أكتر ٥ مراوح استاند مبيعًا على ياقوطة
كتبت: منى عوض
الصيف على الأبواب، ولإن الصيف من فترة طويلة بقى يبتدي بدري ومعدل الرطوبة في الجو بقى أكتر من زمان فكتير جدًا مننا بيعتمد على المروحة حتى لو عنده تكييف لإن المروحة اقتصادية في الكهرباء، وكمان كتير بيكون الجو مش محتاج تكييف والمروحة تغني عنه.
هنتكلم في المقال ده عن مواصفات ومزايا أكتر 5 مراوح شعبية على ياقوطة، وممكن تعرف كمان من خلالنا أحسن الأسعار لأي مروحة منهم من خلالنا وتطلبها وهتوصل لغاية عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
مروحة فريش استاند قمر 14 بوصة
المواصفات
- حجم المروحة: 14 بوصة.
- عدد السرعات: 3.
- عدد ريش المروحة: 5 ريش.
المميزات
- تصميم المروحة كويس وعصري وحجمها خفيف ومن الممكن التنقل بيها من مكان لآخر، ده بجانب إنها مثبتة على قاعدة عريضة عشان تقدر توفر ثبات أكبر خلال التشغيل.
- حجم المروحة 14 بوصة وده حجم مناسب للأماكن اللي مساحتها متوسطة.
- المروحة بتتميز بوجود 3 سرعات مختلفة عشان تقدر تختار منهم اللي يناسبك.
- المروحة مزودة بريموت كنترول عشان تقدر تشغلها أو تقفلها أو تتحكم في سرعتها من غير ما تقوم من مكانك.
- المروحة مزودة بمؤقت مدته تصل إلى 12 ساعة عشان تقدر تتحكم في مدة تشغيلها.
- من الممكن التحكم في مستوى ارتفاع المروحة زي ما إنت عايز وكمان في اتجاه تدفق الهواء سواء لأعلى أو أسفل.
- من الممكن التحكم في اتجاه الهواء من دوران الشبكة الخارجية للمروحة.
- المروحة مزودة بشاشة صغيرة لعرض درجة حرارة الغرفة والوقت المتبقى لعمل المروحة إذا كنت ظابط التايمر طبعًا.
العيوب
- حجم المروحة بيخليها مش مناسبة للأماكن الكبيرة.
ممكن تشوف مروحة فريش استاند قمر 14 بوصة من هنا.
مروحة استاند من يونيور إير 18 بوصة
المواصفات
- حجم المروحة: 18 بوصة.
- عدد السرعات: 3.
- عدد ريش المروحة: 3 ريش.
المميزات
- تصميم المروحة شكله جميل وكمان مزودة بقاعدة عريضة للحفاظ على ثباتها عند التشغيل.
- حجم المروحة 18 بوصة وده معناه إنها تنفع للأماكن الواسعة وكمان تدفق بيتم من خلالها بكفاءة عالية وتوزيع الهواء بيتم بشكل كبير في جميع أنحاء المكان اللي المروحة موجودة فيه.
- المروحة مزودة بـ 3 سرعات مختلفة للاختيار منهم.
- المروحة مزودة بريموت كنترول عشان تقدر تتحكم فيها زي ما إنت عايز ومن مكان ما إنت عايز.
- المروحة هادئة جدًا ومش بتسبب أي إزعاج أثناء فترة تشغيلها.
- المروحة مزودة بمؤقت عشان تقدر تتحكم في مدة تشغيلها.
- المروحة مزودة بشاشة عرض صغيرة لعرض درجة حرارة الغرفة والوقت المتبقى لعمل المروحة.
العيوب
- ساعات بيكون فيه عدم إتزان المروحة في حالة تشغيلها بأعلى سرعة متاحة.
- خدمة العملاء وما بعد البيع للشركة وحش جدًا.
ممكن تشوف مروحة استاند من يونيور إير 18 بوصة من هنا.
مروحة استاند تورنيدو 16 بوصة
المواصفات
- حجم المروحة: 16 بوصة.
- عدد السرعات: 3 سرعات.
- عدد ريش المروحة: 5 ريش.
- الضمان: 5 أعوام.
المميزات
- تصميم المروحة شكله شيك وممكن ينفع مع أي ديكور.
- المروحة مزودة بقاعدة عريضة لضمان تحقيق ثبات أكبر خلال تشغيل المروحة.
- المروحة مزودة بـ 3 سرعات مختلفة للاختيار منهم.
- المروحة مزودة بريموت كنترول للتحكم فيها عن بعد.
- المروحة تنفرد بخاصية الدوران الأفقى بزاوية 360 درجة، بجانب إمكانية التحكم في الدوران الرأسى بزاوية 90 درجة يدوي.
- المروحة مزودة بمؤقت زمني يسمح بتشغيلها حتى 8 ساعات.
العيوب
- المروحة مش مزودة بشاشة عرض صغيرة زي معظم المنافسين.
ممكن تشوف مروحة استاند تورنيدو 16 بوصة من هنا.
مروحة نوفال استاند بالشحن فانسي 16 بوصة
المواصفات
- حجم المروحة: 16 بوصة.
- عدد ريش المروحة: 3 ريش.
- مدة إعادة شحن المروحة: 12 ساعة.
المميزات
- المروحة تصميمها كويس ومزودة بقاعدة عريضة لتحقيق ثبات أفضل أثناء التشغيل.
- المروحة حجمها كبير وده بدوره بيساعد في توزيع الهواء بشكل أكبر في جميع أنحاء الغرفة أو المكان اللي المروحة موجودة فيه.
- المروحة مزودة ببطارية قابلة للشحن في مدة تصل إلى 12 ساعة وده معناه إنك تقدر تشغلها من غير ما تحتاج تيار كهربائي لمدة تتراوح بين 3 إلى 6 ساعات.
- المروحة مزودة بـ 3 سرعات مختلفة عشان تختار منهم اللي يناسبك.
- المروحة مزودة بلمبة LED بتدي لون أخضر لما تكون المروحة شغاله وضوء أحمر لما تكون بتشحن.
- صوت المروحة هادئ ومش بتسبب أي إزعاج أثناء تشغيلها.
العيوب
- دوران رأس المروحة وتوزيعها للهواء بيتم بشكل سريع شوية، وده بيكون متعب لكتير من المستخدمين. ده غير عدم الإحساس بتوزيع الهواء بشكل كويس.
ممكن تشوف مروحة نوفال استاند بالشحن فانسي 16 بوصة من هنا.
مروحة استاند توشيبا 16 بوصة
المواصفات
- حجم المروحة: 16 بوصة.
- عدد ريش المروحة: 4 ريش.
- عدد السرعات: 3 سرعات.
- سرعة المروحة: 1300 لفة / دقيقة.
- الضمان: 5 أعوام.
المميزات
- تصميم المروحة عصري وشيك وألوانها كويسة جدًا وكمان قاعدتها العريضة تقدر تضمن ثبات أكبر للمروحة خلال الاستخدام.
- حجم المروحة كبير عشان يساعد في توزيع الهواء بشكل أكبر وبكفاءة أعلى في جميع أنحاء المكان اللي المروحة موجودة فيه.
- المروحة مزودة بـ 3 سرعات مختلفة للاختيار بينهم.
- صوت المروحة هادئ ومش بتسبب أي إزعاج أثناء تشغيلها.
- عمرها طويل وأعطالها قليلة.
العيوب
- المروحة مش مزودة بريموت كنترول.
- المروحة مش مزودة بشاشة عرض صغيرة ولا لمبة LED.
ممكن تشوف مروحة استاند توشيبا من هنا.
ممكن تختار من بين تشكيلة متنوعة من المراوح من هنا.
شوف دليل ياقوطة لشراء مراوح الصيف.
ممكن كمان تشوف أهم مواصفات مروحة الصيف من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.