كتب: خالد عاصم

بفضل المميزات الكبيرة اللي بيقدمها تطبيق شهري وبيتميز بيها عن أي تطبيق تاني من تطبيقات التقسيط، قدر شهري إنه يوصل لعدد كبير جدًا من المستخدمين اللي قدروا من خلاله يشتروا كل اللي محتاجين بأسهل وبسط إجراءات تقسيط ممكن تلاقيها في أي تطبيق تاني، وعشان كده اتعملت آلاف عمليات التقسيط خلال الفترة البسيطة اللي فاتت واللي منها اختارنا أكتر المنتجات اللي تم شراءها من خلال تطبيق شهري في التلات شهور اللي فاتوا.

فمن خلال المقال ده ومقالات تانية هنتعرف على أكتر المنتجات شراء من خلال تطبيق شهري وفي المقال ده تحديدًا هنتكلم عن الموبايلات، عشان نعرف مستخدمين شهري خلال الشهور التلاته اللي فاتوا اختاروا موبايلات إيه عشان يشتروها بأبسط وأسهل وأسرع إجراءات تقسيط في مصر.

وممكن انت كمان تكون زيهم وتنضم لأسرة عملاء شهري، ولو عجبك أي موبايل من اللي هنتكلم عنهم في المقال ده هتقدر تطلبه من خلالنا في ياقوطة ودلوقتي مع شهري، تقدر تشتري أي موبايل أو تابلت بدون مقدم ولغاية 36 شهر لدى شركائنا، واللي ممكن تعرفهم من أبليكيشن شهري.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أكتر الموبايلات مبيعًا من خلال شهري آخر تلات شهور

موبايل Samsung Galaxy A12 إصدار ٤/٦٤ جيجابايت

الموبايل الأكتر مبيعًا من خلال شهري في التلات شهور اللي فاتوا هو موبايل Samsung Galaxy A12، هو ده الموبايل المفضل من كتير من مستخدمي التطبيق وده لأنه بيتمتع بإمكانيات مقبولة جدًا مع توفره بسعر مقبول، وبيعتمد الموبايل على شاشة LCD بقطر ٦٫٥ بوصة وجودة HD Plus، وفيها كاميرا أمامية بدقة ٨ ميجا بيكسل، أما الكاميرا الخلفية فمكونة من عدسة رئيسية بدقة ٤٨ ميجا بيكسل وعدسة بالغة العرض بدقة ٥ ميجا بيكسل وعدستين بدقة ٢ ميجا بيكسل للبورتريه والماكرو.

أما معالج الموبايلت فهو Helio P35 من ميدياتك وهو معالج بمعمارية ١٢ نانوميتر مكون من ٨ شرائح، والموبايل اللي قدر يتسحوذ على إعجاب كل المستخدمين دول هو بإصدار الذاكرة العشوائية ٤ جيجابايت رام والذاكرة الداخلية ٦٤ جيجابايت واللي تقدر تزودها من خلال كروت الميموري، أما بطارية الموبايل فسعتها ٥٠٠٠ ميللي أمبير في الساعة بتدعم تقنية الشحن السريع.

اتعرف على عروض أسعار موبايل Samsung Galaxy A12 على ياقوطة من هنا.

موبايل Oppo Reno6 4G إصدار ٨/١٢٨ جيجابايت

من الموبايلات اللي قدرت تحقق مبيعات كبيرة في التلات شهور اللي فاتوا من خلال تطبيق شهري، موبايل Oppo Reno6 4G اللي بيعتمد على شاشة AMOLED بقطر ٦٫٤ بوصة بجودة Full HD Plus وبتدعم معدل تحديث ٩٠ هيرتز، والموبايل بيعتمد على بروسيسور كوالكوم سنابدراجون 720G بمعمارية ٨ نانوميتر واللي يعتبر واحد من أنجح المعالجات اللي عملتها كوالكوم وأوسعها انتشارًا، والموبايل بييجي بإصدارات متعددة أنجحهم هو إصدار ٨/١٢٨ جيجابايت.

بيعتمد الموبايل على كاميرا خلفية رباعية بعدسة رئيسية بدقة ٦٤ ميجا بيكسل وعدسة بالغة العرض بدقة ٨ ميجا بيكسل وعدستين بورتريه وماكرو بدقة ٢ ميجا بيكسل أما الكاميرا الأمامية فبدقة ٤٤ ميجا بيكسل، والموبايل بييجي ببطارية سعتها ٤٣١٠ ميللي أمبير في الساعة مدعومة بتقنية الشحن السريع بقوة ٥٠ وات.

اتعرف على عروض أسعار موبايل Oppo Reno6 4G على ياقوطة من هنا.

موبايل Redmi Note 11 إصدار ٦/١٢٨ جيجابايت

ما ينفعش يكون فيه قائمة للأعلى مبيعًا ومايكونش فيها موبايل من Redmi، والقائمة دي بتضم موبايل Redmi Note 11 اللي بيتميز بمميزات كتير جدًا زي شاشته من فئة AMOLED اللي بتيجي بقطر ٦٫٤٣ بوصة بجودة Full HD Plus وبتدعم معدل تحديث ٩٠ هيرتز، والموبايل بيتميز بحماية على الشاشة وكمان حماية ضد الغبار للمياه، أما كاميراته فامامية بدقة ١٣ ميجا بيكسل وخلفية بدقة ٥٠ ميجا بيكسل للرئيسية و٨ ميجا بيكسل لبالغة العرض و٢ ميجا بيكسل للعدستين الإضافيتيين.

وبيقدر الموبايل يقدم أداء كويس جدًا بفضل بروسيسور كوالكوم سنابدراجون ٦٨٠ المدعوم في الإصدار ده بذاكرة عشوائية سعتها ٦ جيجابايت رام وذاكرة داخلية سعتها ١٢٨ جيجابايت، وبيقدر الموبايل يقدم أداء ممتاز على مستوى البطارية اللي بتيجي بسعة ٥٠٠٠ ميللي أمبير في الساعة ومدعومة بتقنية الشحن السريع بقوة ٣٣ وات.

اتعرف على عروض أسعار موبايل Redmi Note 11 على ياقوطة من هنا.

موبايل Samsung Galaxy A52s 5G إصدار ٨/١٢٨ جيجابايت

واحد من أنجح موبايلات سامسونج خلال الفترة اللي فاتت هو موبايل Samsung Galaxy A52s 5G واللي قدر يبقى كمان من أكتر الموبايلات شراء من خلال تطبيق شهري خلال الفترة دي، الموبايل بييجي بشاشة Super AMOLED بقطر ٦٫٥ بوصة بجودة Full HD Plus ومعدل تحديث ١٢٠ هيرتز محمية بطبقة كورنينج جوريلا جلاس ٥ والموبايل كله محمي ضد المياه.

بيعتمد الموبايل على بروسيسور كوالكوم سنابدراجون 778G بمعمارية ٦ نانوميتر واللي بيدعم تقنية 5G والإصدار الممتاز ده بيعتمد على رامات ٨ جيجابايت رام وذاكرة داخلية ١٢٨ جيجابايت ممكن تزودها من خلال كروت الميموري أما البطارية فسعتها ٤٥٠٠ ميللي أمبير في الساعة مدعومة بتقنية الشحن السريع بقوة ٢٥ وات.

الموبايل كمان متميز على مستوى الكاميرا، فالعدسة الرئيسية بدقة ٦٤ ميجا بيكسل والعدسة بالغة العرض بدقة ١٢ ميجا بيكسل وعدستين البورتريه والماكرو بدقة ٥ ميجا بيكسل أما العدسة الأمامية فبدقة ٣٢ ميجا بيكسل.

اتعرف على عروض أسعار موبايل Samsung Galaxy A52s 5G على ياقوطة من هنا.

موبايل Samsung Galaxy A32 إصدار ٦/١٢٨ جيجابايت

بتستمر سامسونج معانا في القائمة دي من خلال موبايل Samsung Galaxy A32 اللي بييجي بشاشة Super AMOLED بقطر ٦٫٤ بوصة وجودة Full HD Plus وبتدعم معدل تحديث ٩٠ هيرتز، وفيها كاميرا أمامية بدقة ٢٠ ميجا بيكسل، أما تكوين الكاميرا الخلفية فهو ٦٤ ميجا بيكسل و٨ ميجا بيكسل و٥ ميجا بيكسل.

الموبايل بيعتمد على بروسيسور MediaTek Helio G80 بمعمارية 12 نانوميتر والإصدار ده بذاكرة عشوائية سعتها 6 جيجابايت رام وذاكرة داخلية سعتها 128 جيجابايت، وبيعمد الموبايل على بطارية سعة 5000 ميللي أمبير في الساعة مدعومة بتقنية الشحن السريع بقوة 15 وات.

اتعرف على عروض أسعار موبايل Samsung Galaxy A32 على ياقوطة من هنا.

موبايل Redmi Note 10s إصدار ٦/١٢٨ جيجابايت

بتظهر معانا موبايلات Redmi مرة تانية في قائمة أعلى الموبايلات شراء من خلال تطبيق شهري والمرة دي مع موبايل Redmi Note 10s التميز اللي بييجي بشاشة AMOLED بقطر ٦٫٤٣ بوصة بجودة Full HD Plus ومحمية بطبقة من كورنينج جوريلا جلاس ٣، وأعلى الشاشة هنلاقي الكاميرا الأمامية اللي دقتها ١٣ ميجا بيكسل وفي الضهر كاميرا خلفية رباعية مكونة من عدسة ٦٤ ميجا بيكسل وعدسة بالغة العرض ٨ ميجا بيكسل وعدستين بورتريه وماكرو ٢ ميجا بيكسل.

الموبيل بيعتمد على معالج MediaTek Helio G95 بمعمارية ١٢ نانوميتر والإصدار اللي معانا في القائمة هو إصدار رامات ٦ جيجابايت رام وذاكرة داخلية ١٢٨ جيجابايت، أما بطارية الهاتف القوية جدًا فسعتها ٥٠٠٠ ميللي أمبير في الساعة مدعومة بتقنية الشحن السريع بقوة ٣٣ وات.

اتعرف على عروض أسعار موبايل Redmi Note 10s على ياقوطة من هنا.

موبايل Nokia 106

مستخدمين تطبيق شهري منسيوش كمان الموبايلات العادية وبقوتهم الشرائية قدروا يوصلوا موبايل Nokia 106 الكلاسيكي لقائمة النهاردة، والموبايل بيعتمد على شاشة بقطر ١٫٨ بوصة وبيدعم شريحتين وفيه راديو وبطارية قوية بتقدر تقعد لحد ٩ ساعات من المكالمات المتواصلة.

اتعرف على عروض أسعار موبايل Nokia 106 على ياقوطة من هنا.

اتعرف على عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.