كتب: خالد عاصم

أعلنت Huawei أخيرًا عن أحدث موبايلاتها الرائدة اللي تضمنت موبايلات Huawei Mate 30 وHuawei Mate 30 Pro واللي بيكملوا مسيرة فئة قدرت تقدم نجاحات ضخمة على مدى السنين اللي فاتت اللي اتعودنا فيها على اهتمام Huawei بالفئة الرائدة Mate، الحالة في موبايلات Mate 30 الجديدة ممكن تكون مختلفة شوية بسبب مستقبلها المتعلق بنظام تشغيل ويندوز 10 واللي بيعتمد الموبايل عليها بالإصدار المفتوح بمعنى عدم دعم جوجل للموبايلات دي وعدم توافر تطبيقات جوجل المسبقة التثبيت عليها، وده اللي خلى فيه غموض كبير حوالين موبايلات Huawei الجديدة قبل الإعان الرسمي عن الموبايلين.

من خلال المقال ده هنتعرف على موبايلات Huawei الرائدة الجديدة Huawei Mate 30 وHuawei Mate 30 Pro واللي أعلن عنها العملاق الصيني بعد كتير من التسريبات والتوقعات، وكمان هنتعرف على عروض أسعار الموبايلات السابقة عليها Huawei Mate 20 وHuawei Mate 20 Pro واللي تقدر تطلبه فورًا لو تحب من خلال ياقوطة وهتوصلك لحد باب البيت أو مكان ما تحب بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايلات Huawei Mate 30 وHuawei Mate 30 Pro

موبايل Huawei Mate 30 Pro

في الأول هنتكلم عن موبايل Huawei Mate 30 Pro واللي بيشمل التقنيات الأكبر والإمكانيات الأعلى من بين الموبايلين، وأبرز الإمكانيات دي هي الكاميرا الخلفية اللي تعتبر فعليًا الأفضل والأقوى من بين كل الموبايلات المتوفرة حاليًا، وبيعتمد الموبايل على كاميرا خلفية ثلاثي العدسات منها العدسة الأساسية فائقة الحساسية وقتها ٤٠ ميجا بيكسل والموجودة في موبايل Huawei P30 Pro، بس بيتضاف عليها عدسة تانية قوتها ٤٠ ميجا بيكسل بتسميها Huawei عدسة Cine Camera ودي عدسة بالغة العرض بتستخدم في تصوير الفيديو بمؤثرات سينمائية، والعدستين بيعتمدوا على مستشعرات ToF عشان تقدر تصور بتأثير بوكيه في الفيديوهات.

أما العدسة التالتة فقوتها ٨ ميجا بيكسل ودي عدسة مقربة بقوة 3x بفضل طولها البؤري اللي بيبلغ ٨٠ مم، وبتقدر توصل بالتقريب الهجين لحد 5x، والعدسة دي وكمان العدسة الأساسية العريضة الاتنين مدعومين بمثبت صورة بصري، وبتتميز الكاميرا الخلفية بإمكانيات تصوير فيديو فائقة الجودة، فموبايل Huawei Mate 30 Pro بيدعم تصوير الفيديو بجودة 4K بمعدل ٦٠ إطار في الثانية، أما التصوير البطيء فبيوصل لمعدل قياسي قدره ٧٦٨٠ إطار في الثانية بجودة 720p، وكمان تصوير الفيديو بيقدر يوصل لحد نسبة حساسية للضوء بمعدل ISO ٥٢٠٠٠.

الموبايل بيعتمد على كاميرا أمامية قوتها ٣٢ ميجا بيكسل وجنبها في مجموعة مستشعرات للمسح ثلاثي الأبعاد، وكمان فيه مستشعر للتعرف على حركة الإيد واللي بتستخدم في التحكم في الموبايل ونفس المستشعرات دي بتستخدم في خاصية دوران شاشة الهاتف بالذكاء الاصطناعي ودي بتخلي شاشة الموبايل تدور بتتبع عينك مش بس حركة الموبايل.

عشان الكاميرا الأمامية والمستشعرات الامامي الموجودة دي كلها، اعتمدت شاشة Huawei Mate 30 Pro على الشق العريض أعلى الشاشة، أما الشاشة نفسه فهي شاشة OLED قطرها ٦٫٥٣ بوصة بجوانب منحنية بزاوية ٨٨ درجة، وبتسمي Huawei الشاشة دي اسم Horizon Display، دقة عرض الشاشة ٢٤٠٠ × ١١٧٦ بيكسل وبتتميز بإنها مدعومة بتقنيات HDR وبتغطية نطاق ألوان DCI-P3، والشاشة بتتميز بخاصية الشاشة دائمة التيقظ وكمان بتدعم استخدام قلم M-Pen.

وقدرت Huawei تحقق أقصى استفادة من وجود الشاشة المنحنية بإنها تستغنى عن الزراير الفعلية وبتستعين بأزرار افتراضية للتحكم في صوت الموبايل وفي التصوير وبتتميز الأزرار الافتراضية الموجودة على جوانب الشاشة في إنها بتعمل اهتزاز خفيف يحسسك إنها زرار فعلي.

الموبايل بيعتمد على بروسيسور HiSilicon Kirin 990 الرائد القوي بمعمارية ٧ نانوميتر بلس، واللي مدمج بيه معالج الرسوميات القوي Mali-G76 MP16 واللي بيتميز بدوره بخاصية GPU Turbo المحسنة، وبيتميز الموبايل في اعتماده على شريط من الجرافين اللي بيقدر يسحب الحرارة من عند البروسيسور عشان يحافظ على درجة حرارته منخفضة.

وبيعتمد الموبايل على ذاكرة عشوائية سعتها ٨ جيجابايت رام في الإصدارين اللي بييجوا بذاكرة داخلية سعتها ١٢٨ جيجابايت و٢٥٦ جيجابايت وبيقبل الموبايل كروت الميموري لحد ٢٥٦ جيجابايت من فئة نانو اللي لسا مش منتشرة بقوة لحد دلوقتي، وبيتميز الموبايل بإن فيه ٢١ هوائي في المجمل منهم ١٤ هوائي خاصين بتقنية الاتصالات 5G، وطبعًا في نسخة من الموبايل بتدعم 4G بس.

بطارية Huawei Mate 30 Pro سعتها ٤٥٠٠ ميللي أمبير في الساعة، واللي بتتميز بتقنية شحن سريع بقوة ٤٠ وات وتقنية شحن لاسلكي سريعة قوتها ٢٧ وات.

سعر موبايل Huawei Mate 30 Pro لإصدار ٨/٢٥٦ جيجابايت 4G هيبقى ١١٠٠ يورو في الوقت اللي هيصدر فيه الموبايل وجه هيكون في شهر أكتوبر الجاي

شوف عروض أسعار موبايل Huawei Mate 20 Pro من هنا.

بمجرد طرحه في السوق هتعرف سعر Huawei Mate 30 Pro من هنا.

موبايل Huawei Mate 30

بيختلف Huawei Mate 30 قريب جدًا من الإصدار الأقوى Mate 30 Pro بمجموعة من الاختلافات من بينها الشاشة اللي قطرها ٦٫٦٢ بوصة وبرضه شاشة OLED ودقتها ٢٣٤٠ × ١٠٨٠ بيكسل وبرضه مدعمة بتقنيات HDR10 وDCI-P3 بس بتختلف في إنها بتعتمد على شاشة مسطحة من غير حواف جانبية دائرية والشق أعلى الشاشة أقل شويه من حيث حجمه وده لاختلاف المستشعرات اللي موجودة في الشق، وطبعًا الموبايل زيه زي Mate 30 Pro بيعتمد على ماسح بصمة مدمج في الشاشة.

بيحتفظ الموبايل بعدستين من الكاميرا الخلفية للموبايل الأقوى، وهما العدسة الرئيسية بقوة ٤٠ ميجا بيكسل وفتحة f/1.8 والعدسة المقربة اللي قوتها ٨ ميجا بيكسل اللي بتوصل لدرجة تقريب قدرها 3x، أما العدسة الالتة فقوتها ١٦ ميجا بيكسل بفتحة f/2.2 وهي عدسة بالغة العرض، والعدسة الامامية كمان قلت شوية وبقت ٢٤ ميجا بيكسل.

الموبايل داخليًا مش بيختلف لأنه بيعتمد على نفس البروسيسور وبرضه فيه إصدار 4G وإصدار 5G والاختلافات بينهم بسيطة، والموبايل برضه بييجي برامات سعتها ٨ جيجابايت رام وكمان بذاكرة داخلية سعتها ١٢٨ جيجابايت، أما بطارية الموبايل فسعتها ٤٢٠٠ ميللي أمبير في الساعة وبتدعم نفس تقنيات الشحن السريع والشحن اللاسلكي السريع اللي في الموبايل التاني.

موبايل Huawei Mate 30 هيطرح في الأسواق بداية من شهر أكتوبر الجاي بسعر ٨٠٠ يورو

شوف عروض أسعار موبايل Huawei Mate 20 من هنا.

بمجرد طرحه في السوق المصري هتعرف عروض أسعار موبايل Huawei Mate 30 من هنا.

شوف عروض أسعار موبايلات Huawei من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.