٥ من أفضل مكبرات الصوت على ياقوطة
كتبت: منى عوض
لو بصيت حواليك هتلاقي أن السماعات الموجودة أشكال وألوان، يعني هتلاقي سماعات أذن صغيرة وسماعات الرأس والسماعات اللاسلكية وفيه كمان مكبرات الصوت اللي إحنا هنتكلم عنها النهاردة.
مكبرات الصوت بتكون سماعات بتتحط على تربيزة أو على الأرض وبيكون حجمها كبير أو صغير زي ما تختار يعني، وهي هتوفرلك صوت ومؤثرات صوتية كبيرة وجودة فائقة للصوت، وتقدر تستخدمها في الحفلات الصغيرة وفي السينما المنزلية وما إلى ذلك.
تعالى مع ياقوطة اعرف أهم العوامل اللي لازم تاخد بالك منها وإنت بتشتري مكبر صوتي، واعرف كمان أفضل مكبرات الصوت، عشان لو حبيت تشتري تطلب من خلالنا والحاجة اللي هتطلبها هتوصلك في أقرب وقت.
بنفكرك إنك ممكن تشتري مكبرات الصوت من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أهم العوامل لاختيار مكبر الصوت الأنسب
مساحة الغرفة
يفضل إنك تحدد مقاسات الغرفة اللي هتحط فيها مكبر الصوت قبل ما تاخد أي خطوات لشرائه، ودا عشان الجهاز والصوت الخارج منه يتناسب مع المساحة ولأن معظم مكبرات الصوت تتطلب مساحة حرة عشان الموجات الصوتية تتحرك بحرية وتقدم أداء أفضل.
حجم مكبر الصوت
حجم مكبر الصوت مش مهم عشان مساحة الغرفة وبس، لأ دا بيلعب دور مهم جدًا في جودة الصوت وقوته، يعني هتلاقي إن معظم مكبرات الصوت الصغيرة بتقدم صوت جودته كويسة جدًا لكن الصوت دا مش قوي أو عالي كفاية، أما طبيعي إنك تلاقي مكبرات صوت كبيرة وصوتها عالي.
مصدر الطاقة
مصدر الطاقة مقصود بيها الطريقة اللي بيشتغل بيها مكبر الصوت، فهتلاقي أن فيه أنواع بتشتغل من خلال بطاريات قابلة لإعادة الشحن أو مش قابلة مش هتفرق كتير بس اللي هيفرق إنها هتوفرلك حرية التنقل بيها من مكان لآخر، وفيه أنواع تانيه بتشتغل بالكهرباء ودي هتقيدك شوية لأنك هتحتاج تتواجد باستمرار جنب فيشة الكهرباء.
طريقة التوصيل
طريقة توصيل مكبر الصوت بالأجهزة الأخرى مهمة جدًا بمعنى التوصيل هيكون لاسلكي من خلال البلوتوث ولا من خلال وصلة USB أو أي وصلة في العموم، ولازم تحدد كمان إنت عايز تشغله عن طريق الواي فاي أو لأ.
الميزانية
تحديد ميزانيتك نقطة مهمة جدًا لازم تحطها في بالك وإنت بتشتري أي حاجة في العموم، مش مكبر الصوت وبس يعني.
أفضل المكبرات الصوتية على ياقوطة
مكبر صوت من ميديا تك MT-854
مكبر الصوت من ميديا تك حجمه كبير شوية وبيحتاج مساحة كبيرة، وهو مكون من 3 قطع لتضخيم الصوت، وفي العموم هو بيوفر صوت نقي ومريح وعالي جدًا وهيديك احساس بالاهتزاز وإحاطة مثالية بالصوت طول ما هو شغال.
الجهاز لاسلكي بيشتغل من خلال البلوتوث وبالتالي مش هتحتاج إنك تتربط جنب فيشة الكهرباء، وكمان مزود بمنفذ USB ومدخل Mp3 وSD المخصص لإضافة كارت ميموري وفيه راديو كمان، لكنه مفيهوش واي فاي.
تقدر تتحكم في مكبر الصوت من بعيد لأنه مزود بريموت كنترول هيسهل عليك الحياة خالص.
تقدر تشوف مكبر صوت من ميديا تك MT-854 من هنا.
نظام مكبر صوت من فيليبس MMS2160B 2.1
مكبر الصوت من فيليبس مكون من 3 قطع كبار الحجم بيشتغلوا بشكل لاسلكي من خلال البلوتوث، وتقدر تتحكم فيه بسهولة وبراحة تامة من خلال الريموت كنترول.
الجهاز بيقدم صوت عالي ونقي وهيحسسك إنك قاعد في حفلة أو في سينما وعايش جوا الأحداث أو الموسيقى اللي بتسمعها، وتقدر توصله بأجهزة خارجية من خلال منفذ USB ومدخل SD لإضافة كارت ميموري.
تقدر تشوف نظام مكبر صوت من فيليبس MMS2160B 2.1 من هنا.
مكبر صوت تشارج 4 من جيه بي إل JBLCHARGE4BLK
مكبر الصوت شكله لطيف جدًا وحجمه صغير عشان تتنقل بيه براحتك وبيكون مقاوم للماء، وبيكون لاسلكي يعني بيشتغل من خلال تقنية البلوتوث.
الجهاز بيقدم صوت نقي وقوي وهيحسسك باهتزازات وهتحس إنك قاعد جوا الحاجة اللي إنت بتسمعها أو كأنك في حفلة، ومزود أيضًا ببطارية سعتها 7500 مللي أمبير في الساعة تقدر تستخدمها كباور بنك، لكنع مش مزود بمنافذ USB و SD ولا فيه واي فاي وسعره غالي شوية.
تقدر تشوف مكبر صوت تشارج 4 من جيه بي إل JBLCHARGE4BLK من هنا.
مكبر صوت من كرييتيف SBS E2900
مكبر صوت من كرييتيف مصمم عشان يبقى 2 في 1 بمعنى إنه هيقدملك تجربة صوت رائعة وأداء لا مثيل له، وفي العموم تقدر توصله بسلك مع أي أجهزة أخرى سواء أجهزة ماكينتوش أو ويندوز أو أندرويد وتقدر تشغله بشكل لاسلكي من خلال البلوتوث أو الواي فاي.
الجهاز مزود براديو FM وفيه منافذ USB و SD لإضافة ميموري خارجي ومنفذ لسماعات أذن 3.5 مم أيضًا، وبيوفرلك كمان إمكانية التحكم في مستوى الصوت من خلال إعدادات التشغيل اخاصة بيه على طول، وتقدر تتحكم فيه عن بعد من خلال الريموت كنترول.
تقدر تشوف مكبر صوت من كرييتيف SBS E2900 من هنا.
مكبر صوت بلوتوث ساوند كور فلير ميني من انكر A3167H11
الجهاز دا بيقدم تجربة صوت قوية جدًا ومحيطية بمقدار 360 درجة، وتصميمه صغير وشكله لطيف وفيه إضاءة LED ومقاوم للماء أيضًا.
بيشتغل من خلال بطارية قابلة لإعادة الشحن وبتستمر في العمل لحد 12 ساعة متواصلين، لكنه مفيهوش منافذ USB و SD ولا بيقبل التوصيل بالواي فاي.
تقدر تشوف مكبر صوت بلوتوث ساوند كور فلير ميني من انكر A3167H11 من هنا.
تقدر تختار مكبر الصوت الأنسب ليك من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.