كتبت: أمنية عزمي

تقنية الـ 4K من أحدث وأقوى التقنيات الجديدة إللي كتير من الشركات بتعتمد عليها في صناعة شاشات تليفزيوناتها، وسامسونج واحدة من أقوى الشركات إللي بتهتم بالتقنية دي وبتراعي جودة شاشاتها والنتيجة صور مميزة للمستخدم، وده السبب إللي خلى كتير من المستخدمين تفضل شاشات سامسونج الـ 4k على المنافسين

تعالوا مع ياقوطة نتكلم بشكل مفصل أكتر عن تليفزيون سامسونج ٤٣ بوصة- ألترا إتش دي- 4K– سمارت- مع ريسيفر داخلي 43NU7100 علشان نساعدك تتعرف على أهم مواصفاته ومميزاته وكمان عيوبه ورأي العملاء فيه ودا هيخليك تقدر تكون صورة كاملة عنه، ولو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

• دقة الشاشة: 2160×3840.
• صوت دولبي: نعم.
• الأبعاد: 38.2×25.1×8.3
• إتصال إنترنت: Wi-Fi, Ethernet
• عدد سنوات الضمان: 2.
• جهاز استقبال مدمج: نعم.
• منافذ يو إس بي: 2.
• اتصال ذكي: نعم.
• منافذ HDMI: 3.
• نوع التلفزيون: تليفزيون ذكي.
• تصميم منحني: لا.
• حجم الشاشة بالبوصة 43 بوصة.
• اسم الموديل: 43NU7100
• وضع الصورة السينمائية: لا.
• وصف قصير: تليفزيون سامسونج 43 بوصة 4K أترا اتش دي سمارت ليد مع جهاز استقبال مدمج، 3 منافذ HDMI، منفذين USB.
• إيقاف التشغيل التلقائي: نعم.
• العلامة التجارية: سامسونج.

المميزات

• شاشة 4K فائقة الوضوح بدقة 3840×2160 بكسل، أقوى 4 مرات من أي شاشة عالية الوضوح واللي بتستمتع معاها بصورة حادة وواضحة بأصغر التفاصيل بحجم 43 بوصة.
• جودة فائقة الوضوح مع تقنية ألترا إتش دي اللي بتستمتع معاها بأدق التفاصيل النابضة بالحياة والسطوع وجودة الألوان الطبيعية.
• إل إي دي، صورة عالية السطوع هتشوف معاها المباريات والأفلام بشكل مختلف بصورة غنية بالألوان والتفاصيل.
• تقنية إتش دي آر 10+ (المدى الديناميكي العالي) اللي بتقدر تتابع معاها المحتوي بوضوح أكبر وألوان أكثر تفصيلا في كل ظروف الإضاءة.
• مع تقنية بيور كلر هتستمتع بالترفيه اللي بتتمناه مع كل تفاصيل الطبيعة بدقة ألوانها المذهلة اللي هتعيشها لحظة بلحظة.
• تعتيم فائق الوضوح، تباين الألوان فيه هيخليك تحس بالتفاصيل بدقة عالية حتى في أحلك المشاهد بفضل المستويات المحسنة من الألوان.
• حجم الشاشة كبير هتستمتع معاه بصورة أكبر وتعيش فيها الحدث لو كنت من هواة المباريات ووتنغمس معاها في أحداث الأفلام.
• الشاشة رفيعة جدًا وده بيديك اختيار تعليقها عالحائط واستغلال المساحة بشكل أفضل أو تحطها كقطعة ديكور أنيقة في المكان.
• 2 فتحة يو إس بي هتقدر توصل من خلالها كل وسائل الترفيه اللي تحبها وتشوف أفلامك وصورك وتسمع الموسيقى اللي تختارها.
• 3 منافذ HDMI تقدر توصل الشاشة من خلالهم بأي أجهزة زي ألعاب البلاي ستيشن.
• شاشة سمارت تقدر توصلها بالواي فاي وتتابع من خلالها وسائل التواصل الاجتماعي والتطبيقات وتتصفح الويب بسهولة ووضوح أكبر ومتعة الألعاب على الشاشة بدقة ألوانها وتفاصيلها.
• الشاشة سمارت بتقدر توصلها بموبايلك عن طريق الواي فاي وتستمتع بالصور والذكريات على موبايلك من خلال الشاشة.
• تقنية Open depth هتقدر تجمع من خلالها كذا تطبيق ومحتوى وتفتحهم على شاشة واحدة وتتنقل بينهم بسهولة.
• مميز بصوته دولبي قوي ديجيتال هتعيش معاه التجربة كأنك في السينما.
• ريسيفر داخلي بتتابع منه القنوات العالمية بسهولة من خلال جهاز تحكم واحد.

العيوب

• فترة الضمان سنتين فقط ودي فترة قليلة لأن أقل ضمان بيكون 3 سنوات.
• الريموت كنترول مستوى جودته مش عالية.
• الصوت بيضعف لما توصله بالبلوتوث.
• مفيش خيار بيمنع إعلانات سامسونج من الظهور لما بتوصله بالإنترنت.

خدمة ما بعد البيع

• مراكز الصيانة متوفرة في كل أنحاء الجمهورية على رقم 19089 ومتوفر عندهم قطع الغيار الأصلية بالضمان.
• مستوى خدمة العملاء محتاج يتحسن لأن فيه شكاوى كتير منهم.

تجربة المستخدم

• الآراء منقسمة لرأيين، منهم ناس بتشكر في الشاشة جدًا وبتقول إن الألوان والصوت والوضوح عالي جدًا وانها أحسن الشاشات اللي شافتها واشترتها عن اقتناع تام، والرأي التاني بيقول إن الشاشة بتيجي بعيوب أو بتظهر فيها بعد فترة قصيرة زي خطوط عرض في الشاشة ودول قالوا إنهم شاريين من عروض في كارفور.
• فيه شكوى من الصيانة من ناس كتير وإنهم مش بيلتزموا بالتصليح في فترة الضمان.

شوف تليفزيون سامسونج 43 بوصة- ألترا إتش دي- 4K- سمارت- مع ريسيفر داخلي 43NU7100 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال   

أمنية عزمي، بكتب من 12 شهر. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة 100%.