كتبت: أمنية عزمي

حلل الضغط من أوائل الاختراعات اللي بدأت تسهل تجهيز الأكل والوجبات في وقت قليل وبدون تعب، وبتعتمد في تسويتها على طرد الهواء والحفاظ على البخار وتحويله لسوائل والضغط الداخلي فيها بيصل لأعلى من 100 درجة مئوية، وبالتالي بتسوي الأكل بشكل صحي جدا وبتوفر 70% من الوقت المستخدم في الأواني العادية، والميزة فيها إنها بتحافظ على نكهة الطعم الأصلي وفوايده، وبالتأكيد بتوفر في الطاقة ومش بتحتاج مراقبة مستمرة. وهنتكلم في ياقوطة عن أفضل 5 أنواع لحلل الضغط.

هنوضح مواصفات ومميزات وعيوب كل نوع وأحسن سعر ليه، ولو عجبك أي نوع وحبيت تشتريه تقدر تطلبه من خلالنا وهيوصلك لحد البيت، وبنفكرك إنك ممكن تشتري حلة الضغط من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وصورة إيصال مرافق وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

بشكل عام قبل ما نتكلم عن أفضل الأنواع مهم نوضح المعايير اللي بيتم على أساسها اختيار أفضل حلة ضغط تكون مثالية وتعيش معاك عمر طويل.

1. عامل الأمان.. ودا أهم حاجة لتفادي الحوادث والحروق، والحلل الحديثة بتكون مصممة بصمام أمان يسمح بخروج البخار ويتخلص من الضغط داخل الحلة ويفضل إنه ما يسمحش للحلة بالفتح إلا بعد خروج البخار بشكل كامل.
2. مؤشر تنظيم وضبط الضغط.. وبيكون مفيد في 3 حالات وهي عملية مراقبة الضغط الموجود في الحلة، وتنبيهنا في حالة الضغط المرتفع لتفريغ الزائد منه، وإمكانية تحديد نسبة الضغط اللي تحب تستخدمها من خلال مؤشر تنظيم الضغط.
3. نظام الإغلاق في غطاء الحلة.. بما إن البخار المضغوط هو أكبر خطر عليك، بالتالي من المهم جدا إن نظام الإغلاق في غطاء الحلة ما يسمحش بعملية الفتح إلا بعد التأكد من تفريغ الضغط الموجود في الحلة بالكامل.
4. خامات الصنع.. معظم حلل الضغط بتصنع من الاستانلس ستيل عالي الجودة ولازم تتأكد من نوع الاستانلس ستيل إنه يكون 10/18 (يعني 10% نيكل، و18% من الكروم) لأن الكروم هو اللي بيخلي الحلة عمرها طويل لأنه مقاوم للتآكل، أما النيكل هو اللي بيضيف للحلة اللمعان ونعومة السطح الخارجي.
5. سعة الحلة.. حجم الحلة معناها كمية السوائل اللي ممكن تستوعبها وكمان كمية الطعام وحجمه، والاختيار هنا بيكون حسب عدد أفراد الأسرة ونوع وحجم الأطعمة، وفي أحجام مختلفة من 4 لتر ل 14 لتر بتختار المناسب ليك منها.
6. توفر قطع الغيار.. ودي من الحاجات المهمة اللي بتدي للمستهلك ثقة في النوع اللي بيختاره لأنها تعتبر من السلع المعمرة وتوفر قطع غيارها ووجود منافذ صيانة ليها بيكون مطلب أساسي.

حلة ضغط  كليبسو ستانلس ستيل من تيفال بسعة 10 لتر- P4371563

مواصفات حلة ضغط  كليبسو من تيفال بسعة 10 لتر- P4371563

• العلامة التجارية: تيفال
• الخامة: ستانلس ستيل 18/10
• اللون: فضي

مميزات حلة ضغط  كليبسو من تيفال بسعة 10 لتر- P4371563

• مصنعة بالكامل من أجود أنواع الستانلس ستيل وبالتالي صحية تماما ومش بتتفاعل مع أحماض وقلويات الطعام.
• بتوفر الأمان التام عن طريق تصميمها بعدد 6 أجهزة للأمان في الاستخدام.
• الغطاء مزود بمؤشر قفل أمان عبارة عن رأس حمراء تشبه اللمبة الليد بيوضح التوقيت اللي ممكن تفتح فيه الغطاء بأمان لما يكون لأسفل.
• مزودة بمؤشر ضغط يعمل بنظام نفث بخاري نموذجي مع رسم توضيحي عليه لنفث البخار حسب نوع الأكلة سواء لحوم أو أسماك أو خضار.
• مصممة بقاعدة سميكة ثلاثية بتتحمل درجات الحرارة العالية وبتوزع الحرارة بشكل متوازن في كل أنحاء الحلة لتسوية مثالية.
• حجمها متوسط ومثالي لطهي كل الأنواع زي اللحوم والخضروات والشوربة والحبوب على البخار.
• سهولة الاستخدام في إنك بتقدر تستخدمها وتتحكم في غلقها وفتحها بيد واحدة.
• مزود بحلقة من السيليكون فريدة من نوعها بتضمن عملية فتح وغلق للحلة بسهولة وأمان.
• بتقدر تستخدمها على كل أي نوع مصدر حرارة سواء غاز أو كهرباء أوسيراميك أو هالوجين.
• سهولة فتحها بتتمثل في مقبض متحرك قابل للطي وبمجرد رفعه بيفتح غطاء الحلة بكل سهولة.
• مزودة بمصفاة داخلية بثقوب لتسوية الخضار بالبخار.
• بييجي معاها كتيب بيشرح طريقة استخدامها مع جدول محدد فيه كل أنواع الأكلات اللي ممكن تعملها فيها مع الجدول الزمني الخاص لكل أكلة.
• متوفرة بمقاسات مختلفة (8 و 9 و10 و11 و12 لتر).

عيوب حلة ضغط  كليبسو من تيفال بسعة 10 لتر- P4371563

• لا تحتوي على تايمر تنبيه لنهاية وقت الطهي.
• لا يمكن وضعها في عسالة الأطباق.
• بتحتاج خبرة في التعامل مع معرفة وقت الطهي المظبوط اللي بتحتاجه كل أكلة.

شوف حلة ضغط  كليبسو ستانلس ستيل من تيفال بسعة 10 لتر- P4371563 من هنا.

حلة ضغط فاجور كلاسيك 8 لتر

مواصفات حلة ضغط فاجور كلاسيك 10 لتر

• العلامة التجارية: فاجور
• الخامة: ستانلس ستيل 18/10
• بلد الصنع: أسبانيا

مميزات حلة ضغط فاجور كلاسيك 10 لتر

• صناعة أسباني وتعتبر من أفضل أنواع حلل الضغط المعروفة بجودة تصنيعها.
• مصنعة من أجود أنواع الستانلس ستيل وبالتالي صحية تماما ومش بتتفاعل مع أحماض وقلويات الطعام.
• بتوفر كل عناصر الأمان من خلال مشبكين أمان، وصمام ضغط دوار بيشتغلوا بشكل مستقل عن بعضهم، واحد منهم بيفتح تلقائيا لو ارتفع الضغط عن الحد الأقصى، والتاني عبارة عن صفارة دوارة بتتحكم في مستوى الضغط لو زاد عن الحد المناسب للطهي.
• تستخدم مع مختلف أسطح التسخين المعروفة سواء غاز أو كهرباء أوسيراميك أو هالوجين.
• بتتميز بسرعتها في تحضير الأكل وبتحافظ على القيمة الغذائية والفيتامينات والمعادن في كل أنواع الأكل.
• آمنة في الاستخدام وسهلة الفتح والغلق.
• أقصى ضغط بتتحمله 15 وحدة ضغط، وضغط العمل الطبيعي فيها 8 وحدة ضغط.

عيوب حلة ضغط فاجور كلاسيك 10 لتر

• غير مناسبة للاستخدامها في القلي.

شوف حلة ضغط فاجور كلاسيك 10 لتر من هنا.

حلة ضغط ستانلس ستيل من ماجفيسا 14 لتر

مواصفات حلة ضغط من ماجفيسا 14 لتر

• العلامة التجارية: ماجفيسا
• الخامة: ستانلس ستيل 18/10
• السعة: 14 لتر
• بلد الصنع: أسبانيا

مميزات حلة ضغط من ماجفيسا 14 لتر

• صناعة أسباني بتتميز بجودة خاماتها ودقة تصنيعها.
• مصنعة من أجود أنواع الستانلس ستيل وبالتالي صحية تماما ومش بتتفاعل مع أحماض وقلويات الطعام.
• سهلة في استخدامها، بمجرد وضع الغطا في المكان الصحيح ولف الرأس الموجودة عليه حتى تمام الإغلاق بإحكام مع التأكد من وجود العلامة الحمراء للبخار في مكانها.
• مزودة بصمامين لتنفيث البخار بأمان، واحد بينفث البخار الزائد وقت الطهي، والتاني بيتم فتح الرأس المخصصة ليه بعد انتهاء الطهي لتفريغ البخار الداخلي والاستعداد لفتح الحلة بعد انتهاء خروج البخار بشكل كامل.
• تستخدم مع مختلف أسطح التسخين المعروفة سواء غاز أو كهرباء أوسيراميك أو هالوجين.
• سريعة في تحضير الأكل وبتحافظ على القيمة الغذائية والفيتامينات والمعادن في كل أنواع الأكل.
• بتتميز بسعة كبيرة تستوعب أحجام مختلفة.
• لا تتأثر بالحرارة العالية وبتحتفظ بالحرارة داخلها لفترات طويلة.

عيوب حلة ضغط من ماجفيسا 14 لتر

• غير مزودة ببلف احتياطي.
• غير متوفر معها سلة بخارية للخضروات.

شوف حلة ضغط ستانلس ستيل من ماجفيسا 14 لتر من هنا.

 حلة ضغط 10 لتر من سيلامبوس

مواصفات حلة ضغط 10 لتر من سيلامبوس

• العلامة التجارية: سيلامبوس
• الخامة: ستانلس ستيل 18/10
• السعة: 10 لتر
• بلد الصنع: البرتغال

مميزات حلة ضغط 10 لتر من سيلامبوس

• واحدة من المنتجات البرتغالية المعروفة بجودتها العالية وتصميمها الجميل المصقول بعناية كبيرة.
• مصنعة من أجود أنواع الفولاذ 18/10، بعني صحية تماما ومش بتتفاعل مع أحماض وقلويات الطعام.
• مصمم بقاعدة سميكة من الفولاذ سريعة في تحضير الأكل بشكل صحي وموفرة جدا في الطاقة.
• مصممة ب 3 أنظمة أمان مستقلة للتحكم في الضغط بشكل كامل.
• بتوفر أعلى معايير الأمان من خلال خاصية منع فتح الغطاء قبل تفريغ الضغط بشكل كامل.
• يتتميز بسهولة استخدامها وسهول التعامل مع الفتح والغلق.
• تستخدم مع مختلف أسطح التسخين المعروفة سواء غاز أو كهرباء أوسيراميك أو هالوجين.

عيوب حلة ضغط 10 لتر من سيلامبوس

• غير مزودة ببلف احتياطي.
• قليلة في السوق المصري وقطع غيارها مش متوفرة بسهولة.

شوف حلة ضغط 10 لتر من سيلامبوس من هنا.

حلة ضغط ALZA ستانلس ستيل 8 لتر

مواصفات حلة ضغط ALZA ستانلس ستيل 8 لتر

• العلامة التجارية: ALZA
• بلد الصنع: أسبانيا
• مادة الصنع: ستانلس ستيل 18/10
• اللون: فضي
• السعة: 8 لتر

مميزات حلة ضغط ALZA ستانلس ستيل 8 لتر

• مصنعة من أجود أنواع الاستانلس ستيل النقي بقاعدة سميكة من الفولاذ وتصميم رائع لامع منافس في أناقته.
• مزودة بنظام أمان ثلاثي بيضمن الحماية والأمان الكامل في الاستخدام.
• بتستخدم على جميع أنواع أسطح التسخين.
• سهل تنضيفها وآمنة للاستخدام في غسالة الأطباق.
• سريعة في الطهي وموفرة للطافة وبتحتفظ بالقيمة الغذائية للأغذية.
• مصنعة في أسبانيا بأعلى الخامات وأعلى مستويات التقفيل.
• مميزة بالتصميم العريض لليد بشكل يسهل نقلها بثبات.
• مزودة بمصفاة داخلية لتسوية الخضروات على البخار.
• بييجي معها جوان سيليكون احتياطي المسؤل عن إحكام قفل الغطاء في حالة تلف الجوان الأصلي.

عيوب حلة ضغط ALZA ستانلس ستيل 8 لتر

• غير مناسبة للقلي.

شوف حلة ضغط ALZA ستانلس ستيل 8 لتر من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

كاتبة المقال:

أمنية عزمي، بكتب من 3 سنين.. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.