أمن بيتك مع أقوى كوالين الأبواب ببصمة وكارت من ياقوطة
كتب: خالد عاصم
تخيل إنك تقدر ببساطة إنك تحط إيدك على ماسح بصمة على باب شقتك فبكل بساطة باب بيتم يفتح ومحدش غيرك يقدر يفتحه لأنه بيتعرف بس على صباعك انت، ممكن تتخيل إن ده حاجة كده ممكن نتفرج عليها في فيلم خيال علمي، مش كده؟ بس الحقيقة إن كوالين الأبواب ببصمة الإصبع بقت موجودة فعلًا وبقالها فترة ومتوفرة كمان في مصر، والفضل في كده بيرجع لأن تقنيات مسح البصمة أو Biometric Technology بقت متوفرة في حاجات كتير حوالينا، ومنها طبعًا الموبايل اللي ممكن تكون ماسكة دلوقتي عشان تقرا المقال ده.
في المقال ده هنتعرف على تقنية Biometric Technology وهنتعرف على طبيعة كوالين الأبواب ببصمة الإصبع وهنتعرف على الأنواع المتوفرة في السوق المصري، وكل الأققال اللي هنستعرضها معاكم هتقدروا تطلبوها من خلالنا في ياقوطة وهتوصلكم لحد باب البيت أو مكان ماتحبوا بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
إيه هي Biometric Technology
تقنية Biometric Technology هي تقنية بتعتمد على التأمين من خلال التعرف على وتحديد الأعضاء البشرية الفريدة واللي مش بتتكرر بين فرد والتاني، ومنها طبعًا بصمة الصباع، وهي دي التقنية اللي بتعتمد عليها الأقفال ببصمة الأصبع واللي بتقدر تمسح بصمة الصباع وتحدد الخطوط الفريدة ليها، وده بيخلي النوع ده من الأقفال أكثر تأمين وحماية عن الأقفال العادية مهما كانت إمكانياتها وده لانها بتعتمد على مسح صباع المستخدم ومابتفتحش إلا من خلال المستخدم ده.
فوايد الأقفال ببصمة الإصبع
تأمين أعلى
بتعتمد الأقفال العادية على مفاتيح بتحرك أجزاء داخلية جوا القفل عشان يتفتح، بس من ناحية تانية الأقفال ببصمة الإصبع مش بتعتمد على مفاتيح أصلًا وده معناه إنها أكثر أمانًا على أكتر من مستوى ومنها إن موضوع سرقة المفاتيح أو نسيانها جوه البيت وانت بره ده هيكون شيء من الماضي، وكمان يعتبر إمكانية فتح الأقفال دي شبه مستحيلة، ده غير إن لأقفال دي بتفتح لوحدها بمجرد ما بيمر خمس ثواني على قفل الباب.
تحكم أعلى
بتتميز الأقفال ببصمة الإصبع بإنها قابلة للبرمجة يعني ممكن تبرمجها على التعرف على عدد كبير من المستخدمين، والأقفال اللي بيكون فيها بصمة ورقم سري بتخليك تقدر تحدد مين من المستخدمين يستخدم بصمة الإصبع ومين يستخدم الكود بس، وكمان تقدر تتحكم في كل ده من خلال الكمبيوتر يعني تقدر تسجل مواعيد استخدام القفل باليوم والتاريخ ولكل مستخدم وده بيخليه مثالي مش بس في البيوت بس لا كمان في الشغل.
استحالة التلاعب
من الصعب جدًا أو يكاد يكون من المستحيل التلاعب بالأقفال ببصمة الإصبع وده لأنها مش بتعتمد على مفاتيح زي ماقلنا وبتعتمد بس على بصمة صباع المستخدم واللي طبعًا مستحيل تقليدها بالسبل المعتادة أو المتوفرة، وكمان الأقفال دي بتتعبر على بصمة الأصبع بأبعادها الثلاثية يعني مستحيل خداعها بأي شكل من الأشكال.
أبرز أنواع الأقفال ببصمة الإصبع على ياقوطة
قفل باب ذكي للأبواب الزجاج
قفل بيشتغل بالبصمة وبالرقم السري وبيقبل البرمجة على أكتر من مستخدم.
ممكن تشوف قفل باب ذكي للأبواب الزجاج من هنا.
قفل كالون باب كهربائي بالبصمة
بشكل جذاب وبقدرة على التعامل من خلال بصمة الإصبع والرقم السري وبيقبل الاستخدام من أكتر من مستخدم.
ممكن تشوف قفل كالون باب كهربائي بالبصمة من هنا.
كالون كهربائي ذكي بالبصمة وكارت
قفل وكالون متميز بيشتغل بالبصمة والكارت الذكي وكمان بالرقم السري وبيقبل أكتر من مستخدم والكالون ده مناسب لكل أنواع الأبواب بما فيها الأبواب المصفحة.
ممكن تشوف كالون كهربائي ذكي بالبصمة وكارت من هنا.
كالون كهربائي ذكي بالبصمة والكارت لباب مصفح
قفل وكالون متميز بيشتغل بالبصمة والكارت الذكي وكمان بالرقم السري وبيقبل أكتر من مستخدم والكالون ده مناسب لكل أنواع الأبواب بما فيها الأبواب المصفحة.
ممكن تشوف كالون كهربائي ذكي بالبصمة والكارت لباب مصفح من هنا.
جهاز تحكم في الدخول والخروج باستخدام البصمة
قفل ذكي متميز بيشتغل من خلال بصمة الإصبع أو الرقم السري أو من خلال الكارت الذكي للطوارئ وبيتميز بغنه بيدي تحذيرات في حالة انخفاض مستوى البطارية أو عدم قفل الباب بالشكل بالكامل وكمان بيقبل لحد ٣٠ مستخدم.
ممكن تشوف جهاز تحكم في الدخول والخروج باستخدام البصمة من هنا.
اتعرف على عروض أسعار الأقفال ببصمة الإصبع المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.