كتبت: أمنية عزمي

هنعرض مع ياقوطة أفضل الأجهزة اللي ممكن تحتاج لها في بيتك بأسعار مناسبة، جهاز البخار متعدد الاستخدامات، ماكينة خياطة صغيرة مع دواسة، ميزان مطبخ، شفاط زجاج، شواية كهربائية، تابعنا مع ياقوطة علشان تتعرف عليهم وعلى أحسن سعر لكل منتج، ولو عجبك أي نوع تقدر تطلبه من خلالنا وهيوصلك لحد البيت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

جهاز البخار متعدد الاستخدام

الجهاز ده بيحول المية لبخار في دقائق قليلة، وليه إستخدامات كتير جدا زي تنضيف وتعقيم الملابس والسجاد والستائر والمفروشات ولو فيها بقع بيطلعها بسهولة، بيسخدم كمان في تنظيف البوتاجاز من الدهون وبيساعد بشكل كبير على تنظيف البقع من الحوائط في الحمامات والمطابخ والأسطح السيراميك، وبيطلع اللبان من السجاجيد والملابس، تقدر كمان تنضف به الشبابيك والأبواب والمقابض لأنه آمن عالأسطح ومش بيسبب أي خدوش أوتلفيات، ليه عدة رؤوس تقدر تبدلها حسب الحاجة، سهل الاستخدام كل اللي عليك إنك تحط مية في الماكينة وبتتحول لبخار.

عيبه إنه حجمه صغير ومش بيكون فعال في الدهون القوية في البوتاجاز.

شوف جهاز البخار متعدد الاستخدام من هنا.

ميزان مطبخ سالتر 5 كيلو ديجيتال أسود

ميزان سالتر الرقمي بيزن لحد 5 كيلو، عليه إبريق كوحدة وزن سعته 1.25 لتر ومصمم بحافة تسهل صب السوائل منه، خاماته بلاستيك عالي الجودة وبتقدر تغسله في غسالة الأطباق “على الرف العلوي”، وفيه شاشة LCD كبيرة وواضحة بيظهر عليها الوزن بكل دقة ودا ميزته إنك تقدر تستخدمه كمعيار دقيق في الأوزان اللي بتستخدمها للوصفات بالجرام وكمان بيستخدم لقياس السوائل بالمللي أو الأونصة السائلة بوظيفة Acuatronic ، فيه وظيفة إضافة ووزن (صفر) بتقدر معاها توزن مكونات متعددة مختلفة في نفس الوعاء، عملي جدا ووزنه خفيف وحجمه صغير ومش بيشغل حيز من المكان.

شوف ميزان مطبخ سالتر 5 كيلو ديجيتال أسود Salter 1089BKWHDR من هنا.

Generic ماكينة خياطة صغيرة مع دواسة

ماكينة خياطة حجمها صغير لكن مثالية للمبتدئين وحتى المحترفين، وزنها خفيف ومقبض مدمج يسهل تتنقل بها، فيها 19 نوع مختلف من الغرز مع سرعات مختلفة قابلة للتعديل، سهلة في استخدامها ومش معقدة وبتشغلها بأربع خطوات عن طريق أزرار، معاها دواسة قدم، وفيها لمبة ليد بتسهل رؤية الغرز وعملية اللضم بوضوح، فيها مقبض لشد الخيط قابل للتعديل، ووظيفة الخيوط التلقائية والقاطع مع الخياطة الأمامية والخلفية بالإضافة لخطاف الدوار، بتوفر خياطة سريعة ومريحة، وفيها درج تحتفظ فيه بملحقات الخياطة، حجمها صغير وتقدر تستخدمها في أي مكان.

عيبها بس إن خاماتها بلاستيك ضعيفة خاصة دواسة القدم ومحتاجة عناية في الاستخدام، وكمان ما تقدرش تخيط فيها أقمشة قوية زي الجينز.

شوف Generic ماكينة خياطة صغيرة مع دواسة من هنا.

فريش شفاط زجاج 20 سم- أبيض

شفاطات فريش من الأنواع الجيدة جدا، دا شفاط زجاج بيتركب في زجاج شباك الحمام مثلا أو المطبخ لو حجمه صغير لأن الشفاط مقاس 20 سم، خامات تصنيعة جيدة جدا وتصميمه وتقفيله بيراعي إنه يكون محكم عالزجاج وبغطاء خلفي لمنع دخول الحشرات، موفر في الكهرباء ومميز بقوة شفط عالية بتحافظ على تجديد الهواء والأبخرة في الحمام خاصة لو بتستخدم سخان غاز، وقوة شفطه للبخار في المطبخ جيدة لو مساحة المطبخ صغيرة.

عيبة بس إنه بيشتغل شفط بس مفيش فيه مروحة لكن في الغالب محدش بيستخدم الشفاط كمروحة.

شوف فريش شفاط زجاج 20 سم من هنا.

كاسيل شواية كهربائية 2000 واط- BG1020T

شواية كاسيل من وسائل تحضير الأكل الصحي اللي كلنا بندور عليه لصحتنا وصحة ولادنا، بتشتغل بالكهرباء بقوة 2000 واط يعني سريعة وبتوفر في الوقت، فيها زرار للتحكم في درجة الحرارة حسب الحاجة مع لمبة توجيه، سهل تتنقل بها من مكان لمكان، تصميمها عصري عبارة عن صينية كبيرة بقاعدة معدن بأرجل وفيها تجويف من المنتصف بشكل كامل لمخلفات الشوي وعليها شبكة سلك بمقبضين يوضع عليه المشويات، مثالية لكل أنواع اللحوم والخضروات، سهلة التنظيف.

عيبها إنها بتستهلك كهرباء عالية خاصة إن حجمها محدود يعني لو بتشوي كمية كبيرة هتشغلها فترات طويلة.

شوف كاسيل شواية كهربائية 2000 واط- BG1020T من هنا.

**قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

أمنية عزمي، بكتب من سنتين. مش بدخّل أي حاجة في حياتي غير لما أكون دارسة كل جوانبها باستفاضة حتى لو كانت رياضة هلاعبها لولادي.. بحب أسيرش وأجيب معلومات عن كل حاجة وكل الآراء المتاحة قبل ما آخد أي قرار. ونفس الكلام قبل ما بكتب عن أي حاجة. بقرأ كتير جدًا واسأل ناس خبرة عنها عشان أكون ملمة بكل معلومة سواءً كويسة أو وحشة. وبحاول كتير أجرب أي جهاز بنفسي  لو متاح قبل ما اكتب عنه عشان تكون التجربة والمعلومة صادقة ومفيدة وكمان مختلفة ودقيقة. وأكتر حاجة بحب أكتب عنها الأجهزة المنزلية لأن خبرتي فيها سنين وسنين من الخبرة الشخصية والعملية كمان. فأي معلومة بكتبها بتكون مدروسة كويس جدا.