كتبت: سارة عمار

ما نقدرش ننكر إن التنضيف بقى عملية أسهل وأكتر متعة مع ظهور المكنسة الكهربائية، ومع تقدم التكنولوجيا المكانس الكهربائية ما بقتش مخصصة لتنظيف الأتربة من السجاجيد والأرضيات بس، لا دي كمان بتُستخدم لتنظيف أماكن تانية زي الأقمشة والسراير.

وعشان ياقوطة بتحب تساعدك في شراء الأجهزة المنزلية بتقدملك النهارده مراجعة بسيطة عن المكنسة الكهربائية كارشر ١٤٠٠ وات وهتعرفك على أهم مميزاتها وعيوبها وكمان مقارنة بينها وبين نوع تاني.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

أهم المواصفات

أهم المميزات

• مكنسة كارشر مخصصة لتنظيف السجاد بكل أنواعه لو خامة القماش صوف أو حرير بتنظفها من غير ما تأثر على ألوان السجاد أو تبهت، وكمان الأرضيات الصلبة السيراميك والرخام.
• متوفرة بألوان كتير جذابة ورائعة وأكيد هتلاقي لون مناسب لديكور بيتك، وده للناس اللي بتحب تجمع بين الشكل الحلو والجودة العالية.
• الماكينة بتعمل بالرذاذ الداخلي عشان تنظف السجاجيد وكمان المراتب وكل الأقمشة المصنوعة من الألياف بشكل كويس، وده عشان معروف إن الرش بينظف بشكل كويس لأنه ناتج من تفاعل المواد المنظفة وتوزيعه بيكون على كل أجزاء السجادة.
• مزودة بخرطوم رذاذ، وكمان أنابيب وفوهة عشان تقدر تنظف كل الأماكن الصعبة بسهولة، الوشوش اللي بتتركب تقدر تغيرها على حسب المكان اللي هيتكنس.
• بتدعم أكثر من وظيفة منها خاصية تجفيف الأقمشة والأرضيات، يعني بتنظف ع الجاف وبمياه وكمان بتنشف.
• بتقدر تجمع عدد كبير من القمامة بيوصل لحد ٤ لتر، وده مخليها عملية لأبعد درجة، وبيساعد إننا ما نقعدش كل شوية ننظف القالب بتاعها.
• المكنسة مزودة بمرشح رغاوي عشان تضمن إتمام عملية التنظيف للآخر.
• مزودة بخاصية التنظيف بالبخار وممكن تستعملها في تنظيف كافة الأرضيات أو السجاجيد وكمان تنظيف السرير لأن البخار بيساعد على قتل الجراثيم والميكروبات ودي مناسبة جدًا للي عندهم حساسية أنف أو صدر.
• طول السلك بتاعها بيوصل لحد ٧٫٥ متر وهتقدر بسهولة تتحكم في تحريكها من مكان لمكان من غير ما تضطر كل شوية إنك تفكها عشان تعرف تتنقل بيها من غرفة للتانية.
• المكنسة مزودة بحجرة صغيرة لشفط الأجزاء الصغيرة، وده يخليها ما تتسدش.
• مزودة بنظام قوي لامتصاص الصدمات، عشان لو وقعت أو اتخبطت المهم إننا نعدل الموتور.

أهم العيوب

• وزنها كبير شوية بيكون ٨ كيلو، وفي رأيي إن ده عيب بسيط لكن ممكن يكون عائق لناس كتير خصوصًا اللي بيسافروا من وقت للتاني وبيحتاجوا ياخدوا المكنسة معاهم في العربية، كمان التقل بيخلي الخرطوم يتقطع لو حد شده جامد.
• مادة الأنبوب مصنوعة من البلاستيك الخام، وممكن تتعرض للقطع أو التلف مع كثرة الاستخدام، أو لو اتّنى جامد ممكن يتقطع.
• تعتبر قوتها متوسطة بتوصل لحد ١٤٠٠ وات، وده ممكن يعرضها للسخونة أو احتراق الموتور لأنها مش هتتحمل التشغيل لساعات طويلة، محتاج الموتور يرتاح كل شوية لو مثلًا هتكنس ٣ أوض اطفيها بعد كل أوضة.

خدمات بعد البيع

الصيانة: كارشر بتقدملك  صيانة ممتازة  في حالة تعرض المكنسة لأي عطل أو تلف بتتواصل مع الفنيين وبيجولك لحد البيت.

قطع الغيار: مش منتشرة بشكل كبير لأن المكنسة تعتبر من أحدث الأنواع في السوق، ولكن هي متوفرة دايمًا في منافذ البيع الخاصة بالشركة.

خدمة العملاء: تقدر تتواصل مع خدمة العملاء لمعرفة أقرب منافذ البيع أو مراكز الصيانة القريبة منك من خلال الأرقام اللي بتوفرها الشركة.

شوف المكنسة الكهربائية كارشر ١٤٠٠ وات من هنا.

وفيه أنواع تانية أفضل زي مكنسة ميلا يو الجديدة اللي بتوصل قوتها لحد ١٥٠٠ وات، ممكن تشوفها من هنا.

لو اشتريت المكنسة ما تنساش تقولنا رأيك عنها في كومنت.