أهم أنظمة المسرح المنزلي على ياقوطة
كتب: خالد عاصم
أساليب الترفيه المنزلية اختلفت بشكل كبير، فدلوقتي تقدر تتفرج على الأفلام بأعلى جودة ممكنة وبالتقنيات الموجودة في السينما في بيتك بسهولة، وكمان تقدر تلعب كل ألعاب الفيديو اللي ممكن تتخيلها حتى اللي بتعتمد على الواقع الافتراضي واللي كنا بنحتاج نروح لأماكن متخصصة في الألعاب عشان نجربها، ده غير حاجات كتير من أساليب الترفيه والمتعه اللي بقت موجودة في بيوتنا.
عشان تقدر تستمتع بكل سبل الترفيه دي بتحتاج لشوية حاجات، أهمها طبعًا التليفزيون اللي اللي بتقدر من خلاله تشوف الفيلم أو اللعبة، والتليفزوينات دلوقتي اتطورت تطور كبير جدًا سواء على مستوى الجودة أو التقنيات وبقت تقدر تقدم أفضل جودة ممكنة وكمان بقت توصل لأحجام ضخمة فالسنه دي مثلا سامسونج هتنزل تليفزيون في العالم قطره أكتر من ٢٠٠ بوصة، ده غير الأقطار الموجودة في مصر اللي بتوصل لحد ٨٠ بوصة، وممكن كمان تشتري بروجيكتور وتحول أوضة من أوض بيتك لسينما منزلية ودلوقتي أجهزة البروجيكتور كمان وصلت لتطور كبير جدًا، بس سواء جبت تليفزيون أو بروجيكتور فالمتعة مش هتكمل من غير نظام صوت قوي يقدر يكملك إيحاء السينما أو يخليك تعيش جوا أجواء اللعبة بشكل كامل، ومفيش حاجة تقدر تديلك الإيحاء الكامل ده أحسن من المسرح المنزلي اللي مُصمم مخصوص عشان يقدر يديلك أكبر قوة وأدق صوت بتميز أحدث التقنيات.
بيختلف المسرح المنزلي عن أي نظام صوت تاني من خلال مجموعة من المميزات، أولها عدد السماعات ومكبرات الصوت وكمان تنوع وظائف السماعات دي، بالإضافة كمان للتقنيات المتميزة اللي بيتميز بيها المسرح المنزلي زي تقنيات دولبي مثلًا زي Surround ودولبي أتموس Dolby Atmos اللي تعتبر أحدث التقنيات الصوتية واللي بتديلك القدرة إنك تحس بصوت كل ذرة بتتحرك في الفيلم أو اللعبة اللي بتتفرج عليها وطبعًا لازم يكون الفيلم أو اللعبة وكمان الجهاز اللي شغالين عليها يكونوا بيدعموا الخاصية دي.
النهارده هيكون كلامنا في المقال ده عن المسرح المنزلي وهنتعرف على مجموعة من أفضل أنواعه في مختلف الفئات والأسعار وهنتعرف على مواصفات وتقنيات الأنواع دي، كل أجهزة المسرح المنزلي اللي هنتكلم عنها في المقال ده متوفرة على ياقوطة وهتقدروا تطلبوها من خلالنا وهتوصلكم لحد باب البيت أو مكان ما تحبوا بأسرع وقت ممكن.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أبرز أنواع المسرح المنزلي في السوق المصري
المسرح المنزلي الرائد
المسرح المنزلي Bose Lifestyle 600
واحد من أفضل أنظمة المسرح المنزلي في العالم بتقدمه شركة Bose المعروفة على مستوى تطوير المنتجات الصوتية المعروفة بقوتها وتميزها، النظام مكون من ٦ قنوات بتضم ٤ سماعات رأسية وساوند بار وصب ووفر ده طبعًا غير وحدة الاستقبال والتوصيل واللي بتضمن ٦ منافذ HDMI يعني تقدر تقبل الصوت عالي الجودة من ٦ أجهزة في وقت واحد تقدر تحول ما بينهم من خلال الريموت كنترول المتطور، النظام بيتميز بمختلف تقنيات الصوت على الإطلاق.
اتعرف على نظام المسرح المنزلي Bose Lifestyle 600 من هنا.
المسرح المنزلي Sony BDV-N9200W
مسرح منزلي متطور جدًا من سوني الغنية عن التعريف طبعًا، النظام بيتكون من خمس مكبرات صوت مغناطيسية رأسية، معاهم مضخم صوت بيس متميز جدًا وقوي جدًا، ده غير وحدة تشغيل أقراص DVD وBlu Ray بتخليك تقدر تشغل كل الأفلام اللي بتحبها بأعلى جودة ممكنة، النظام فيه تقنيات كتير جدًا ومختلفة وبيدعم عدد كبير من أساليب الاتصال السلكية واللاسلكية وكمان يدعم تشغيل الأفلام بجودة 4K وتقنية دولبي أتموس وغيرها كتير من التقنيات.
اتعرف على نظام المسرح المنزلي Sony 3D N9200W من هنا.
نظام المسرح المنزلي Harman Kardon HKTS 65BQ/230
هارمن كاردون واحدة من أكبر الشركات المتخصصة في مجال الصوتيات وبتقدملنا نظام مسرح منزلي متميز جدًا مكون من أربع سماعات أمامية وخلفية قوية جدًا معاهم مكبر صوت صب ووفر لصوت البيس بيتميز بإنه بيتصل لاسلكيًا، بالإضافة إلى سماعة مركزية وطبعًا وحدة استقبال، النظام بيقدر يقدم قدرة صوت في الإجمالي قدرها ٣٠٠ وات ماتقلش عن أي نظام من اللي اتكلمنا عنهم قبل كده وكمان مدعوم بتقنيات ممتازة جدًا.
شوف نظام المسرح المنزلي Harman Kardon HKTS 65BQ/230 من هنا.
المسرح المنزلي LG LHB655NW 5.1
إل جي معروفة بتطويرها لأنظمة مسرح منزلي ممتازة جدًا منهم النظام ده المكون من أربع سماعات أمامية وخلفية متطورة معاهم صب ووفر قوي وسماعة مركزية وكمان وحدة بلو راي ممتاز جدًا بتقبل التوصيل اللاسلكي وكمان بتدعم الأفلام ثلاثية الأبعاد ده غير قدرتها على نقل إشارة الصوت للموبايل عشان تقدر تسمع صوت الفيلم أو المزيكا من غير ما تزعج اللي حواليك، قوة الصوت الإجمالية بتوصل لحد ١٠٠٠ واط كاملة وكمان مدوم بتقنيات متميزة جدًا من دولبي.
شوف نظام المسرح المنزلي LG LHB655NW 5.1 من هنا.
المسرح المنزلي المتوسط
المسرح المنزلي Bose Acoustimass 6 Series V
نظام مسرح منزلي مصغر من بوز، لكن ماتخليش الحجم يخدعك لأن الوة الصوتية للنظام ده ممتازة جدًا، النظام مبسط جدًا بيتكون من خمس ساعات ستالايت صغيرة ومعاهم صب ووفر قوي، وبيمتاز النظام ده بقدرته الصوتية القوية جدًا رغم حجم السماعات الصغير وده بيخلي مناسب للفرجة على الأفلام والمزيكا والألعاب وغيرها.
شوف عروض أسعار نظام المسرح المنزلي Bose Acoustimass 6 Series V من هنا.
المسرح المنزلي Sony DAV-DZ650
نظام مسرح منزلي متميز من سوني بقدرة صوتية بتوصل لحد ١٠٠٠ وات مكون من خمس سماعات رئيسية بتختلف على مستوى النوع والوظيفة وكمان معاه صب ووفر قوي جدًا بيقدر يوفر صوت بيس عميق ومتميز، وبيمتاز النظام بسهولة حمله بسبب خفة وزنه وكمان حجمه المدمج اللي بيتميز بتقنيات ممتازة.
شوف نظام المسرح المنزلي Sony DAV-DZ650 من هنا.
المسرح المنزلي Harman Kardon HKTS 9BQ
نظام متميز جدًا مكون من ٤ سماعات أمامية بقوة ١٠ وات لكل سماعة مع صب ووفر بقوة ٢٠٠ وات وقدرة كلية للنظام كله قدرها ٣٠٠ وات، النظام متطور جدًا رغم صغر حجمه وبيتميز بعدد كبير من التقنيات الممتازة.
شوف المسرح المنزلي Harman Kardon HKTS 9BQ من هنا.
اتعرف على أنظمة المسرح المنزلي المختلفة المتوفرة على ياقوطة.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.