز.
• سعر اللاب توب مناسب جدًا ورائع بالمقارنة مع إمكانياته.

العيوب

• وزن اللاب توب يعتبر تقيل إلى حدًا ما.
• شاشة اللاب توب مش بتدعم اللمس.
• حجم الابتوب وأبعاده كبيرة شوية.
• رامات الجهاز ٤ جيجابايت من نوع DDR 4 وهي رامات كويسة جدًا، لكنها مش أحسن حاجة موجودة في السوق.

تجربة المستخدم

• أداء اللابتوب ممتاز جدًا ويعتبر من أفضل الأجهزة اللي بتقدم أداء عالي في الفئة السعرية دي، وده بفضل البروسيسور القوي بتاعه من الجيل الثامن.
• كارت الشاشة قوي، وبيقدر يشغل كتير من الألعاب اللي بتيجي بجرافيك عالي، لكنه من أحسن حاجة بالنسبة للناس اللي شغلها متعلق بالبرمجة أو بالجرافيكس أو الفوتوشوب، خصوصًا إنه كارت الشاشة AMD بيُعتبر ثاني أو ثالث أقوى كارت شاشة متاح. في السوق، وكمان الكارت هنا بييجي بمساحة ٢ جيجابايت بس، وفيه خيارات أحسن من كده هتكون مناسبة أكتر للمهام دي.
• باختصار اللابتوب مناسب جدًا لو إنت شخص عادي بتستخدم اللابتوب في الاستخدامات المعتادة وبتفتح بيه نت وبتلعب عليه وبتشتغل من خلاله وبنصح بيه أي حد، لكنه مش هيكون أحسن حاجة لو إنت مبرمج أو بتستخدم برامج تقيلة وبتحتاج لجرافيكس عالية.

تقدروا تشوفوا لاب توب Dell Inspiron 15-5570 الـ 4 جيجا رام من هنا.

لو بتدور على إكسسوارات مناسبة للاب توب أو الكمبيوتر بتاعك شوف المقال ده.

عايز تعرف إزاي تحافظ على اللاب توب بتاعك شوف المقال ده.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.