كتب: فريق العمل

كلنا عارفين شركة Anker كواحدة من الشركات المتخصصة في صناعة وتسويق أجهزة الباور بانك والشواحن. لكن دلوقت أصبحت الشركة بتنتج منتجات كتير تانيه. بتدور في عالم الهواتف المحمولة برضو. والمرة دي بنشوف سماعتها الواير لس ساوند كور لايف نوت 3 اللي تعتبر طليعة انتاج Anker للسماعات الواير لس. طبعا زي ما معظمنا تصور، اكتر نقطة بيع Selling point بتلعب عليها Anker في سماعتها هي البطارية وقدرتها على العمل لوقت طويل. وده مفهوم من سماعة جايه من شركة متخصصة بالأساس في الشغل على البطاريات. لكن دي هي الميزة الوحيدة اللي بتقدمها Anker في سماعتها؟ ده اللي هانعرفه مع بعض في استعراضنا لأهم مميزات وعيوب السماعة. لكن قبل الكلام عن أي مميزات وعيوب. هانتلكم عن المواصفات الفنية الخاصة بالسماعة والجديد اللي بتقدمه لنا.

تعالوا نتعرف أكتر على ساوند كور لايف نوت 3 من مراجعتنا الكاملة لها. ولو السماعة عجبتك هتقدر تطلبها من خلالنا في ياقوطة ودلوقتي مع شهري، تقدر تشتري أي سماعة  بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات ساوند كور لايف نوت 3

• العلامة التجارية: Anker
• عدد السماعات: ٢ + علبة شحن
• عدد الميكروفونات: ٤ بواقع ٢ في كل اذن
• مقاومة الماء:  معيار IPX5 لمقاومة رذاذ الماء
• البطارية: قادرة على العمل حتى ٤٠ ساعة بالاضافة لوضع الشحن السريع الذي يوفر ساعات من الاستماع عند الشحن لدقائق
• اللون: ابيض
• الاتصال: بدون سلك – سماعة ذاخل الأذن-
• الماركة: Anker
• نوع السماعة: سماعة في الأذن
• نمط عزل الضوضاء: يوجد
• ضمان: ١٨ شهر
• متوافق مع اجهزة: أجهزة أبل وأي جهاز اندرويد

مميزات ساوند كور لايف نوت 3

• تصميم السماعة ساوند كور لايف نوت 3 شيك وعملي. ينفع يوضع في جيب أي بنطلون بسهولة. علبة الشحن شكلها شيك وبتتحمل الفتح والقفل لفترة طويلة دون التعرض لعطل أو كسر
• كقيمة مقابل سعر بتقدم السماعة سعر ممتاز مقابل المواصفات الفنية. وتنفع كهدية في النجاح أو في المناسبات السعيدة بشكل عام
• السماعة ساوند كور لايف نوت 3 بتيجي مع عمر بطارية طويل بيمكنها من العمل لحوالي ٤٠ ساعة بدون اعادة شحن. وممكن بشحنة لمدة حوالي ١٠ دقائق تستمر في العمل لساعات وده بينفع في المواقف الطارئة او المشاوير الاستثنائية
• السماعة ساوند كور لايف نوت 3 مقاومة لرذاذ الماء. بالتالي تتحمل العرق وتعتبر كويسة جدا لسماع الاغاني او المحتوى الصوتي بشكل عام في الجيم أو اثناء ممارسة التمارين الرياضية بشكل عام
• السماعة بتيجي مع القدرة على عزل الضوضاء. وده بيخليها مثالية في حالة سماع الموسيقى فى الاماكن الزحمة او اللي فيها ناس كتير بتتكلم في نفس الوقت زي محطات القطار مثلا.
• السماعة متوافقة مع كل انواع التليفونات تقريبا. ومش بتحتاج اكتر من لمسة واحدة علشان يتم ربطها بالتليفون. ماسمعناش شكاوى أو مشكلات واجهت المستخدمين في عملية الربط بين السماعة والتليفون على اختلاف الانواع والموديلات
• السماعة متوفرة بالوان مختلفة وده يخليها مناسبة للرجال والنساء ولعدد أكبر من الأذواق بشكل عام
• شركة Anker من الشركات القوية المعروف عنها تقديم منتجات محترمة وخدمة ما بعد البيع جيدة. بالتالي نقدر نثق في منتجاتها ودعمها بشكل جيد

عيوب ساوند كور لايف نوت 3

• على الرغم من وجود موقع رسمي للسماعة. لكن مش مذكور فيه تفاصيل كتير عن السماعة. بالتالي لو عاوزين نعرف أكتر عن السماعة بنضطر نشوف مواقع بيع وسيطة وأحيانا البيانات عليها مش بتكون دقيقة.
• مع رفع الصوت لاعلى درجة بنلاحظ حدوث نقص في جودة الصوت وده بيخلينا ننصح المستخدمين بعدم رفع الصوت للنهاية
• على الرغم من وجود ٢ مايك للمكالمات في كل سماعة لكن بعض المستخدمين اشتكوا من عدم القدرة على اجراء مكالمات صوتية بجودة عالية من السماعة
• مع ممارسة الالعاب بنلاحظ بعض البطء في نقل الصوت من السماعة والعكس. بالتالي ده ممكن يأثر على تجربة الالعاب عند المستخدمين
• السماعة بتفتقر للشحن اللاسلكي. بالتالي الطريقة الوحيدة المتاحة لشحنها هي شحنها بالسلك المرفق معاها فقط

اتعرف على عروض أسعار ساوند كور لايف نوت 3 من هنا.

اتعرف على عروض أسعار مختلف منتجات ِAnker المتوفرة على ياقوطة من هنا.

اتعرف على عروض أسعار السماعات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.