اهتم ببشرتك وشعرك في الصيف مع ياقوطة
كتبت: منى عوض
البشرة والشعر دايمًا بيحتاجوا عناية خاصة ومختلفة خلال فصل الصيف، خاصة إن ارتفاع درجات الحرارة والرطوبة والتعرض لأشعة الشمس بيسببوا جفاف وتلف سواء للبشرة أو للشعر.
ولأننا يهمنا دايمًا صحتكم وجمالكم، النهارده هنقولكم على شوية منتجات للعناية بالبشرة والشعر خلال فصل الصيف، ولو عجبك أي منتج منهم وحبيت تشتريه تقدر تطلبه من خلالنا في ياقوطة وهيوصلك في أقرب وقت ممكن.
بنفكرك إنك ممكن تشتري منتجات العناية بالبشرة والشعر من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أولاً: العناية بالبشرة
غسول البشرة من بيل كلينك
أول خطوة لازم نبدأ وننهي بيها يومنا هي الغسول، وغسول الوجه من بيل كلينك عظيم جدًا في عملية تنظيف البشرة واستعادة إشراقتها وحيويتها، وهو مناسب لكافة أنواع البشرة.
تقدر تشوف غسول البشرة من بيل كلينك من هنا.
تونر منعم للبشرة نوفادج من أوريفليم
تونر البشرة خطوة مهمة بتساعد في قبض المسام الواسعة وتنظيم الإفرازات الدهنية وإنعاش البشرة وترطيبها وإشراقتها، وتقدر تستخدمه بعد الغسول لاستعادة توازن البشرة الطبيعي، ودي حاجة هيقدر يوفرلها تونر نوفادج من أوريفليم المناسب لكل أنواع البشرة.
تقدر تشوف تونر منعم للبشرة نوفادج من أوريفليم من هنا.
كريم مرطب ومغذي للبشرة من باي فيز
خطوة الترطيب لا تقل أهمية عن الخطوات اللي قبلها، وكريم باي فيز مرطب كويس جدًا ومغذي للبشرة وبيحميها من الجفاف والتشققات والتجاعيد أيضًا، وفي العموم هو مناسب لجميع أنواع البشرة.
تقدر تشوف كريم مرطب ومغذي للبشرة من باي فيز من هنا.
كريم الحماية من الشمس من إنفنيتي
خطوة إضافة كريم حماية الشمس مهمة جدًا ولا يمكن الاستغناء عنها سواء للوجه أو الأيد لأنه مش بيحميك من التصبغات الجلدية وحروق الشمس وبس، بل بيحميك أيضًا من الأشعة فوق البنفسجية وأضرارها اللي ممكن تسبب شيخوخة البشرة مبكرًا وأحيانًا الأضرار بتصل إلى سرطان الجلد.
وواقي الشمس من إنفنيتي بيقدم حماية قوية، فهو بيجي بمعامل حماية SPF50 ومقاوم للماء وبالتالي تقدر تستخدمه وإنت متطمن تمامًا.
تقدر تشوف كريم الحماية من الشمس من إنفنيتي من هنا.
كريم العين من بيو بالانس
العين أكثر منطقة حساسة في الوجه كله عشان كدا لازمها عناية وترطيب بشكل خاص، وكريم العين من بيو بالانس مصمم بتركيبة خاصة وفريدة من نوعها بتساهم في ترطيب العين والحد من ظهور الهالات السوداء والانتفاخات حول منطقة العين.
تقدر تشوف كريم العين من بيو بالانس من هنا.
ثانيًا: العناية بالشعر
شامبو دووف بالزيوت المغذية للعناية بالشعر
خطوة تنظيف الشعر وغسله مهمة جدًا فهي مش بتساهم في نظافة الشعر وبس، لأ دي بتساعد في استعادة الشعر لحيويته وتجديد الزيوت الطبيعية في فروة الرأس، بس مهم جدًا إنك تختار الشامبو الأنسب لطبيعة ونوع شعرك.
وفي العموم شامبو دووف عظيم جدًا فهو غني بالزيوت المُغذية لفروة الرأس والشعر واللي هتخليك تستمتع بشعر رطب وناعم وصحي وسهل التسريح، كل اللي هتعمله إنك تستخدمه على شعر مبلل وتدعك فروة الرأس كويس وبعدين تشطفه بالماء.
تقدر تشوف شامبو دووف بالزيوت المغذية للعناية بالشعر من هنا.
بلسم للعناية بالشعر للشعر الضعيف والمتساقط من Dermenum
البلسم خطوة مهمة كمان فهو بينعم الشعر وبيساهم في إعادة إشراقته وحيويته وبيقويه وبيسهل من عملية تسريح الشعر، وكل دا بيتم من خلال إعادة تكوين بنية الشعر بالكيراتين وبيساهم كمان في إبطاء عملية تساقط الشعر.
تقدر تشوف بلسم للعناية بالشعر للشعر الضعيف والمتساقط من Dermenum من هنا.
حمام كريم دابر فاتيكا للشعر بخلاصة الثوم
حمام الكريم معروف بمفعوله الجبار في تنعيم ولمعان وترطيب الشعر والحد من تقصف وتكسر الشعر، وبالتالي التمتع بإطلالة جذابة، وفي العموم دي حاجة تقدر تستمتع بيها من خلال استخدام حمام كريم دابر فاتيكا المستخلص من مكونات طبيعية تمامًا فهو يحتوي علي خلاصة الثوم والزبادي والحناء والعطر عشان يتناسب مع كافة أنواع الشعر.
تقدر تشوف حمام كريم دابر فاتيكا للشعر بخلاصة الثوم من هنا.
سيرم للشعر من كرافتر
كرافتر سيرم للشعر غنى بالزيوت الطبيعية بنسبة 100% فهو بيعمل على تنعيم الشعر والحفاظ على حيويته ولمعانه وتحفيز نمو الشعر أيضًا.
تقدر تشوف سيرم للشعر من كرافتر من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.