كتبت: أمنية عزمي

براون سيلك ابيل 3170 بتقدملك أسهل طرق إزالة الشعر المزودة بأسطوانات اللي بتعمل تدليك للبشرة وبتحفزها وتقلل الألم، وده بيساعدك على إزالة الشعر بشكل لطيف ومن غير مشاكل، ده غير إن التدليك مفيد للبشرة، وبيحفز الدورة الدموية ويدي بشرتك شباب وحيوية. الماكينة دي مزودة بـ ٢٠ ملقاط وده بيخليها تشيل الشعر من جذوره حتى أضعف الشعيرات علشان تحصلي على بشرة ناعمة في أقل وقت وبأقل مجهود. ده غير ميزة إنها مزودة بضوء سمارت لايت علشان يساعدك تشوفي أدق الشعيرات وتشيليها بسهولة، وبكده تبقى بشرتك ناعمة من غير مجهود وتدوم لـ ٤ أسابيع.

طيب تعالوا مع ياقوطة ومع أكتر منتجاتها شهرة نقولكم إيه مواصفاتها ومميزاتها وعيوبها، ولو عجبتك وعاوزة تشتريها تقدري تعرفي أحسن الأسعار ليها وتطلبيها من خلالنا وهتوصل لغاية عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

المميزات

• (مزوده ببكرة تدليك) دي اللي بتحسن الدورة الدموية وبتخلي الجلد ينعم ويبقى مهيأ لإزالة الشعر بشكل سهل وبتخفف من الألم.
• (سرعتين) معدة بسرعتين علشان تديكي الاختيار المفضل لنوع بشرتك واختبارك للسرعة اللي محتاجاها.
• (مزودة بضوء سمارت لايت) وده اللي بيساعدك تشوفي وتحددي أدق الشعيرات وتزيليها وتحصلي على النضافة والنعومة اللي بتتمنيها.
• (مزودة برؤوس Soft Lift) ودي اللي بترفع الشعيرات المائلة والمسطحة في الوضع اللي يسهل على الملاقط إزالتها.
• (فرشاة تنظيف) ملحق بها فرشاة لتنضيف الملاقيط بعد الاستخدام للمحافظة عليها بشكل يخليها تعمل بكفاءتها كل مرة.

تجربة المستخدم

• ناس اشتكت إنها بتشتغل بالكهربا فقط ومفيش فيها بطارية شحن اللي تخلي عندهم سهولة للتحرك والاستخدام في أي مكان.
• قالوا سهلة ومرنة ومتعددة السرعات.
• السيلك ابيل عموما بتطلع الشعر أسرع من الشمع أو السويت ومش بتدي النعومة المطلوبة، لإنها بتشيل الشعر بس في حين إن الشمع أو السويت بيشيل طبقة الجلد الميت فبيدي نعومة وبيفتح لون الجلد.
• مرنة لكن مش بتشيل الشعيرات الدقيقة من أول مرة يعني محتاجة تعيدي عليها تاني.
• قطع غيار متوفرة ومهندسين شطار وعندهم صدق وأمانة في المعاملة. في واحدة كان عندها مشكلة في الملاقيط وعايزة تغيرها رد عليها خدمة العملاء إن القطعة جديدة تمنها كذا لكن ممكن تصلحيها بكذا اللي هو ربع السعر وتبقى زي الجديدة).

نصايح بيقدمها خبراء التجميل للاستخدام الصحيح

• يفضل تبقي عاملة اسكراب قبلها (تقشير) وواخدة حمام سخن علشان الحاجات دي بتطري الجلد وجدور الشعرة وتخليها تطلع أسهل بدون مشاكل خاصة الناس اللي طبيعة شعرهم تقيل. هتحسوا بفرق.
• أحسن وقت تزيلي فيه الشعر هو بالليل علشان تدي فترة للجلد إنه يهدى لو كنتي من النوع اللي بشرته حساسة، في الوقت ده أي تهيجات هتهدا وقت الليل والاسترخاء.
• استخدمي قفاز أو جوانتي التقشير أو الفرك الخاص وفي واحد مخصوص بيتباع في براون سيلك ابيل بيكون عبارة عن فرشاة تقشير مخصوص ودي هتديكي نتيجة أفضل بـ ٤ مرات من اليدوي العادي.
• شيلي الشعر بالاتجاه المعاكس لنمو الشعرة يعني صعودًا بزاوية ٩٠ درجة.
• مش محتاجة خالص تضغطي على الجلد وانتي بتشيلي الشعر، يكفي إنك تقربيها من الجلد وهي هتقوم باللازم.
• بكرات التدليك الموجودة بتساعدك على تقليل الألم بشكل كبير مع الاستعمال المنتظم وبتنشط الدورة الدموية وكمان القفاز الخاص بالتدليك بيعمل نفس الفكرة. وده بيخلي عملية إزالة الشعر سهلة وغير مؤلمة.
• في قاعدة مهمة جدًا، لازم يكون جلدك نظيف قبل إزالة الشعر وخالي من أي كريمات مرطبة، الترطيب بيكون بعد إزالة الشعر مش قبله. وده هيخليكي تحسي بفرق كبير تاني يوم وببشرة ناعمة وصافية زي ماتحبيها.

شوفي ماكينة إزالة الشعر براون سيلك ابيل 3170 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.