كتب: خالد عاصم

حاجات كتير مع مرور الوقت بتتحول من فئة الإضافات أو الكماليات لفئة الضرورات، وخصوصًا لو كانت حاجة متعلقة بالأمان والتأمين وحماية ممتلكاتنا وأولادنا وأرواحنا، وده اللي خلى كاميرات المراقبة تتحول لضرورة للبيت وشيء إجباري حتى بالقانون للمحلات والمتاجر المختلفة، فدلوقتي من بين شروط ترخيص أي نشاط تجاري وجود كاميرات للمراقبة.

ففي بيتك أو مكتبك، هتقدر من خلال كاميرات المراقبة إنك تشوف البيت أو المكتب في كل لحظة، يعني تطمن على البيت وعلى ولادك لو انت مش معاهم وعلى مقتنياتك الثمينة والمهمة اللي ممكن تكون شايلها في البيت، أو تراقب موظفينك أوخزنتك في المكتب، ولو عندك محل في الشارع فلازم تكون حريض على مراقبة كل حاجة فيه من جوا ومن برا من خلال كاميرات المراقبة وأنظمتها المختلفة.

من هنا نقدر نفهم أهمية كاميرات المراقبة دلوقتي، ولكن مع الأهمية دي فيه مشكلة ممكن تواجهنا، وهي إن أغلبنا ممكن يكون عمره ما احتك بالنوع ده من الكاميرات قبل كده ومايعرفش بتشتغل إزاي أو إيه هي إمكانياتها وإيه كمان الاختلافات ما بينها وده معناه إنه هيكون من الصعب اختيار النوع المناسب وطبعًا من الصعب المقارنة ما بين الأنواع المختلفة اللي انت أصلًا متعرفهاش ومتعرفش الاختلافات ما بينها.

وبسبب الحيرة دي هيكون ادامك اختيار من تلاتة، إما إنك تدخل تعمل بحث على جوجل عشان تعرف كل أشكال الاختلافات ما بين الكاميرات دي وتعرف طبيعتها وكيفية عملها، ودي عملية هتاخد وقت طويل ومجهدة طبعًا، أو إنك تتعامل مع شركة تخليها هي اللي تختار النوع المناسب وتشتري من خلالها وتركبلك لكاميرات بالنظام بتاعها، وده ممكن يكون حل مثالي بس هتضمن منين إن الشركة دي هتقدملك النوع المناسب مش الغالي وخلاص أو ممكن ماتكون أنواع مضمونة، أما الاختيار التالت بقى وبكل بساطة فهو إنك تقرا المقال ده.

ففي المقال اللي ادامك دلوقتي هتتعرف على أبرز أنواع كاميرات المراقبة المتوفرة على ياقوطة واللي ينفع تستخدمها في بيتك أو مكتبك واللي بتتميز بسهولة تركيبها وإمكانية الوصول ليها من خلال الموبايل وغيرها من المميزات اللي هنتعرف عليها خلال تفاصيل المقال.

ولو أي كاميرا من كاميرات المراقبة اللي هنتكلم عنها عجبتك، هتقدر تطلبها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أفضل أنواع كاميرات المراقبة للبيت أو المحل على ياقوطة

كاميرا المراقبة Dahua HDW1400R السلكية الداخلية

واحدة من أشهر كاميرات المراقبة الداخلية وأوسعها انتشارًا، واللي بتتمتع بجودة صورة ممتازه لاعتمادها على المستشعر بدقة ٤ ميجا بيكسل، وبتميز الكاميرا بمجموعة من المميزات منها التصميم المميز والجذاب وبتتمتع بعدسة بتقدر تحول بين التركيز المتعدد والثابت، والكاميرا سلكية طبعًا بتحتاج للتوصيل من خلال كابلات وبتقدر تنقل الإشارة من خلال كابل Coaxial اللي بيدعم توصيل البيانات لحد ٧٠٠ متر.

اتعرف على عروض أسعار كاميرا المراقبة الداخلية Dahua HDW1400M من هنا.

كاميرا المراقبة Dahua C Series اللاسلكية الداخلية

من كاميرات المراقبة المثالية جدًا للمكاتب أو لأوض الأطفال، وبتتمتع الكاميرا بمستشعر بدقة ٣ ميجا بكسل بعدسة بالأشعة تحت الحمراء ثابتة التركيز، وبفضل الأشعة تحت الحمراء بتتميز الكاميرا بجودة صوت ممتازة في مختلف ظروف الإضاءة المحيطة وبتقدر توفر جودة وتباين ألوان ممتازة، وبفضل التقنيات الذكية اللي بتتميز بيها فبتقدر تحدد من نفسها نطاق الأشعة تحت الحمراء، وكمان بتتمتع بإمكانية بتخليها تقدر تقلل المساحة اللي بتحتاجها مقاطع الفيديو من خلال تحول العدسة الأوتوماتيكي للتركيز على مناطق الحركة.

اتعرف على عروض أسعار كاميرا المراقبة الداخلية Dahua C Series من هنا.

كاميرا المراقبة Xiaomi Mi Security اللاسلكية الداخلية

بتقدم شاومي كاميرا المراقبة اللاسلكية Xiaomi Mi Security  بجودة Full HD 1080p بزاوية رؤية ١٣٠ درجة وبتتميز بنطاق أشعة تحت الحمراء لحد ١٠ متر لدعم الرؤية الليلية وإمكانية تحديد الحركة الذكية وكمان فيها واي فاي ثنائي الترددات وبتدعم التواصل الصوتي من الاتجاهين. والكاميرا سهلة الاستخدام جدًا ومش بتحتاج أي خبرة في التعامل مع النوع ده من الكاميرات وبتقدر تصور الفيديو بجودة 1080p بمعدل ٢٠ إطار في الثانية، وبفضل تقنية واي فاي بتقدر تشوف المعروض على الكاميرا من خلال تليفونك.

اتعرف على عروض أسعار كاميرا المراقبة اللاسلكية Xiaomi Mi Security من هنا.

كاميرا المراقبة Honeywell HBW2PR1 السلكية الخارجية بعدسة متغيرة

من كاميرات المراقبة الخارجية الممتازة اللي بتدعم تصوير الفيديو بجودة 1080p بمعدلات ٢٥ إطار في الثانية و٣٠ إطار في الثانية بفضل اعتمادها على مستشعر بقطر ١/٢.٧ بوصة بدقة ٢ ميجا بيكسل، وبتدعم تصوير الفيديو بجودة 1080p بمعدل ٢٠ إطار في الثانية بالاعتماد على مستشعر بقطر ١/٣ بوصة بدقة ٤ ميجا بيكسل وهو المستشعر المتميز sensorWide Dynamic Range، وبتتميز العدسات دي بتقنيات مضادة للانعكاسات مع توفير ألوان واضحة جدًا سواء بالنهار أو بليل ده غير عن فيها تقنيات متعددة للتخلص من الضوضاء البصرية.

بتتميز الكاميرا كمان بدعمها لحماية ضد العديد من ظروف الجو، يعني بتقدم تشتغل من درجة حرارة -٣٠ لحد ٦٠ درجة مئوية، وتشغيلها سهل جدأ يعني بمجرد تركيبها بس تقدر تشغلها من غير إعدادات معقدة.

اتعرف على عروض أسعار كاميرا المراقبة الخارجية Honeywell HBW2PR1 من هنا.

كاميرا المراقبة Imilab CMSXJ11A EC2 اللاسلكية الداخلية أو الخارجية

بتعتمد الكاميرا دي على ٨ مصابيح بتشتغل بالأشعة تحت الحمراء عشان تقدر تشوف لحد ٣٣ قدم وبزاوية رؤية لحد ١٢٠ درجة، يعني توفر جودة رؤية مليئة بالتفاصيل ومن غير أي تشويه حتى في الليل، وبتتميز الكاميرا بدعمها ببطارية بتقدر تخليها تشتغل لحد أسبوع كامل، وبتوفر الكاميرا خدمة تخزين سحابية مجانية لمدة ٧ أيام، وكمان تقدر تخزن بياناتك على كروت ميموري لحد ٦٤ جيجابايت، والكاميرا مصممة عشان تقدر تتحمل ظروف كتير متقلبة في الجو.

اتعرف على عروض أسعار كاميرا المراقبة اللاسلكية Imilab CMSX11A EC2 من هنا.

كاميرا المراقبة 2B Pro الخارجية برؤية ليلية وتحكم بالموبايل

شركة 2B الشهيرة بتقدملنا كاميرا المراقبة الخارجية 2B Pro اللي بتتميز بعدسة بدقة ٢ ميجا بيكسل بتدعم تصوير الفيديو بجودة 1080p وبتتميز بتقنية تناظرية عالية الدقة مع خاصية الكشف عن الحركة وبتتميز كمان برؤية ليلية بفضل مستشعر الأشعة تحت الحمراء اللي بيشتغل لحد ٥٠ متر، وممكن التحكم في الكاميرا من خلال الهواتف الذكية بنظامي تشغيل اندرويد وiOS.

اتعرف على عروض أسعار كاميرا المراقبة الخارجية 2B Pro من هنا.

اتعرف على عروض أسعار أبرز كاميرات المراقبة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.