كتبت: سارة عمار

المكواة مش بس مهمة في البيت، لأ دي أهميتها بتوصل لدرجة كبيرة لما تساعدنا نفرد لبس متكسر قبل مقابلة عمل، أو نكوي الكرافتة قبل ما نخرج لاجتماع مهم، ده غير إنها بتوفر علينا فلوس المكوجي وتعتبر هواية مفضلة جوه البيت.

النهارده ياقوطة هتقولكم إيه هي الحاجات اللي لقيناها في مكواة بلاك & وايت بالبخار من مميزات وإيه اللي ظهرلنا من عيوب.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

تقييم المواصفات

• إنها تشتغل عن طريق تزويدها بالمياه لحد ما يتم ملء الخزان الصغير وعن طريق البخار، ده بيخلّي الكوي كويس، لكن ممكن الأملاح اللي في المياه المتبقية بعد استخدامي تسد الفتحات بتاعة البخار.
• لازم تخلوا بالكم من الصناعة، لأنه ممكن ما يكونش سطحها من مادة أصلية فتلزق فيها الهدوم.
• قدرتها بالظبط ٢٢٠٠ وات.

المميزات

• سلكها طويل.
• ضبط حرارة القماش سهل.
• فلتر المياه محكم الغلق.

تقييم المميزات

• السلك طويل وقابل للثني وفي مكان أربطه عليه عشان يحفظه من التلف.
• قبل ما أبدأ أكوي بظبط درجة الحرارة، ويُفضل قبل ما تتوصل بالكهرباء، بلاش وهي متوصلة تفضلي تظبطي فيها.
• المياه بعد ما أملا الفلتر وأحركها أو أقلبها مش بتنزل منها أو تنقط.

العيوب

• صعوبة التنظيف.
• مش قوية في كوي الجينز.
• بتفصل لمدة تعتبر متوسطة.

تقييم العيوب

• عشان أنضفها محتاجاها تبرد ولو بردت صعب إني أغسلها كلها أو أنضفها بحاجة.
• المكواة حلوة وبتكوي بشكل انزلاقي جميل، لكنها ما عجبتنيش في تثبيت الكسرات والجينز.

تقييم الأداء

• مش بتاخد وقت على بال ما تسخن، بتسخن بسرعة.
• بتكوي لحد ٣ طبقات كويس أكتر من كده لأ، ما ينفعش تكوي بيها الستاير.

خدمات ما بعد البيع

• قطع الغيار: متوفرة بالطلب.
• الصيانة: متاحة.
• الضمان: أقصى ضمان لمدة سنتين.
• خدمة العملاء: متاحة.

تقييم خدمات ما بعد البيع

• قطع الغيار: المكواة عبارة عن ملف حراري وموتور، وأي قطعة بتبوظ فيها خلاص كده، اشتري بتمن قطع الغيار واحدة جديدة.
• الصيانة: للمكواة فنيين بس العميل يروحلهم مش هم اللي ييجوا لحد عنده.
• الضمان: مش بيفيد في الحالات المهمة وفعلًا بتكون عيب تصنيع زي القاعدة اللي بتقف عليها المكواة وممكن تتكسر.
• خدمة العملاء: متاحة بس المكواة مش واخدة الاهتمام الأكبر الغسالات والتلاجات أهم.

السعر

شوف مكواة بلاك & وايت بالبخار من هنا.

في حاجات أقوى زي باناسونيك ودي تمنها أغلى وطبعًا ذات إمكانيات أعلى، شوفها من هنا.

لو استخدمت المكواة هنستناك تقولنا تجربتك في كومنت.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.