أفضل عروض التكييفات المتاحة على ياقوطة
كتب: خالد عاصم
مع قرب نهاية فصل الشتا بييجي أفضل وقت ممكن تاخد القرار بإنك تشتري تكييف جديد لإن دي أفضل فترة بتنخفض فيها أسعار التكييفات قبل بداية فصل الصيف وقبل ما تبتدي أسعارها تعلى تاني بسبب الإقبال اللي بيكون شديد عليها جدًا، وعشان كده ده بيكون أفضل وقت عشان تحسم قرارك لو عايز تشتري التكييف اللي انت عايزه.
في المقال ده هنتعرف على مجموعة من أبرز عروض أسعار التكييفات المتوفرة على ياقوطة واللي تقدر تشتريها من دلوقتي قبل ما أسعارها تعلى مع بداية فصل الصيف، كل التكييفات اللي هنتكلم عنها في المقال ده هتقدروا تطلبوها من خلالنا في ياقوطة وهتوصلكم لحد باب البيت أو مكان ما تحبوا بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أفضل عروض أسعار التكييفات على ياقوطة
تكييف فريش سمارت انفرتر ٣ حصان بارد وسخن
بتتميز شركة فريش بقدرتها على توفير أفضل المنتجات بأسعار منافسة جدًا وده بيخليها اختيار رئيسي لعدد كبير من المستخدمين، وزي ما ده بينطبق على مختلف المنتجات بينطبق كمان على التكييفات اللي بتقدم فيها الشركة مجموعة متنوعة وممتازة ومن بين أفضلهم تكييف سمارت ٣ حصان بارد وسخن واللي بتميز بوحدة خارجية مضادة للصدأ، وفيه خواص متعددة ممتازة زي خاصية التربو اللي بتسرع تبريد الجو وكمان خاصية إعادة التشغيل التلقائي وخاصية التشخيص الذاتي للأعطال وكمان وضع إيكو، وبيقدر التكييف بفضل قوتة دي إنه يغطي مساحة توصل لحد ٢٤ متر مربع.
شوف تكييف فريش سمارت انفرتر ٣ حصان بارد وسخن من هنا.
تكييف شارب بريميم بلاس ١٫٥ حصان بارد
شارب واحدة من أكبر شركات التكييف الموجودة حاليا في مصر، والتكييف ده برضه فيه نسخة بارد بس ونسخة بارد وسخن وبرضه الفرق بينهم حوالي ١٠٠٠ جنيه تقريبًا، والتكيف بيتميز بعدد كبير من المميزات اللي بتوفرها شارب زي خاصية البلازما كلاستر اللي بتعمل على تنقية الهوا اللي طالع من التكييف وبدوره بيساعد على تقنية الهوا المحيط، كمان في خاصية توزيع الهوا في كل الاتجاهات أوتوماتيكي ده غير خواص تانية كتير زي الفلاتر المضادة للبكتريا والتبريد فائق السرعة وخاصية الميقاتي والتشغيل التلقائي وغيرها كتير، وكل ده تقدر تابعة من خلال شاشة LCD اللي بتعرض كل بيانات التكييف.
شوف تكييف ١٫٥ حصان شارب بريميم بلاس من هنا.
تكييف ميديا ميشن ١٫٥ حصان بارد
رغم إن سعر تكييف ميديا ميشن أرخص شوية من التكييفات المنافسة اللي اتكملنا عنها إلا إنه بيتميز بعدد كبير من الإمكانيات الممتازة اللي هنلاقيها في التكييفات الأغلي زي مثلًا خاصية Follow me لتتبع درجة الحرارة في المكان اللي بتبقى موجود فيه جوه الأوضة وزي إمكانية تنضيف التكييف الذاتية وكمان خاصية تربو وخاصية التوزيع الذكي وغيرها من الخصائص المتميزة.
التكييف كمان بيتميز بصوت هادي جدًا وقدرة كبيرة على توفير الكهرباء ده غير إنه بيتميز بواي فاي يعني تقدر توصلة على شبكة الإنترنت في بيتك أو مكتبك وتقدر تشغله عن بعد من خلال الموبايل قبل ما توصل البيت على طول عشان تكون درجة حرارة الأوضة أو المكتب بقت مناسبة قبل حتى ما تدخلها.
شوف تكييف ١٫٥ حصان ميديا ميشن من هنا.
تكييف تورنيدو ستاندرد ديجيتال ٣ حصان بارد
زي ما بتقدر تورنيدو إنها تقدم قيمة ممتازة مقابل سعر منافس في منتجاتها التانية بتقدر تحقق نفس المعادلة في التكييفات، فتكييف زي اللي في الصورة فوق رغم سعره المنافس جدًا بالمقارنة بالماركات التانية إلا أنه بيتمتع بإمكانيات حقيقية ممتازة، أبرزها إنها ٣ حصان يعني قوة هائلة لتغطية أكبر مساحة ممكنة، وبيتميز التكييف بسعة تبريد ٢٢٠٠٠ (و ح ب/ساعة) وبيتمتع بإمكانيات متعددة زي التبريد فائق السعرية والتشغيل الجاف والوضع الصحي خلال النوم وكمان خاصية تدفق الهواء الطبيعي والتشغيل التلقائي بعد انقطاع الكهرباء، وطبعًا خاصية الميقاتي، وبيتمتع التكييف بوحدة خارجية تروبيكال بتستحمل مختلف درجات الحرارة عشان تقدم أفضل أداء ممكن مهما كانت درجة الحرارة الخارجية.
شوف تكييف تورنيدو ستاندرد ديجيتال ٣ حصان بارد من هنا.
تكييف كاريير أوبتيماكس ١٫٥ حصان بارد
أول تكييف ١٫٥ حصان هنتكلم عنه النهارده بتقدمهولنا واحدة من أقدم الشركات في عالم صناعة التكييفات وطبعًا لسه لحد دلوقتي واحدة من أكبر الشركات وأكترها موثوقية عند المستخدمين حتى مع ظهور شركات كبيرة قوية جدًا زي اللي هنتعرف عليها بعد شوية، التكييف ده فيه منه نسختين الأولى بوحدة بارد بس والتانيو بوحدة سخن بارد وسعرها بيزيد حوالي ١٠٠٠ جنيه عن وحدة بارد بس اللي سعرها موجود في صندوق السعر اللي فوق.
سواء النسخة دي أو دي، الاتنين بيتميزوا بنفس الإمكانيات وهي إمكانية توجيه الهوا للأربع اتجاهات بالإضافة لخواص زي التتبع داخل الغرفة وخاصية التربو وخاصية التشغيل التلقائي وغيرها من الخواص الممتازة، والتكييف بيقدر يغطي مساحة من ٨ متر لحد ١٥ متر.
شوف تكييف ١٫٥ حصان كاريير اوبتيماكس من هنا.
تكييف يونيون إير أرتيفاي ١٫٥ حصان بارد
يونيون إير بقت واحدة من أكبر الشركات في مصر دلوقتي على مستوى مختلف الأجهزة الكهربائية – رغم تدني وسوء خدمة ما بعد البيع والصيانة- وفيه مستهلكين كتير بيفضلوها لأنها شركة مصرية من ناحية ومن ناحية تانية لأنها بتقدم بديل ممتاز جدًا من حيث السعر للمنتجات المستوردة وكمان بتتفوق على شركات تانية كتير صينية ومصرية، وبتقدملنا يونيو إير مجموعة كبيرة من التكييفات من بينها تكييف ١٫٥ حصان بأكتر من نوع وأبرزها تكييف أرتيفاي سمارت المتميز.
التكييف زيه زي اللي فاتوا فيه منه إصدار بارد بس وإصدار سخن وبارد وبرضه الفرق بينهم مش بيزيد عن ١٠٠٠ جنيه مصري، والاتنين فيهم تقنيات كتير ممتازة بتبدأ في التصميم والشكل الجذاب، وأبرزها قدرته الممتازة على توفير الطاقة وفيه أوضاع وخصائص مختلفة زي الوضع الجاف اللي بيقلل الرطوبة من الجو وكمان التحكم الأوتوماتيكي في عدد كبير من الإمكانيات.
شوف تكييف ١٫٥ حصان يونيو إير أرتيفاي من هنا.
تكييف LG بلازما ١٫٥ حصان بارد
تكييف إل جي بيمتاز بخصائص ومميزات كتير منها خاصية بلازما اللي بتعمل على تقنية الهوا وكمان الفلاتر المقاومة للبكتيريا والفلاتر اللي بتقدر تمتصح الروايح اللي في المساحة المحيطة عشان تقدملك هوا نفي وريحته طبيعية، التبريد كمان بيقدر يوفر الهوا البارد لحد ١٢ متر ده غير بقى الإمكانيات المعتادة في أي تكييف تاني، وكل ده بيتقدم بتصميم أنيق جدًا.
شوف تكييف ١٫٥ حصان من إل جي من هنا.
اتعرف على عروض أسعار مختلف التكييفات المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من أبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.