كتبت: منى عوض

الطهي بالبخار واحد من طرق الطبخ الصحية جدًا لأنها مش بتحتاج إنك تضيف عليها زيوت أو مواد دهنية، وكمان بيحافظ على العناصر الغذائية الأساسية الموجودة في الأكل بشكل عام، والخضروات بصفة خاصة.

وعموما حلل الطهي بالبخار من الممكن استخدامها في تحضير العديد من أنواع الأكل زي الخضروات واللحوم والأرز وغيرها أنواع تانية من الأكل.

وعشان ياقوطة دايمًا يهمها صحتك وصحة أسرتك، قررت إنها هتوضحلك النهارده من خلال المقال ده أنواع حلل الطهي بالبخار واستخدامات كل واحدة منهم عشان تسهل عليك عملية الاختيار بعد كده.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أولًا: الخامة المصنوع منها وعاء الطهي

المصنوعة من الاستانلس ستيل

الحلل اللي الوعاء بتاعها مصنوع من مادة الاستانلس ستيل بتكون صحية بشكل أكبر، لأنها مش بتطلق أي مواد سامة وبتقدر تحافظ على الفيتامينات اللي موجودة في الأكل بشكل أكبر وبتحافظ على سخونة الأكل كمان، ده غير إن الأكل مش بيلزق فيها لأنها عادة بتكون مطلية بطلاء غير قابل للالتصاق.

المصنوعة من البلاستيك

الحلل اللي الوعاء بتاعها مصنوع من مادة البلاستيك عادة بتكون مش صحية قوي، لإنها ممكن تطلق مواد سامة وتحتفظ بالبكتيريا لما تتعرض لدرجات حرارة عالية وده شيء مش كويس ومش صحي بالنسبة لصحتك وصحة أسرتك، وعموما الموضوع ده بيعتمد على البلاستيك المصنوع منه الحلة.

المصنوعة من الألمونيوم

بيفضل الابتعاد عن حلل الطهي بالبخار المصنوعة من الألمونيوم لأن الأبحاث أثبتت إن الأطعمة بإمكانها التفاعل مع الألمونيوم وبالتالي التسبب في الأمراض، زي مرض الخرف في الشيخوخة.

ثانيًا: من حيث الاستخدام والشكل

حلة الضغط بالبخار أو البرستو

فكرة الحلة دي بتقوم بطهي الطعام بالبخار ولكن تحت ضغط، وده بالتالي بيسرع من عملية الطهي وبيخلي الأكل صحي ومحتفظ بقيمته الغذائية بشكل أكبر من طرق الطبخ التقليدية على النار، ومن الممكن طبخ الخضروات والأسماك واللحوم فيها.

حلة البخار الأدوار

عادة وعاء الحلل دي بيكون مصنوع من مادة شفافة عشان توفرلك رؤية مثالية أثناء تحضير الطعام، وكمان بيكون فيه أوعية مختلفة عشان تقدر تحضر أصناف مختلفة وكميات أكبر من الطعام أو حتى تحضير وجبات كاملة في نفس الوقت.

شوف أنواع تانية من حلل الطهي بالبخار من هنا.

حلة طهي الأرز

عمومًا حلة طبخ الأرز مش مخصصة لتحضير الأرز فقط، إنت كمان من الممكن تستخدمها في تحضير المحشي والمكرونة وتحضير الخضار وأكلات تانية كتير.

فايدة الحلة دي بتظهر لو كنت مشغول أو لو كنت مش بتعرف تظبط تسوية الأرز على النار، لأن كل اللي هتعمله هو إضافة مقادير الطعام اللي إنت هتعمله، سواء أرز أو مكرونة أو غيره وتسيب الأكل براحته بقى لحد ما يخلص من غير ما تحتاج إنك تراقبه ومن غير ما تخاف من أنه يعجن أو يبوظ، أو حتى طعمه يطلع مش مظبوط، وكمان الحلة دي بتقدر تحافظ على سخونة الأكل لحد ما تقرر إمتى.

شوف المزيد من حلل طهي الأرز من هنا.

ودلوقتي هنتكلم عن أشهر تلات حلل طهي بالبخار على ياقوطة في الفترة اللي فاتت

حلة طهي الأرز من ميديا تك

المواصفات

• المادة المصنوع منها هيكل الحلة: الاستانلس ستيل المضاد للبكتيريا والمضاد لبصمات الأصابع.
• المادة المصنوع منها الوعاء الداخلي للحلة: الاستانلس ستيل غير قابل للالتصاق ودي مادة صحية جدًا وبتساعد في تسوية الأكل بسرعة والحفاظ على سخونة الأكل لفترة طويلة.
• سعة الحلة: ١٫٥ لتر ودي بتعتبر سعة مناسبة جدًا لتسوية كميات كبيرة من الأكل، مع الأخذ في عين الاعتبار عدم تسوية أكتر من أكله في نفس الوقت في الحلة لأن ده بيقلل من قدرة الحلة على تسوية الطعام.
• بتتميز بوجود طهي تلقائي ونظام تسخين.
• المحرك بقوة ٥٠٠ وات، ودي قوة هائلة بتساعد في تسوية الأكل بسرعة.

شوف حلة طهي الأرز من ميديا تك من هنا.

حلة الطهي بالضغط من نوفال

المواصفات

• المادة المصنوع منها الحلة: الاستانلس ستيل غير قابل للالتصاق ودي مادة صحية جدًا وبتساعد في تسوية الأكل بسرعة والحفاظ على سخونة الأكل لفترة طويلة.
• سعة الحلة: ٦ لتر ودي سعة كبيرة جدًا بتخليها تطبخ أي كميات أكل عايزاها، وتنفع للعائلات الكبيرة الحجم ولو عندك عزومة.
• الحلة بتحتوي على ٢ برنامج للطهي.
• مقبض الحلة مصنوع من الباكليت عشان تقدر تمسكها بكل سهولة من غير ما إيدك تتعرض للحرارة.
• غطاء الحلة مصنوع من الاستانلس ستيل وبيحتوي على زرار عشان قفل الحلة بإحكام أثناء التشغيل، ومع ذلك، هتلاقي بعض الشكاوي منها بتفيد إن الحلة مش محكمة الغلق وبتسرب البخار والماء، وشكاوي تانية من صعوبة تنظيف الغطاء لاحتوائه على ثنايا كتيرة.

شوف حلة الطهي بالضغط من نوفال من هنا.

حلة طهي بالبخار براون ايدينتتي كولكشن

المواصفات

• الحلة دي مكونة من دورين مصنوعين من خامات شفافة خالية من مركب بيسيفينول أ الكيميائي، عشان توفرلك رؤية أفضل خلال تحضير الأكل الصحي.
• قلاية مانعة التسريب، يعني كل وعاء في حلة الطهي بيحتوي على مانع التسريب الخاص به لمنع أي اختلاط أو تداخل في النكهات مش مرغوب فيها.

• بتحتوي على مؤقت عشان تقدر تحدد الوقت اللي إنت متوقع إن الأكل يخلص خلاله، وبالتالي الحلة بتفصل لوحدها ومش هتبقي قلقان من إن الأكل يتحرق أو يبوظ جواها.

شوف حلة طهي بالبخار براون ايدينتتي كولكشن من هنا.

عايز تشتري حلة ضغط ومش عارف أنهي أنسب واحدة؟ شوف دليل ياقوطة لشراء أفضل حلة ضغط من هنا.

وشوف كمان كونسلتو كامل عشان تختار حلة الأرز المناسبة من هنا.

وكمان كونسلتو عشان تختار أفضل طاسة قلي بالنسبة ليك من هنا.

عايز تعرف أدوات هتساعدك في تحضير ألذ وأشهى الأطباق شوف المقال ده.

ودي بقى اختراعات هتخليكي ملكة في مطبخك من هنا.

عايز تخلي حياتك وحياة أسرتك صحية يبقى عيشي حياتك مع ياقوطة من هنا.

شوف أكتر ١٠ أدوات مناسبة للأشخاص النباتين من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.